Қазақстан халықтарының бірлік күнінің тойлануы

          

«Аққала»жалпы орта мектебінің  І деңгейлі география

пәнінің мұғалімі:Казыбаева Гульмира Бекбосынқызы

          Мамырдың 30-жұлдызында Оңтүстік Қазақстан облысы Арыс ауданы Арыс қаласы Білім бөліміне қарасты «Аққала» жалпы орта мектебінде  1-Мамыр Қазақстан халықтарының бірлігі күніне арналған «Қазақстан-татулық пен бірліктің мекені!» атты мерекелік кеші  өте сәтті өтті. Қазақстанда жыл сайын тойланатын мереке.  Мереке 1996 жылдан бастап тойланады. 1995 жылдың 18 қазанында Қазақстан президенті Нұрсұлтан Әбішұлы Назарбаевтің жарлығы бойынша 1- Мамыр Қазақстан халықтарының бірлігі күні деп жарияланды. Біздің мектеп ұжымы да көп ұлтты халқымыздың тыныштығы мен бірлігін нығайтуға ат салысу мақсатында пән бірлестіктері,кіші қызметкелер,зертханашылар  алты топқа бөлініп, алты түрлі ұлттың мәдениетін, әр халықтың салт – дәстүрлерін, ұлттық тағамымен өнерін көрсете отырып, сайысқа түсті.

1 -топ: «Түріктер»  ( «Жаратылыстану» бірлестігі, топ басшысы Ділдаханов Жақсыбек Тасболатұлы)

2 -топ: «Өзбектер»  («Бастауыш» бірлестігі, топ басшысы Қаныбекова Есенкүл Замынбекқызы)

3 -топ: «Қазақтар»  («Эстетика» бірлестігі, Дулатов Нұрбек Шынтасұлы)

4-топ:  «Орыстар»  («Ізгілік» бірлестігі, топ басшысы Атығаев Сұлтан Жақсыбайұлы)

5-топ:  «Қырғыздар» (Кіші қызметкерлер, топ басшысы Қалдыбекова Назгүл Нұрлыбекқызы)

6-топ:  «Азербайжандар» (Зертханашылар, топ басшысы Аубешова Рыскүл Жақсытайқызы)                           

      Қазақстан Республикасын мекен еткен 130 дан астам ұлт өкілі күні бүгінге дейін ынтымақтастықта, бір үйдің баласындай тату-тәтті жарасымды тіршілік кешіп келеді. Жүзі басқа болғаны мен жүрегі бір, тілі басқа болғанымен тілегі бір, мақсат-мүддесі ортақ, бірлігі мықты, достығы берік ұлттар қазақ елінің салт-дәстүріне, ұлттық құндылықтарына құрметпен қарайды, сондай-ақ қазақ халқының қарапайымдылығы, қонақжайлылығы, бауырмалдылығы үшін ерекше бағалайды, бастысы-өздері қоныс тепкен Қазақстан жерінің барлық ұланымен ауыз бірлікте, туыс болуды көздейді.

                       Кештің  жоспарланған тәрбие мақсаттары:

-  Өзара түсіністік, ұстамдылық, әр түрлі ұлттар өкілдерінің рухани және мәдени құндылықтарына          құрметпен қарау әдебі барлық этностарға ортақ жалпы халықтық идеалдар мен қасиеттерді қалып­тас­     тыру;

 - Бірлік, ынтымақтастық туралы түсініктерді кеңейтіп, Қазақстан Республикасындағы халықтардың      ынтымақтастықпен,бірлікпен,тең құқықпен өмір сүріп жатқандығын және оны үлгі етіп, әр халықтың салт - дәстүрлерін сақтап келе жатқан қаншама ұлттардың салт - саналарынан хабардар ету, өз өнерлерін көпшілік ортаға салу арқылы шығармашылық білімдерін көрсету, ұжымның жаңа қырларын ашу болатын.Сайысқа түскен топтарымыз өте белсенді,өнерлі,шығармашыл,білімді,білікті екендерін дәлелдеп,ауыз бірлікте,ұйымшылдықтарымен жоғары дәрежеде өнер көрсетті,өздерін жаңа қырларынан көрсете білді. Әсіресе көршіміз өзбек ұлтын «Бастауыш» бірлестігі өте керемет сахналап (сомдап) шықты. Қалған топтарда кем түскен жоқ. Кештің соңында  қонақтар таң-тамаша болып, өздерінің таңғалғандарын жасыра алмады.  «Қазақта бірлік болмай,тірлік болмайды»-деген ұлағатты ұғым бар.Ендеше елімізде бейбіт өмір сүріп жатқан ұлттармен ұлыстар өкілдерінің татулығы артып,Қазақ елінің нығайып,өркендеуіне біздің ұжым, өз үлесімізді қоса береміз.

     Баршаларыңызға, әр отбасына, әр қазақстандыққа шынайы көңілмен бақыт-береке тілейміз. Еліміз аман, жұртымыз тыныш болсын!

                              Кештің керемет көріністері.