Қазақстан
Республикасы
Тәуелсіздігінің 25 жылдығы
Айта
кетейік, 1991 жылы 16 желтоқсанда Қазақ КСР Жоғарғы Кеңесі Қазақстан
Республикасының Тәуелсіздігі туралы конституциялық заң қабылдады. Сол күннен
бастап Қазақ елі өз конституциясы, валютасы мен ішкі және сыртқы саясаттағы
даму бағыты бар егеменді мемлекет ретінде қалыптаса бастады. Биыл Қазақстан
тәуелсіздігіне 25 жыл толып отыр.
Аталған шара барысында
мемлекет басшысы көпшілікті алдағы келе жатқан Тәуелсіздік мерекесімен
құттықтады." Біз 1991 жылы 16 желтоқсанда Тәуелсіздігімізді
жер жүзіне жариялап, күллі әлемге паш еттік. Алдымен көне түріктің бөрілі
байрағының мұрагері Көк туымызды БҰҰ-ның төрінде желбіреттік. Әнұранымызды әлем
төрінде қалықтатып, Елтаңбамызды мәңгілік мөрге айналдырдық, төл теңгемізді
енгізіп, Ата-заңымызды қабылдадық. Шекарамызды шегендеттік. Мемлекеттік
тілімізді әлемнің ең биік мінбесінен сөйлеткіздік. 1500 жыл бұрын «Күлтегінде»
жазылған «Мәңгілік ел» ұғымын жалпы ұлттық идеяға айналдырып, еліміздің 15
ғасырлық тамырына нәр бердік. Бүгінгі ана тілімізді түлетіп, ата дінімізді
ұлықтаған айшықты елміз. Тағылымы тарихты түгендеген жоралғы жұртпыз. Барша
қазақты біріктіктірген бәтуәлі ұлтпыз», – деп түйіндеді елбасы Н.Назарбаев. Ол
өз сөзінде бiз
үшiн Тәуелсіздік күні өте құнды, өте қасиеттi мереке екендігін айтып өтті. Бұдан
өзге Елбасы мемлекеттік тіл-қазақ тілінің биік мәртебесі жайлы айтып, оның
қоғамдағы алатын орны туралы салиқалы ойларымен бөлісіп, мемлекетіміздің бас
қаласы-Астана туралы,әлемдегі Қазақстанның биік беделі жайлы сөз қозғады.
Бұл – тәуелсіздіктің маңызы
орасан зор, бұл ұрпақтан-ұрпаққа, ғасырдан-ғасырға жалғасатын қасиетті
мереке.Тәуелсіздік – біздің жақсы өміріміздің негізі, осынау ғасырға бергісіз 25
жыл ішінде біздің ел әлеуметтік-экономикалық және саяси қиындықтарды жеңе
білді, және 50 дамыған елдің қатарына енді, - деп атап өтті Елбасы.
Өткен 25
жылға осы шапағаттардың шуағын сезіндіргені үшін тәубә айтуымыз керек. Біз «Мәңгілік ел» идеясын
жүзеге асыру жолында аянбай тер төгіп келеміз. Осылайша Тәуелсіздіктің
арқасында біздің экономикамыз бен халқымыздың ә л-ахуалы жыл өткен сайын дамып,
жарқын болашаққа батыл қадам басып келеміз.Өйткені тәуелсіздік- біздің
халқымыздың басты жеңісі. Тәуелсіздігіміз тұғырлы болсын!
Айтбенбетов О.О.
Оставьте свой комментарий
Авторизуйтесь, чтобы задавать вопросы.