Азербайджан и Гайдар Алиев.Презнтацие

• 1 слайд

  AZƏRBAYCAN 1991-1998
  
  
  

• 2 слайд

  Dövlətin, xalqın həyatında xüsusi rol oynayan, xidmət göstərən böyük şəxsiyyətlər olmuş və onlar tarixə öz adlarını əbədi həkk etmişlər. Ümummilli liderimiz Heydər Əliyev də Azərbaycan xalqının tarix boyu yetişdirdiyi nadir və qeyri-adi şəxsiyyətlərdəndir. O, ömrünün yarısını dövlət vəzifələrində olaraq xalqa ləyaqətlə xidmət etmişdir. Azərbaycan dövləti və xalqı çox çətin, keşməkeşli bir yol kecərək indiki dövrə qədər gəlib çıxmışdır. Bu yol həmçinin olduqca şərəflidir. Tarixin bütün sınaqlarından alnıaçıq, üzüağ çıxan xalqımız, eyni zamanda, itkilər vermiş, dəhşətli faciələrlə üzləşmiş, vahiməli, qorxunc anlar yaşamışdır. Belə çətin dövrlərdən biri də 1991-1993-cü illəri əhatə edir. Belə bir vaxtda Heydər Əliyev xalqını tək qoymadı, onun yanında olmağı özünə borc bildi.
  “Mən xalqImIn, vətənimin yolunda şəhid
  olmağa haziram!”
  

• 3 слайд

  VƏTƏNƏ QAYIDIŞ
  H.Əliyev 1990-cı ilin 20 yanvarında sovet qoşunlarının Bakıda törətdiyi qanlı faciə ilə əlaqədar ertəsi gün Azərbaycanın Moskvadakı nümayəndəliyində bəyanatla çıxış edərək, Azərbaycan xalqına qarşı törədilmiş cinayətin təşkilatçıları və icraçılarının cəzalandırılmasını tələb etmişdir. Artıq Moskvada qala bilməyəcəyini bilən və xalqının çətin vəziyyətində onun yanında olmaq istəyən H.Əliyev vətənə qyıtmaq istədi. Totalitar rejimin və onun yerli əlaltısı olan Ayaz Mütəllibovun xəyanətkar hərəkətlərinə, Heydər Əliyevi Bakıaeroportunda qarşılamaq istəyənlərə hər cür mənəvi və fiziki təzyiq göstərilməsinə baxmayaraq Heydər Əliyev 1990-cı il iyun ayının 20-də təyyarə ilə Bakıya gəldi. Burada təzyiqlərə məruz qalan H. Əliyev iki gün sonra Naxçıvana getdi.
  
  

• 4 слайд

  
  
  XALQIN XİLASKARI
  1990-1993-cü illərdə Naxçıvan Muxtar Respublikası olduqca gərgin bir dövr yaşayırdı. Bu dövrdə Qarabağ problemi ətrafında yayılan dalğanın zərbə qüvvəsinə məruz qalan, sərhədyanı kəndləri ermənilər tərəfindən işğal və qarət olunan, dincliyi əlindən alınan Naxçıvan “taleyin ümidinə buraxılmış tənha bir ada”nı xatırladırdı. Tale Heydər Əliyevi bu regiona göndərməklə Naxçıvanı, onu gözləyən bəlalardan, işğal olunmaq, əhalisini isə qaçqın ömrü yaşamaq təhlükəsindən hifz etdi. Azərğaycanın bu qədim torpağını xilas edən Heydər Əliyev özünə Naxçıvan boyda abidə ucaltdı. 1990-cı il 21 avqustda Naxçıvan Muxtar Sovet Sosialist Respublikasının (MSSR) Ali Sovetinin Rəyasət heyəti Heydər Əliyevin Naxçıvan MSSR vətəndaşlığına qəbul olunması barədə qərar qəbul etmişdir. 1990-cı il 30 sentyabr seçkilərində o, Nehrəm seçki dairəsindən Azərbaycan SSR-nin xalq deputatlığına, Naxçıvan Üst Trikotaj Fabriki kollektivi tərəfindən isə Naxçıvan MSSR-in xalq deputatlığına seçilmişdir.
  

• 5 слайд

  BİR KƏRƏ YÜKSƏLƏN BAYRAQ BİR DAHA ENMƏZ
  
  Naxçıvan Muxtar Respublikasının Ali Məclisi Azərbaycan Respublikasının milli istiqlal rəmzi olan üçrəngli dövlət bayrağının bərpası, onun Naxçıvan Muxtar Respublikasının dövlət bayrağı kimi qəbul edilməsi haqqında qərarlar qəbul olundu. Naxçıvan Muxtar Respublikasının Аli Məclisi Azərbaycan SSR Ali Sovetinin qarşısında həmin bayrağın bütünlükdə Azərbaycanın rəsmi dövlət rəmzi kimi tanınması haqqında vəsatət qaldırdı. 1991-ci il fevralın 5-də Azərbaycan Respublikası Ali Sovetı Naxçıvan Muxtar respublikası Ali Məclisinin vəsatətinə baxmış və üçrəngli bayrağın Azərbaycanın dövlət bayrağı kimi qəbul edilməsi haqqında qərar vermişdir.
  

• 6 слайд

  MİLLİ ŞÜURUN DİRÇƏLMƏSİ
  Milli şüurun dirçəlməsi istiqamətində ən zəruri tədbirlər görüldü. Sovet qoşun hissələri və sərhəd dəstələri onlara məxsus silah-sursatın, texnikanın və əmlakın tamamilə Naxçıvanda saxlanması şərti ilə bu torpağı tərk etdilər. İlk dəfə olaraq Naxçıvan Muxtar Respublikasının Ali Məclisində 20 yanvar faciəsinə siyasi qiymət verildi. Həmin günün milli matəm günü kimi qeyd olunması, Dünya Azərbaycanlılarının Birlik və Həmrəylik günün təsis edilməsi, aqrar islahatların həyata keçirilməsi barədə tarixi qərarlar qəbul olundu.
  1990-cı il dekabrın 14-də Naxçıvan MR Ali Məclisi deputat Heydər Əliyevin hazırladığı "Azərbaycan SSR-in Dağlıq Qarabağ Muxtar Vilayətində, Şaumyan rayonunda və Xanlar rayonunun Çaykənd kəndində yaranmış vəziyyətə münasibət haqqında" qərar qəbul etmişdir. 1991-ci il 3 sentyabrda Naxçıvan MR Ali Məclisinin fövqəladə sessiyası çağırılmışdır. Həmin sessiyada Heydər Əliyev yekdilliklə Ali Məclisin sədri seçilmişdir.
  
  

• 7 слайд

  
  
  1991-ci il sentyabrın 8-də Azərbaycanda prezident seçkiləri keçirildi. Lakin Heydər Əliyevin rəhbərlik etdiyi Naxçıvan MR Ali Məclisi Muxtar Respublika ərazisində prezident seşkilərini dayandırdı. Çunki ağıllı və uzaqgörən siyasətçi olan H. Əliyev xalqın iradəsinə zidd olaraq Rusiyanın əlaltısı olan Ayaz Müləllibovun prezident seçiləcəyini bilirdi. Seçkiləri boykot etməklə buna öz etirazını bildirdi. Hələ 1991-ci il martın 17-də SSRİ-nin saxlanılması referenduma çıxarılan zaman H.Əliyev onun əleyhinə çıxmışdı. Demokratik qüvvələrin ciddi səylərinə baxmayaraq, Azərbaycan kommunistləri SSRİ-nin saxlanılması ilə əlaqədar referendumda iştirak etdilər. Səsvermənin yekunları saxtalaşdırıldı. Guya, xalq SSRİ-nin saxlanılması lehinə səs vermişdi. H.Əliyevin rəhbərliyi altında Naxçıvan MR əhalisi referendumda iştirakdan imtina etdi. H. Əliyev yaşadığı dövrdə xalqın iradəsi ziddinə olan heç bir tədbirin tərəfində olmamışdır. Bu da onun nə qədər demokratik bir şəxs olduğunun sübutudur.
  UZAQGÖRƏN
  SİYASƏTÇİ
  

• 8 слайд

  YENİ İQTİSADİ MODEL
  
  1991-ci il 29 oktyabrda H. Əliyevin ciddi səyi ilə başa gəlmiş Naxçıvan Muxtar Respublikasının Sədərək rayonunda Azərbaycanla Türkiyə arasında Araz çayı üzərindən salınmış müvəqqəti körpünün rəsmi açılış mərasi olmuşdur. 1992-ci il 22-25 martda Türkiyədə Baş Nazir Süleyman Dəmirəllə Türkiyə Cümhuriyyəti tərəfindən Naxçıvan Muxtar Respublikasına maliyyə, iqtisadi və texniki yardım göstərilməsi barədə, 100 milyon dollar məbləğində kredit ayrılması və hər il 100 tələbənin Türkiyədə təhsil almasını nəzərdə tutan birgə Əməkdaşlıq Protokolu imzalanmışdır.
  

• 9 слайд

  XARİCİ DÖVLƏTLƏRLƏ ƏLAQƏLƏR
  1992-ci il 28 mayda Naxçıvanla Türkiyə arasında Araz çayı üzərində tikilmiş “Ümid” körpüsünün açılışı olmuşdur.
  1992-ci il 22-26 avqustda H.Əliyev İran İslam Respublikasına səfər etmiş, ali dini lider Ayətulla Xomeyni və İran İslam Respublikasının prezidenti Əli Əkbər Rəfsəncani və digər rəsmi şəxslərlə görüşmüşdür. Bu səfərin nəticəsi olaraq Naxçıvan Muxtar Respublikası ilə İran İslam Respublikası arasında müxtəlif sahələrdə əməkdaşlığa dair protokollar imzalamışdır. 1992-ci ildə İran və Türkiyə ilə bağlanmış əməkdaşlıq müqavilələri əsasında, Sədərək, Culfa və Şahtaxtı keçid məntəqələri yaradıldı. Bundan əlavə, Naxçıvan şəhəri yaxınlığında İstilik-Elektrik Stansiyası tikildi. Türkiyə Respublikasının İqdır vilayətindən 92 kilometrlik bir məsafədən yüksək gərginlikli elektrik xətlərinin Naxçıvana çəkilməsi başa çatdırıldı ki, bu da Naxçıvanın elektrik enerjisinə olan ehtiyacını əsasən ödəmiş oldu.
  

• 10 слайд

  QURTULUŞ GÜNÜ
  
  
  1993-cü il iyunun 9-da hökumət xüsusi təyyarə göndərərək Heydər Əliyevi Bakıya gətirdi. Xalq Heydər Əliyevi böyük sevinclə qarşıladı. Çunki o, həmin anda xalq üçun ən böyük xilaskar idi. 1993-cü il iyunun 15-də Heydər Əliyev Ali Sovetin sədri seçildi. Həmin gün Azərbaycanın tarixinə “ Milli Qurtuluş Günü “ kimi daxil oldu. Hər bir Azərbaycan vətəndaşı üçün tamamilə şübhəsizdir ki, müstəqil, milli, demokratik dövlət quruculuğu məhz həmin gündən başlayır. Ulu öndər xüsusi bacarığa malik fenomen bir siyasətçi idi. Hakimiyyətə gələn kimi vəziyyətə nəzarəti öz əlinə ala bildi..
  
  

• 11 слайд

  REALİST SİYASƏTÇİ
  Ulu öndər realist bir siyasətçi olduğu üçün verdiyi vədlərin dərhal icrasına başladı. Hələ 1993-cü ilin yayında mütəşəkkil olmayan ordunun səhvi nəticəsində Azərbaycanın Cəbrayıl, Füzuli, Qubadlı rayonları düşmən tərəfindən işğal olundu. Oktyabrın 30-da Zəngilan rayonu da bu səbəbdən düşmən əlinə keçdi. Buna görə də həmin vəzifələri həyata keçirmək işi dövlət intizamının, qanunçuluğun, ordunun möhkəmləndirilməsindən başlandı. 1993-cü il noyabrın 1-də Dövlət Müdafiə Şurası yaradıldı. Ordu quruculuğu, müdafiə məsələləri barədə müvafiq qərarlar qəbul olundu. Ordunun döyüş hazırlığının yüksəldilməsi dövlət rəhbərliyinin nəzarəti altına alındı.
  

• 12 слайд

  1993-cü il oktyabrın 3-də Azərbaycan xalqı Heydər Əliyevi alternativ əsasla səs çoxluğu ilə Azərbaycan Respublikasının Prezidenti seçdi. H. Əliyev andiçmə mərasimindəki nitqində dövlət müstəqilliyini möhkəmləndirmək, ərazi bütövlüyünü və suverenliyi təmin etmək, əhalinin rifahını yaxşılaşdırmaq vəzifələrini həyata keçirəcəyini bəyan etdı.
  UNUDULMAZ PREZİDENT
  

• 13 слайд

  1993-cü il noyabrın 1-də Dövlət Müdafiə Şurası yaradıldı. Ordu quruculuğu, müdafiə məsələləri barədə müvafiq qərarlar qəbul olundu. Ordunun döyüş hazırlığının yüksəldilməsi dövlət rəhbərliyinin nəzarəti altına alındı.
  ORDU QURUCULUĞU
  

• 14 слайд

  1994-cü il sentyabrın 20-də H.Əliyevin təşəbbüsü ilə xalqımızın həyatında böyük əhəmiyyətə malik “ Əsrin müqaviləsi” imzalandı.
  1999-cu ilin noyabrında ATƏT-in İstanbul sammitində Bakı – Ceyhan əsas ixrac neft kəməri haqqında sazişin imzalanması, 2001-ci ildə Azərbaycan qazının Bakı – Tiflis – Ərzurum qaz kəməri vasitəsi ilə tranziti, nəqli və satışı haqqında müqavilə Azərbaycanın gələcəyinə bir zəmin yaratdı. Bu, beynəlxalq aləmdə Azərbaycan diplomatiyasının bir uğuru idi.
  ƏSRİN MÜQAVİLƏSİ
  

• 15 слайд

  Əsrin müqaviləsinə əsasən 30 neft şirkəti ilə 57 milyard sərmayə qoyuluşu nəzərdə tutulan 20 neft müqaviləsi imzalandı. Şelf-5, “İstiqlal”, “Qurtuluş” kimi müasir qazma qurğuları istifadəyə verildi.” Çıraq“ platformasında 120 metr dərinlikdə 176 km-lik neft kəməri çəkildi. Səngəçal terminalı tikildi. Bütün bunlarda məqsəd Azərbaycan iqtisadiyyatını yüksəltmək idi.
  “ İqtisadiyyatı yüksək olan
  dövlət hər şeyə qadirdir”
  

• 16 слайд

  Heydər Əliyev Azərbaycanda ticarətin inkişafına da böyük önəm verirdi. Onun iri miqyaslı xarici siyasəti nəticəsində Böyük İpək Yolunun bərpası işinə başlandı. 1998-ci il sentyabrın 8-də Bakı da İpək Yolunun bərpası üzrə beynəlxalq konfrans keçirildi.
  İPƏK YOLU
  

• 17 слайд

  JURNALİSTLƏRİN DOSTU
  Dünyanın sivil dövlətlərinin təcrübələrinə əsasən beynəlxalq hüquq normalarına uyğun qanunlar hazirlamaq məqsədi ilə 1996-ci ildə Prezident yanında xüsusi islahat komissiyası, 1998-ci ildə Konstitusiya məhkəməsi yaradıldı. “Kütləvi informasiya vasitələri” haqqinda, senzuranın ləğv olunması barədə qanunlar qəbul olundu.
  

• 18 слайд

  Heydər Əliyevin hakimiyyəti dövrü təhsilin inkişafında və keyfiyyətinin artmasında yeni bir mərhələ oldu. 2000-ci il 13 iyunda “Azərbaycan Respublikasında təhsil sisteminin təkmilləşdirilməsi haqqında “ fərmanın verilməsi, Təhsil İslahatı Proqramının təsdiq edilməsi təhsilin beynəlxalq standartlara uyğunlaşdırılması baxımından çox əhəmiyyətli oldu.
  Təhsil
  

• 19 слайд

  
  
  ULU ÖNDƏR
  Bəli, H.Əliyev siyasət nəhəngi idi. Dövlət quruculuğu işinin dahi memamırı, bilicisi idi . Azərbaycan isə onun yaratdığı şah əsərdir. Eyni zamanda islahatçı, yenilikçi, demokrat idi. İmperiyanın güclü vaxtında da o hər şeyin insanlara xidmət etməsinə çalışırdı. İnsanların problemini öz problemi sayır, onlara kömək edirdı. Həm də bu zaman milli ayrı-seçkiliyə yol vermirdi. Təbii ki öz xalqını çox sevirdi, amma ümumilikdə insan onun üçün ali varlıq idi.
  Böyük öndərin yaratdığı dövlət idarəçilik məktəbi şox mukəmməl bir elmi-təcrübi sahədir. Sirr deyil ki, dünya siyasətində, dövlət quruculuğu işində bu məktəbin təcrübəsi böyük siyası xadimlər tərəfindən öyrənilməkdədir. İndi Azərbaycanda bu məktəb daha da təkmilləşir, inkişaf edir. Bu məktəbin özülünü azərbaycançılıq təşkil edir. Ona da cənab İlham Əliyev bütün fəaliyyətində, daxili və xarici siyasətində peşəkarlıqla əməl edir.