«Ғажайып сурет әлемі» 6 -сынып

                         Атырау  облысы,  Қызылқоға  ауданы,  Қоныстану  селосы

Жаңашаруа  қазақ  орта  мектебінің  бейнелеу  өнері  және  технология  пәнінің 

мұғалімі  Балмуханов  Нурболат  Қобланович

6 – сынып

«Ғажайып  сурет  әлемі»

  Сабақтың  мақсаты:  оқушыларға бейнелеу өнерінің қыр – сырын жан – жақты үйрету.  Олардың дүниетанымын, эстетикалық талғамын кеңейту.  Сурет салу дағдысын, логикалық ойлау, еске түсіру, елестету қабілеттерін және шығармашылығын  арттыру. Өнерді құрмет тұту, оған сүйіспеншілігін арттыру.  Өнерге  баулу, шығармашылыққа  тәрбиелеу.

   Әдісі:  топтық  сайыс,  сұрақ – жауап,   құрастыру,  тақырыпқа  сурет салу.

   Көрнекілік:  өнер  жайлы  нақыл  сөздер,  слайдтар  мен  құрастырма  суреттер,  сурет  салу.

   Құрал – жабдықтар:  Плакат,  қарындаштар,  қайшы,  желім,  акварель  бояулары,  қылқалам.

    Сайыстың  барысы:  

 -  Армысыздар,  құрметті  ұстаздар,  сайысымызға  қатысушы  жас  өркен!

   Бүгінгі  бейнелеу  өнерінен  2^а,ә,б – сынып  оқушыларының  арасынан  1 - оқушыдан  «Ғажайып  сурет  әлемі»  атты  сайыс  сабағына  қош  келдіңіздер! жүзден  жүйрікті  анықтайтын  әділқазы  алқасымен  таныстыру.

                              Үш  оқушы  сайысқа  түседі.

    Өнер  десе  өртеніп  жанып  тұрар,

    Сусындап  сол  өнерден  қанып  тұрар.

    Сегіз  қырлы,  бір  сырлы  сайыскерлер, 

    Кез  келді  өзін – өзі  таныстырар, - дей  келе,  сайысқа  түспекші  топпен  танысайық.

   - Бірінші  оқушы:

       Көрікті  ашық  бояумыз.

       Өнерге  ғашық  баламыз.

       Бәрінің  өңін  келтірер

       Сурет  болмас  бояусыз.

  - Екінші  оқушы:

       Біздің  есім  «Қарындаш»,

       Өнерсіз  бала  қарны  аш.

       Сайысқа  келген  достарым,

       Сурет  сал,  міне  қарындаш. 

  - Үшінші  оқушы:

      Субояқтар  тобымын

      Сурет  салар  қолымыз

      Сумен  бояу  болса  егер

      Келістірер  шеберіміз. 

             Өнерпазды  жарау  аттай  баптасын,

             Халқымыздың  асыл  мұрасын  сақтасын.

             Өнерімен  танылып  бүлдіршіндер,

             Ел  сенімін  еңбекпенен  ақтасын, -

 деп  сайыстың  түрлерімен  оқушыларды  таныстырып  өтейін.

                       Сайыс  кезеңдері:

-  Кезеңдермен  таныс  болсақ  сайысымызды  бастайық.

1- кезең.  «Суреттің  айырмашылығын  топ».  Әр  оқушыға  суреттер  таратылады  сол  суреттің  бес  айырмашылығын  табу  керек.

2 – кезең.    «Кім  шапшаң,  кім  жылдам?».

                    Заттардың  бейнесін.

                    Бір – бірімен  суреттер,

                    Табу  керек  үйлесім.

                    Быт – шыт  болып  шашылған

                    Құрайды  екен  кім  жылдам?  - деп сайысымыздың  «Кім  шапшаң,  кім  жылдам ?»  кезеңіне  берейік.  Қиылған  суреттерді  құрастырып,  ненің  бейнесі  екенін  табу.

3 – кезең.  «Біз  суретші  баламыз  қалауымызды  саламыз».

    Әр  оқушы  өздері  ойдан   суреттерін  салып  салған  суреттерін  айтып  түсіндіреді.

4 – кезең.  Сөздерден  түс  аттарын  шығару.

Бірінші  оқушыға:  ЛЫЗЫҚ  (ҚЫЗЫЛ),    ДІРГІЛКӨ  (КӨГІЛДІР),   ЫРҚОҢ  (ҚОҢЫР).

Екінші  оқушыға:   ЛЫСАЖ  (ЖАСЫЛ),   ЫРСА  (САРЫ),  КӨКСИЯ  (СИЯКӨК).

Үшінші   оқушыға:  ҒЫЛТҚЫЗ  (ҚЫЗҒЫЛТ),  ГІНКҮЛ  (КҮЛГІН),  РҰС  (СҰР).

5 – кезең.  Жұмбақ  шешу.

   Үш  оқушыға  жұмбақтар  айтылады.  Шешуін  қағаз  бетіне  сурет  арқылы  түсіреді.

     1)   Мен  арамын,  арамын,

Қара  орманға  барамын.

Қимастан  бір  бұтағын,

Қара  орманды  тарадым.      (шаш  пен  тарақ)

     2)   Қалқиып  ұзын  құлағы,

 Елеңдеп  қорқып  тұрады.     (қоян)

     3)   Күні – түні  сөйлеймін,

           Өлең  айтам,  билеймін.

           Бәрін – бәрін  көрсетем,

           Бірақ  ойлай  білмеймін.        (теледидар)

     4)   Қыста  киімін  тастайды,

           Көктемде  киіне  бастайды.      (ағаш)

     5)   Сан  ойлантады,  сан  мұңайтады,

           Үндемей – ақ  әңгіме  айтады.    (кітап)

     6)   Үйір – үйір  денесі,

          Сахараның  кемесі.

          Ащы  шөптер  тамағы, 

          Шөлге  шыдап  бағады.   (түйе)

   Сайысты  қортындылау.  Сайысты  әділқазылар  алқасы  қорытындылайды.

   Сайысқа  қатысушы  оқушыларды  марапаттады.

І –ші  орын          

ІІ- ші  орын          

ІІІ – ші  орын