- Учебник: «Искусство», Сергеева Г.П., Кашекова И.Э., Критская Е.Д.
- Тема: Искусство и открытие мира для себя
- 19.02.2018
- 822
- 1
Рабочие листы
к вашим урокам
Скачать
Сабақтың тақырыбы: Ғажайып сурет әлемінде
Сабақтың мақсаты:
1. Оқушыларға бейнелеу өнерінің қыр - сырын жан - жақты үйрету. Олардың дүние танымын, эстетикалық талғамын кеңейту.
2. Сурет салу дағдысын, логикалық ойлау, еске түсіру, елестету қабілеттерін және шығармашылығын дамыту.
3. Жалпы өнерді құрмет тұту, оған сүйіспеншілігін арттыру. Өнерге баулу, шығармашылыққа тәрбиелеу.
Түрі: Дәстүрлі емес.
Әдісі: Жарыс - сайыс сабақ, сұрақ - жауап, топтық жұмыс, құрастыру, тақырыпқа сурет салу.
Көрнекілігі: құрастырма суреттер, суреттер.
Пәнаралық байланыс: Музыка, технология
Құрал - жабдықтар: Плакат, қарындаш, қайшы, желім, акварель, қылқалам.
Сайыстың барысы:
I Ұйымдастыру.
II Оқушыларды екі топқа бөлу.
III Әділқазы алқаларымен таныстыру.
Армысыздар құрметті ұстаздар, сайысымызға қатысушы жас өркен!
Бүгін бейнелеу өнері пәнінен 6 – сынып оқушыларының «Ғажайып сурет әлемінде» атты сайысына қош келдіңіздер!
Жүзден жүйрікті, мыңнан тұлпарды анықтайтын әділқазы алқасымен танысайық.
1. ДТІЖО: Ердалиева Р.Ү.
2. Технология пәні мұғалімі: Алимшеева Э.Б.
3.Жаратылыстану пәндер бірлестігі жетекшісі: Примбердиева М.Қ.
Алдымен сайысымызды бастамас бұрын, оқушыларды ортаға шақырғым келіп отыр, тез- тез келе қойыңдар. Менің қолымда қарындаштар бар, сол қарындаштардан кімге қандай түс ұнайды ала қойыңдар. Енді қолдарыңдағы қарындаштарға қараңдар да екі топқа бөлінеміз. Ортамызда екі топ сайысқа түскелі отыр.
I топ.«Қылқаламдар» II топ. «Қарындаштар»
Өнерпазды жарау аттай баптасын,
Халқымыздың асыл мұрасын сақтасын.
Өнерімен танылып оқушылар,
Ел сенімін еңбекпен ақтасын, - деп сайыстың түрлерімен таныстырып өтейін.
1. Таныстыру. (Топтың аты, ұраны, эмблемасы)
2. Сұрақ - жауап. (Екі топқа бірдей сұрақ қойылады)
3. «Кім шапшаң, кім тапқыр?» (Қиылған суреттерді құрастырып, сол шығарманың атауын және авторын дұрыс айту)
4. Сөздерден түс шығару. (Орны ауысқан әріптерді орналастырып түстерді табу)
5. Сөзжұмбақ шешу.
6. Бейнелеу. (Экранда екі топқа өлең жолдары берілген. Тез арада екі топ елестетіп шапшаң сурет салып, бояп, суретін түсіндіруі керек)
Сайыс кезеңдерімен таныс болсақ сайысымызды бастаймыз.
1 - кезең. Таныстыру.
Өнер десе өртеніп жанып тұрар,
Сусындап сол өнерден қанып тұрар.
Сегіз қырлы, бір сырлы сайыскерлер,
Кез келді деп өзін - өзі таныстырар, - дей келе кезекті таныстыруға берейік.
Әр топ өздерін таныстырады.
2 - кезең. Сұрақ - жауап. Екі топқа бірдей сұрақ қойылады. Соған дұрыс жауап береміз.
1. Бейнелеу өнері дегеніміз не? (Айналамыздағы өмір көріністерін жазықтықта әрі кеңістікте бейнелеу арқылы суреттейтін өнер түрі)
2. Табиғат көрінісін бейнелейтін шығарма? (Пейзаж)
3. Суға еритін бояу түрі? (Акварель, гуашь)
4. Қарындаш дегеніміз не? (Сырты ағаштан, өзегі қара графиттен жасалған жазу, сызу құралы)
5. Түстер неше топқа бөлінеді? (3. Жылы, суық, түссіз)
6. Бейнелеу өнерінің түрлерін ата? (Кескіндеме, графика, мүсін, сәулет өнері, сәндік қолданбалы өнер, дизайн құрастыру)
7. Кемпірқосақтың түсі нешеу және оларды ата? (7. Қызыл, қызылсары, сары, жасыл, көгілдір, көк, алқызыл)
8. Адам келбетін бейнелейтін жанрды қалай атаймыз? (Портрет)
9. Боялуына байланысты түстер неше түрге бөлінеді ? (2. Қаныққан, қанықпаған)
10. Жан - жануарларды бейнелейтін көркем шығарма қалай аталады? (Анималистік жанр)
3 - кезең. «Кім шапшаң, кім тапқыр?»
Кім жылдам табады,
Заттардың бейнесін
Бір - бірімен суреттер табу керек үйлесім
Быт-шыт болып шашылған,
Құрайды екен кім жылдам? – деп сайысымыздың «Кім шапшаң, кім жылдам?» кезеңіне де келіп жеттік. Олай болса қиылған суреттерді құрастырып, сол шығарманың қай жанрда салынғанын дұрыс айту керек.
Тапсырма:
I топқа: Натюрморт
II топқа Портрет
4 - кезең. Сөздерден түс шығару.
I топқа: Лызық, ақра, дөрігілік, ырқоң, ұрс
Жауаптары: Қызыл, қара, көгілдір, қоңыр, сұр
II топқа: Лысаж, ырса, лызықарыс, көксия, гінкүл
Жауаптары: Жасыл, сары, қызылсары, сиякөк, күлгін
5 - кезең.
6 - кезең. Бейнелеу сайысы (топтық жұмыс)
Экранда екі топқа өлең жолдары көрсетіледі және әні ойналады. Оларды тыңдап, мағынасына қарап өлең жолдарын суреттеп қағаз бетіне түсіреміз. Топ басшылары ортаға шығып түсіндіреді. Әділқазы алқасы суретшілердің жылдамдығына суреттің сапасына қарайды.
I топқа: А. Құнанбаевтың өлеңі «Желсіз түнде жарық ай» әні
Желсіз түнде жарық ай
Желсіз түнде жарық ай,
Сәулесі суда дірілдеп.
Ауылдың, жаны — терең сай,
Тасыған өзен күрілдеп.
Қалың ағаш жапырағы
Сыбырласып өзді - өзі.
Көрінбей жердің топырағы,
Құлпырған жасыл жер жүзі.
Тау жаңғырығып, ән қосып
Үрген ит пен айтаққа.
Келмеп пе едің жол тосып
Жолығуға аулаққа?
Таймаңдамай тамылжып,
Бір суынып, бір ысып,
Дем ала алмай дамыл қып,
Елең қағып, бос шошып.
Сөз айта алмай бөгелiп
Дүрсіл қағып жүрегі,
Тұрмап па еді сүйеніп,
Тамаққа кіріп иегі.
II топқа: Е. Хасанғалиевтің «Атамекен» әні
Атамекен
Жасыл жайлау түкті кілем көк кілем,
Көк кілемде көп ойнаймын көп күлем.
Маңдайымнан сипап өткен самалды,
Қазағымның алақаны деп білем.
Қайда жүрсем атамекен
Көкейіңде жатады екен
Күннің өзі қимай оны
Ұясына батады екен
Жасыл жайлау түкті кілем көк кілем,
Көк кілемде көп ойнаймын көп күлем.
Күннің нұрын айдың аппақ сәулесін,
Қазағымның махаббаты деп білем.
Қорытынды.
Жас мұраты білім, тәлім талабы
Өнер – оқу жастық қару жарағы – демекші бүгінгі өнер туралы «Ғажайып сурет әлемінде» атты сайысымыз аяқталды.
Сайысты қорытындылау: Әділқазыларға сөз беріледі. Жеңген топты анықтап, марапаттаймыз.
6 663 765 материалов в базе
«Искусство. Изобразительное искусство (в 2-х частях)», Ломов С.П., Игнатьев С.Е., Кармазина М.В.
Искусство рисунка
Больше материалов по этой темеНастоящий материал опубликован пользователем Жанкоразова Балжан Имангалиевна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материалВаша скидка на курсы
40%Курс повышения квалификации
72 ч. — 180 ч.
Курс профессиональной переподготовки
300 ч. — 1200 ч.
Курс профессиональной переподготовки
300 ч. — 1200 ч.
Мини-курс
3 ч.
Оставьте свой комментарий
Авторизуйтесь, чтобы задавать вопросы.