"Бала - өмірімнің жалғасы"

            Батыс Қазақстан облысының дарынды балаларға арналған

қазақ-түрік мамандандырылған мектеп- лицей -интернаты

“Балам-өмірімнің жалғасы ”

(Ата-аналарға арналған дөңгелек үстел)

                                                                                                               Өткізген

         Әлеуметтік педагог Л.Т.Куаншалиева

Орал қаласы, 2015жыл

Мақсаты:  -Әрбір ұлттың қай кезеңде болмасын алдында тұратын ұлттық

мұрат- міндеттерінің ең бастысы- өзінің ісін, өмірін жалғастыратын салауатты, саналы ұрпақ тәрбиелеу.  Болашақ қоғам иелерін жан- жақты  жетілген,   ақыл- парасаты мол, мәдени- ғылыми өресі озық азамат етіп тәрбиелеу біздің  қоғам алдындағы  зор   борышымыз.

 - Ұлы Абай Құнанбаев  : «Бір ғана қуанышым бар ол менің балаларым»

- деген екен.

 Әрбір ата-ана баласының  денсаулығы мықты,ең жақсы болуын, талапты болып өсуін арман етеді. Сонымен қатар балаңыздың жақсы адам болып өсуіне де арман ету керек. «Адам » деген жоғары атқа ие болып, барлық өмір тіршілігінің сынақтарынан сүрінбей өтіп,  жетістіктерге  жетеді» дейтін белгілі бір тәсіл бар.

Ал баланың сізге ұқсауы үшін,  сіздің  қасиеттеріңізді алуы үшін өзіңіз  не істедіңіз?                                        

- Өскелең жас ұрпақты қоғамның заңдары мен нормаларын бұлжытпай орындау және Ата заңымызды   сыйлау рухында  тәрбиелеу,мемелкет пен қоғам ісіне саналы түрде белсенділікпен қатысып, өз Отанын әрқашан  қорғауға дайын болуға  тәрбиелеу;

Дөңгелек үстел:

       Ι. К і р і с п е    с ө з

1.“Бала деген кім?”(Ой қозғау)

2.  “Жақсы қасиеттер”

3.“Жағымсыз қылықтар”

4. “Ата-аналарға арналған ситуациялық сұрақтар”(Ой қозғау)

5.  Жаттығу “Тілек шырағданы”

6.  Қорытынды сөз

К і р і с п е  с ө з

Сәлеметсіздер ме, құрметті ата – аналар!

Біз сіздерді көргенімізге қуаныштымыз.

Бүгін сіздермен өткізілгелі тұрған дөңгелек

үстелімізге   қош келдіңіздер

 Тақырыбы: «Балам-өмірімнің жалғасы»  деп аталады. Ой бөлісу мақсатында жиналып отырмыз,   -Ұрпақ тәрбиесі-қай заманда да күн  тәртібінен түспеген келелі мәселелер. «Адамға ең бірінші білім емес, рухани тәрбие керек, тәрбиесіз берілген білім-адамзаттың қас жауы, келешекте оның барлық өміріне апат әкеледі», деп данышпан  Әл-Фараби айтқандай.

-Дана  халықмыз «Ағаш түзу өсу үшін оған көшет кезінде көмектесуге болады, ал үлкен ағаш болғанда оны түзете алмайсың» деп бекер айтылмаған. Сондықтан баланың бойына жастайынан ізгілік, мейірімділік, яғни адамгершілік құнды қасиеттерді сіңіріп, өз-өзіне сенімділікке тәрбиелеуде отбасы мен педагогтар шешуші роль атқаратыны белгілі. 
-Бүгінгі ұл – ертеңгі әке, ол әкеге қарап өседі.

-Бүгінгі қыз –ертеңгі ана,ол шешеге қарап өсіп, - бой түзейді. Балаға білім,тәрбие беруде басты тұлға ұстаз болса, оны жалғастырушы, демеуші – ата –ана және қоғам. Қазіргі заманымыздың басты мақсаттарының бірі - жас ұрпаққа саналы тәрбие беру. -Жас ұрпақтың саналы азамат болып қалыптасуында ата - анамен тәрбиешінің рөлі зор. Бұл істе асығыс шешім, жалған әдіс, қатып қалған тәсіл қолдануға болмайды. «Тәрбие дегеніміздің өзі, ең алдымен баланың сезімін оятып, баланың әсершілдігін дамыту». «Сезімді тәрбиелеу» яғни баланы қоғамдық мәні бар, адамдарға жақсылық әкелетін қылық қасиеттерден рахат, қуаныш табуға баулу деген сөз Парасаттылық дегеніміз – адамзатқа қызмет ету. Әр ата - ана  перзентінің мәдениетті, адамгершілігі мол, білімді, саналы, еңбекқор, ата - салтын, ана - тілін қастерлейтін, үлкенді сыйлай білетін адам етіп тәрбиелеуді ата - аналық міндеті деп түсіну керек.  

 Ынтымақ бар жерде тәрбие де бар. Ынтымақ бар жерде береке, бірлік те бар. Қоғамдық тәрбие жанұядан басталады. Ал сол жастар «рухани» байлықпен қалыптасады.

     Қандай бағытпен жүреді, қандай ізгі істер жасайды, қандай қоғам келешекті қалыптастырады? Ол жалғыз мектеп проблемасы болмауы керек. Оған ата-аналар да, қоғамның әрбір  мүшесі  де бірігіп атсалысуы қажет.

“Бала деген кім?”

Ой қозғау жазу

 

 

 

                                                                                     

 

 1.« Сіз қандай ата-анасыз?»

        (Сауалнама)

2. «Мадақтау және жазалау»  тренинг ойыны

Қағазды екіге бөліп,бір жағына баланы мақтау,кезінде қолданылатын сөздерді, ал екінші жағына сөгіс жариялау кезінде қолданылатын жазалау сөздерді жазыңыз.

Қай бөлікте сөздердің көп болғандығы жайында сараптама жасалып, «Мадақтау және жазалау» деген тақырыпта сұрақ-жауап жүргізіледі.

Баланы жазалауға бола ма?

Қашан және қай уақытта?

Баланы мақтаумен бұзып алуға бола ма?

Баланы не үшін мақтауымыз керек?

3. (Менің айтарым бар.)

 Әр ата-ана өз ойларын жазады, (смайл рахмет) арқылы

«Тілек шырағданы»

Отбасы,ұшқан жанұя-жылылықтың,

жылулықтың мекені. «Отбасы» атауының мәніне үңілер болсақ, оттың да үлкен маңызы бар екенін сеземіз. Ал ананың алақаны оттан да ыстық. Сондықтан оттың басы, ошағымыздың   түтіні түзу болу үшін «Тілек шамы» жаттығуын бір-бірімізге тілек айта отырып жүргізейік.

Ата-аналардың ой пікірлерін тыңдау

-Сіздің осы оқиғадан түйген ойларыңызбен бөліссеңіздер?

-Ата-ана бала көзімен болғанда қандай әсер алдыңыз?

-Кішкене болсада бала тәрбиесінде кетіп жатқан қателіктеріңізді түзетуге түрткі бола алды деп ойласыздар ма?

Қорытынды сөз:

        Халқымыздың сан ғасырдан бергі даналығына құлақ ассақ, «Адамның бақыты – балада» дегенге келіп саяды екен. Кез-келген адам өзі өмір бойы қуып  жете алмайтын бақыт деген құдіретті сөздің өлшемі – өмірінің жалғасы ұрпағымен келетініне мән бермеуі де мүмкін.

-Біреу бақытын байлықтан тапқысы келсе, Екінші біреуі даңқ пен атақтан, мансап пен қызметтен іздестіреді.  Мұның бәрі түсінген адамға қолдың кірі сияқты нәрсе. Адамға нағыз бақытты – тәрбиелі ұрпағы ғана сыйлай алады.  «Адам ұрпағымен мың жасайды»  деген сөз тегін айтылмаса керек.  Олай болса, адам өмірінің мәні – өз ұрпағы деген екен.

Ата-ананың жеке басының әсері балаға күн сәулесімен бірдей,мұны басқа ешбір нәрсемен ауыстыру мүмкін емес .Құрметті ата-аналар, сіздерден баладан жүрек жылуын аямай балаға бір сәт болса да,бала көзімен қарасы  дей отырып бүгінгі дөңгелек үстел қатысқандарыңызға көп-көп рахмет айтамыз!

Уақыт  бөліп ,

қатысқандарыңызға

рахмет!