«Бала тәрбиесіндегі отбасының маңызы » тренинг

Тақырыбы:  «Бала тәрбиесіндегі отбасының маңызы » тренинг

Мақсаты:  Қазіргі  кездегі баланың дамуына ата – ананың саналы тәрбиесін бойына сіңіру

1. Сәлеметсіздер ме құрметті ата - аналар!

 Бүгінгі біздің «Бала тәрбиесіндегі отбасының маңызы» атты тренингімізге  хош келдіңіздер!    

Отанға деген ыстық сезім –     жақындарына,                                                                                                                                                                                                                                                                                                   туған-туысқандарына деген   сүйіспеншіліктен басталады.                                                                                                                                                              

                                                                                                     Н.Ә.Назарбаев                                                                                                                                Баланы жастан бақпасаң,

Жамандықтан қақпасаң,

Қадірден жұрдай қасқа боп,

Кешкенің өмір босқа тек, - дегендей, баланың ыстық суығына күймейтін, жақсылығына сүйінбейтін ата-ана жоқ шығар. Бүгінгі  Ата – ана тілегі баласының жақсы адам болуы, еңбексүйгіштігі, кішіпейіл, мейірімді болуы. «Ұл тәрбиелей отырып, жер иесін тәрбиелейміз, қыз тәрбиелей отырып, ұ лтты тәрбиелейміз». Отбасындағы тәрбие әрбір мүшенің өзін - өзін сақтау, ұрпақты жалғастыру, өзін - өзі сыйлау қажеттігінен туындайды. Отбасында адамның жеке басының қасиеті қалыптасады.
Балаға білім, тәрбие беруде басты тұлға ұстаз болса, оны жалғастырушы, демеуші – ата-ана.

2. Балаға қолдау көрсету керек

       1. Мектеп 2. достары 3. отбасы ,

Отбасында тиімді тәрбиелеудің белгіді ережелері  қалыптасқан:                                             - баланы бар қалпында сүю, кұрметтеу қажет;
-  балаға әсер ететіні құрғақ сөз емес, оның қалай айтылғаны, шын көңілден шыкқандығы мәнді;
-   баламен қатынас оның жас ерекшелігіне сәйкес болуы шарт, сонда ғана үлкендер мен кішілер арасындағы дау-дамай туындамайды да ең қонымды тәрбие әдісін таңдап, қолдануға болады;
-   баланың не айткысы келетінін түсініп алған жөн, асығыс қорытынды жасаудан сақтанған дұрыс;
-   жазаны істеген келеңсіз әрекеті үшін колдануға үйренген жөн, баланы намысына тиіп, қорламаңыз (ешуақытта бала жаман емес, оның қылығы жаман);
-   бала жөнінде басқалар (мұғалімдер, көршілер) тарапынан айтылған сын пікірлерден қорытынды жасаудан бұрын оның өзімен әңгімелесіп, әрекетінің себебін анықтап, кейін шешім кабылдаған жөн: жұрт алдында өз беделіңді жоғалтамын деп шошынудың қажеті шамалы, өз баланның сенімінен айырылып қалмаған дұрыстау;
-   балаға үйрететініңді алдымен өзің үйреніп, біліп ал;

3. Ата-аналарға кеңес

Есте сақтаңыз:

       Баланың еріктік және адамгершілік қасиеттерін сіз қалыптастырасыз. Оның мінезі, талғамы, ақыл-парасаты, білім аясы, қызығушылық әлемі, дағдылары мен әдеттері, мінез артықшылығы мен кемшілігі сізге байланысты.  Жақсы қасиеттер балаға ақыл үйретумен, тыйым салумен, жазалау мен қорқытумен емес, әкесі мен анасының үлгілі өмірлік тәжірибесімен, отбасы ошағының жылуы мен жақсылық арқылы беріледі.

     Бала үшін алғашқы тәрбиешісі – ата – анасы. Бала мектепте 6-7 сағат болса, қалған   18 сағат үйде, сол себепті де ата – ана баласының оқуын, жүріс – тұрысын, жолдастарын, киетін киімін қадағалап отырса абзал. Әр апта соңында сынып жетекшісімен, пән мұғалімдерімен, мектеп басшыларымен байланыс жасап, сабағы, тәртібі, басқа да мәселелер жайлы мәлімет алып отырса,  тәрбие жемісін берер еді. Баланың бүгінгі іс – әрекетіне, тәртібіне бүгін назар салмасақ, ертең кеш болады дегім келеді. Олай болса, бір сәт уақыт бөліп, мектеппен  хабарласу – ата – ананың бірден – бір міндеті.

4.  Топқа  бөлу. (түспен) 15 ата –ана шығу

5. Сергіту сәті

Менің  мынау- жүрегім

Бәрі осыдан  басталған.

Мынау басым-  ақылды

Бәрін  осы басқарған.

Мынау менің -  оң  қолым

Мынау менің  - сол қолым

Барлық  істі атқарған.

6. Бейне материал

7. Топпен жұмыс

1. Ана  -   ананың іс  -  әрекетін жалғастырыңыз?

2. Бала – Бала орнында  болсаңыз  не істер  едіңіз?

3. Әке – Әкенің  көзқарасы ?                        

8.  Қорытынды: «Аялы  алақан» өсиет  әңгімесі

   Жағдайлы бір отбасы баласын ешкімнен кем өсіргісі келмей барлық жағдайын жасайды. Қазіргі заманның озық технологиясымен жасалынған ойыншықтар, компьютер, тіптен қымбат телефонды да алып береді. Бірақ баласы осының бәріне қанағаттанбай, күнде ата-анасының жұмысқа кетпеуін өтінеді. Ата-анасы жұмысқа бармаса болмайтынын, ақша табатынын баласына түсіндіреді. Ал, баласы осы сәтте ата-анасының күніне қанша ақша табатынын сұрап біледі.Бала сол күннен бастап ата-анасының өзіне тастап кетіп жүрген ақшасын жұмсамай  жинай бастайды. Жинаған ақшасы ата-анасының бір күндік табысына жеткен күні бала ата-анасына өтініш жасайды. — Әке, ана! Бүгін жұмысқа бармай бір күндеріңізді маған қиыңыздаршы. Бір күнгі табыстарыңызды мен төлейін депті.

 (Қалай ойлайсыздар бала  неге өтінді?) 

 «Бала сіз үшін  кім?»

Міне, ата-ананың аялы алақанының әсері балаға күн сәулесімен бірдей, мұны басқа ешбір нәрсе ауыстыру  мүмкін  емес.

    Ата-анаға көз қуаныш,

Алдына алған еркесі.

Көңіліне көп жұбаныш,

Гүлденіп ой - өлкесі, - деп, Абай атамыз ата-ананың қуанышы, гүлденген үміт арманы тек перзент сүю, оны тәрбиелеу екендігін айтқысы келген.

Ендеше, ата-аналар қолымыздағы алтынымызды жақсылап, тәрбиелейік және сіздер олардың ең бастысы үлгі болар бейнесі екендігімізді ұмытпайық

   Бала дегеніміз – болашақ. Балаларымызды қалай тәрбиелесек болашағымыз солай болмақ. Келешегіміздің қожасы балаларымызды білімді де мәдениетті, тәрбиелі де әдепті, кішіпейіл де қарапайым етіп тәрбиелеу өз қолымызда.

    Бүгінгі жиналыста сіздер бала тәрбиесінін онша оңай емес екенін байқап отырған боларсыздар. Тәрбиенің сан, қырлы әдіс-тәсілдері жөнінде хабардар болдыңыздыр. Бала тәрбиесінде шыдамды болып, өз балаларыңызға жылуыңызды бере біліңіздер! Сіздің өсірген балаларыңыз сіздерді ылғида қуантып, қуанышқа бөлей берсін! – дей отырып,  мен сіздермен қоштасамын.

Әсет Бейсеуов атындағы орта мектеп

мектепке дейінгі шағын  орталығымен мемлекеттік мекемесі

Тақырыбы:

«Бала тәрбиесіндегі отбасының маңызы » тренинг

Педагог психолог:  Шуакбаева Б.С