Балабақша табалдырығынан бастап салт-дәстүрді құрметтеуге үйрету.

Балабақша табалдырығынан бастап салт-дәстүрді құрметтеуге үйрету.

Білім беру саласында қоғамның , отбасының, балабақшаның негізгі міндеті баланың жеке тұлғалығын ұлттық психологиямен үйлесімді дамытып, ұлттың үздік салт – дәстүрлері таныстыра отырып тәрбие беру болып келеді. Балаларды мемлекетіміздің тарихымен және мәдениетімен таныстыру. Осы себеппен балабақшаның жылдық жұмыс жоспарының басты міндеттерінің бірі  «Қазақстанда тұратын халықтардың отбасылық салт – дәстүрлерімен және мәдениетімен таныстыру» болып келеді.

Балаға рухани –патриоттық тәрбие берудің маңызды шарты ата-аналармен тығыз байланыс орнату.Отбасының тарихымен таныстыру баланың бойында қызығушылық тудырып, оны өзінің түпкі шығу тамырына құрмет қарауға үйретеді.Ата –аналармен аталған мәселе бойынша байланыс орнату салт – дәстүрге құрметпен қарап, отбасындағы тікелей байланысты сақтап қалуға септігін тигізеді.

Патриоттық тәрбие берудің мәні баланың жүрегінде табиғатқа, туған үйіне, отбасына, мемлекеттің тарихы мен мәдениетіне деген сүйіспенішілікті тудыруда жатыр. Мектепке дейінгі жаста өз ұлтының мәдениетінің құндылықтарын мұра етіп қабылдау – бұл патриоттық тәрбие берудің, Отанына деген сезімін оятудың ең сенімді тәсілі болып келеді. Халықтың мәдени мұрасы – бұл ересектер мен балалардың үлкен қазынасы. Біздің балаларымыздың патриоттық тәрбиесінің табыстылығы отбасында қалыптасқан ортаға тәуелді.

Балалардың ұлттық ойындарға деген қызығушылықтарын арттыра отырып, оларды мереке, сабақ барысында, күнделікті өмірде қолданамын.Біздің ата –бабаларымыз ұлттық фольклорды кеңінен пайдаланған – бұл поэзия туындалары – бесік жырлары, әндер, тақпақтар. Балалық шақ – бұл бізге берілетін қысқа мерзімді ғажайып шақ, біз бұл сезімді өмір бойы өзімізбен сақтап келесі ұрпаққа табыстаймыз.Сондықтан біз, ересектер біздің балаларымыздың осы шақта нені қабылдап, келекшек ұрпаққа табыстайтын мұрасына жауаптымыз.   Біз балаларымызды өз отбасын, Отанын сүюге, қоғамдағы адамдарды, халқының мәдениетін және тарихын  құрметтеуге, өзге ұлттардың салт – дәстүрлеріне құрметпен қарауға тәрбиелеуіміз керек. Баланың жеке тұлғалығының қалыптасуында Отанына деген құрмет, салт – дәстүрінің қайталанбас құндылығы үшін мақтаныш сезімінің алар орны  мол.

Сондықтан, басты міндет Қазақстанның үлкен, бай, көп ұлтті мемлекет екенін көрсету. Сабақ барысында балаларды Қазақстанның картасымен, рәміздерімен таныстырамын. Картаны қарастыра отырып, балалар республикамыздың  шекарасын айқындап,  Қазақстанның басты қаласы Астананың орналасқан жерін табады.Түрлі ойындар ойнайды: «Қазақстан – бұл мемлекет, ал Қостанай бұл - қала», «Менің Республикам», «Менің сүйікті қалам», «Қостанай қаласының көз тартар мекемесін тап».Бұндай ойындар баланың танымдылық білімдерін арттыруда да көмектесе отырып, балалар мен жеңіл түрде қабылданып, күнделікте өмірде жалғасын табады.Қазақстанның елтаңбасымен, туымен таныстыру барысында мен балаларға рәміздердің түсі, бөліктері жайында баяндаймын. Мысалы, балаларды ҚР туымен таныстырғанда түсінің көк түстес суға,аспанға теңеліп жасалынғанын айтып, сусыз жер бетінде өмір жоқтығын түсіндіремін.

Геральдика қағидаттарына сәйкес, күн байлық пен молшылықты, өмірді және күш-қуатты бейнелейді. Сондықтан еліміздің туындағы күн шапағы дәулеттілік пен бақуаттылықтың символы – алтын масақ пішінінде берілген. Қазақстанның мемлекеттік атрибутикасында күннің бейнеленуі еліміздің жалпыадамзаттық құндылықтарды қастерлейтінін дәлелдейді және жас мемлекеттің жасампаздық күш-қуатын, серіктестік пен ынтымақтастық үшін әлемнің барлық еліне ашық екенін айғақтайды..  

Қыран (бүркіт) бейнесі –қырағылық пен мәрттіктің символы ретінде қабылданады. Күн астында қалықтаған бүркіт мемлекеттің қуат-күшін, оның егемендігі мен тәуелсіздігін, биік мақсаттар мен жарқын болашаққа деген ұмтылысын танытады.

Балалардың мемлекеттік рәміздер жайында білімін бекіту үшін түрлі дидактикалық ойындар өткіземін: Біздің қаламыздың елтаңбасың тауып,көрсет», «Рәмізді ата»,   «Туды жина», «Елтаңбаны құрастыр», «Айырмашылығын тап».

Менің ойымша мұғалімдермен ата –аналар арасындағы серіктестік біздің тәрбиеленушілеріміздің елінің нағыз патриоты болып өсулеріне септігін тигізеді.