Балабақшаға арналған таңертеңгілік шеңбер

Таңертеңгі  шеңбер

Амансың ба, Алтын Күн!

Амансың ба, Көк Аспан!

Амансың ба, достарым!

Сендерді көрсем қуанам.

-Денің сау болсын, ауырма!

-Таза бол!

-Спортпен шұғылдан!

Сәлеметсіз бе, апай?

Сәлеметсіз бе, ағай?

Есенсіз бе, әжей?

Амансыз ба, атай?

Күндей жадырап,

Айдай арайлап,

Жұлдыздай жарқырап,

Судай мөлдір таза көңілмен,

Бүгінгі күнімізді бастайық.

Әдепті елдің баласы алдымен сәлем береді.

Күндей жарқырап,

Айдай арайлап,

Жұлдыздай жарқырап,

Судай мөлдір таза көңілмен,

Бүгінгі күнімізді бастайық.

 Балалар бір-бірімен амандасып, ізгі тілектерін білдіреді

-Мен саған бақыт тілеймін.

-Мен саған қуаныш тілеймін.

Жарқырап күн де ашылды,

Айналаға гүл шашылды.

Қайырлы күн! Біз көңілді баламыз!

Қайырлы күн! Біз сүйкімді баламыз!

Бақшамызға барғанда,

Жолыққан бар жандарға.

Ертемен ақ пейілмен:

«Қайырлы күн!»- тілеймін.

Үйге кешке келемін,

Не дерімді білемін:

«Кеш жарық!» деп кіремін.

Қайырлы таң, Аспан Ата!

Қайырлы таң, Жер Ана!

Амансыз ба?

Есенсіз бе?

- Сәлеметсіңдер ме, балалар?

- Сәлеметсіз бе, апай?

Қуан, шаттан, алақай,

Қуанатын күн келді.

Күліп шықты күн бүгін,

Қайырлы таң! Қайырлы күн!