“Бастауыш сыныпта шығармашылық белсенділікті қалыптастыру және дамыту”.

   Шеберлік сынып.

Тақырыбы:
    “Бастауыш сыныпта шығармашылық белсенділікті қалыптастыру және дамыту”.

Мақсаты:

   Бастауыш сынып оқушыларын оқытуда шығармашылық белсенділікті қалыптастыру және дамыту, білімді, әрі дағдыларды меңгеретін, тың жаңалықтар ашатын, терең ойлау қабілетімен ерекшеленетін жеке тұлғаны қалыптастыру, тәжірибе алмасу үшін білімдік ортасын  құру.

Оқушының шығармашылық белсенділігін қалыптастыруда топтық жұмыстың ролі.

Күтілетін нәтиже:

1.Мұғалімдер әдіс- тәсілмен танысады

-2.Топта жұмыс жасай отырып,берілген әдіс -тәсілдің тиімділігін анықтай алады.

3. Әдіс - тәсілдерді  өз іс – тәжірибелерінде  пайдалана алады.

Танысу

 Құрметті ұстаздар  шебер -сыныпты  жаттығудан бастаймыз.

     Барлықтарыңызды ортаға шақырамын, дөңгеленіп тұрамыз. Әр мұғалім өз атын айтады, атының бас әріпіне байланысты сөз тіркесін айтады, қалғандары өз алдындағы адам туралы ақпаратты қайталап, өзі туралы ақпарат береді.
Мысалы: Менің атым – Забира . Мен заттың орнында тұрғанын  ұнатамын.

   Ұсынылғалы отырған әдіс «Есімнен сөйлем құрастыру» деп аталады.

   Мақсаты : Әр топ өз тобында қай ұстаздың есімі ұзақ болса соны таңдап алады. Бір сөйлемді жазбаша құрастырады. Сөйлемнің әр сөзі  есімнің келесі әрпінен басталуы қажет.

     Мысалы, Асқарбек: Ақсақал сірескен қабағын ашып, риза болып, еміреніп кетті.

Топтар бір -бірін «Бағдаршам» арқылы бағалайды.

Келесі  әдіс «Буриме» деп аталады.

Мақсаты : « Буриме» деп берілген ұйқастарға өлең жолдарын құрастыру.

... ... ... батырам,

... ... ... отырам.

... ... ... шақырам,

... ... ... атынан!

 Әр топ ұйқастарды пайдаланып, 1 шумақ өлең жазылу керек.

Ал, негізі өлең М. Мақатаевтың «Жаз едім кеше, айналып күзге барам ба?» атты шумағынан алынған.

Күз болып тұрып, бақтарды ойға батырам,

Күз болып келіп, қасыңа сенің отырам...

Отырам дағы, жазыңды сенің шақырам,

Аймалап тұрып, сөйлеймін жаздың атынан!..

   Әр топ шумақтарын оқиды. «Бас бармақ» арқылы бағалау.

        Келесі әдіс «Мәтін құрау».

Тапсырма: Ертегіні жалғастыр..........

     Ертеде бір түйе болыпты. Ол кіп-кішкентай екен. Оны өзінен үлкен жануарлар мазақтай беріпті. Әсіресе шыбын көп күліпті. Бірде ол түйе көлеңкелеп жатқан ағаштың бұтағына отырып алып, оны мазақтай бастады...............

    Ертегіні аяқта деген тапсырма беріледі. Сонда оқушылар былай аяқтауы мүмкін..
... Шыбын түйені қоймастан мазақтай берді. Солай отырғанда оны бір торғай жеп кетіпті.
... Сонда түйе ашуланып шыбынның бетіне түкіріп жібереді, сонда шыбын тұншығып қалады.

«От шашу» арқылы бағалайды.

Қорытынды: Еркін микрафон.

     Сөз әр топтағы  мұғалімге беріледі.