Бастауыш сыныптарына арналған кітапханамен танысу сағаты

«Қарасу орта мектебі» КММ-сі

Мектеп кітапханасы

1-4 сыныптар аралығындакітапхана сағаты

Өткізген: Ұ.Калиева

1-4 сыныптарға арналған кітапханамен танысу сағаты

Сабақтың мақсаты: кітапханада кітапты пайдалану ережесін сақтауды, сөздік қорын молайтып, өздігінен кітапханада жұмыс жасай білуге, кітапханаға деген көзқарасын, кітап оқуға құмарлығын арттыру, оқу мәдениетін қалыптастыру.

Түрі: әңгіме, кітапханадағы кітаптармен жұмыс.

Безендірілуі: слайд, кітап сөрелері.

Кітапханашы: Сәлеметсіздер ме, балалар? Сіздер бүгін біздің кітапхана қонағысыздар! Бүгін біз ерекше кітапханалық сабақ өткіземіз, кітап туралы әңгімемізді жалғастырамыз, кітапты пайдалану ережелерін, оқығанымызды еске түсіріп, ойын ойнаймыз.

Сабағымызды бастамас бұрын сіздерге біраз сауалдарым бар. Ол жұмбақтар.

Қабат қабат қаттама,

Ақылың болса аттама. (Кітап)

Сөзі дана, үні жоқ,

Сөйлемейді тілі жоқ. (Кітап)

Қолыңа алсақ – шешен,

Ақылы асқан – көсем. (Кітап)

Ал енді, балалар! Мен осы кітапханада қызмет етемін. Менің мамандығым қалай аталады? Кітапхана дегеніміз не?

«Библиотека»-шет тілінен  алынған сөз, екі бөлімнен тұрады. «Библио» -кітап, «тека»-сақтаушы. Демек, библиотека бұл кітап сақталатын үй. Бірақ, бұл үйде кітаптар сақталып қана қоймай, оқырмандарға қонаққа барады. Егер оқырман кітапты көп уақыт ұстаса, ол өз үйін сағынып қалады. Сондықтан, кітаптар өз үйін сағынбас үшін оларды өз уақытында қайтару керек. Кітап деген адамның айнымас досы.

Кітап қалай жасалады?

Саған білім жемісін

Оқулығың береді.

Талай адам сол үшін

Маңдай  терін төгеді.

Орманшының аялы

Алақаны өсірген,

Сансыз ағаш саялы

Қағаз үшін кесілген.

Машинист боп жасынан

Дүбірлетіп даланы,

Сол ағашты тасыған

Білер ме ең көп ағаны?

Зауыттарда күні түн

Қағаз тасып бағалы,

Қанша адам, кім үшін

Мұндай тері тамады.

Оқулықты баршаға

Талай ғалым қолға алып,

Жылдар бойы қаншама

Жазды ұзақ толғанып.

Әдемілеп берсем деп

Бояу жағып не түрлі,

Суретшілер көркемдеп

Қанша уақыт отырды.

Әріп теру үшін де,

Талай адам терледі,

Баспахана ішінде

Айлап тыным көрмеді.

Оқулықты мектебің

Берер саған теп-тегін.

Білмейсің-ау сен бірақ

Қаншама еңбек кеткенін.

Ал, сендер кітаптармен дос болғыларың келе ма? Кітаптар бұл ниеттеріңді есту үшін біз сиқырлы сөздер айтып көрейік.

«Кітап ойдың талмас қанаты», «Ой маржаны кітапта», «Кітап-білім бұлағы, білім-өмір шырағы». «Кітаппен кеңес, білімдімен теңес».

Кітаптармен дос болғыларың келетіндігін кітаптар ұққан сияқты. Олар да сендермен дос болғысы келеді. Кітаппен достығымызды нығайту үшін, қанекей, балалар достық шеңберің жасап, бәріміз бірауыздан серт берейік.

«Достығымыз тығыз болу үшін кітаптарды жыртпаймыз, бүлдірмейміз, былғамаймыз, бүктемейміз деп серт береміз».

Ал, енді құрметті бүгінгі кітапхана қонақтары, қазір бңз сіздермен «иә», «жоқ» ойынын ойнаймыз.Мен сіздерге сұрақтар қоямын, сіздер тезірек жауап беру керексіздер.

Кітап нені жақсы көреді?

Қаптағанды иә

Таптағанды жоқ

Кір қолдарды жоқ

Қар мен жаңбырды жоқ

Ұқыпты ұстауды иә

Мейірімді иә

Таза қолды иә

Еденде жатқанды жоқ

Төбелесті жоқ

Кітап сөрелерінде тұрғанды иә

Жақсы көретін оқырманды иә

Жақсы балалар! Сендердің араларында кітап қадірін білетін, кітаппен дос болғысы келетіндердің көп екенін көріп, қуанып отырмын. Ал, енді кітапханада ешкім жоқ кезде, кітапханада қандай нәрселер болатыны жайында бейнефильм тамашалайық.

Фильм көрсетіледі.

Кітапхана қонақтарына естелік алқа таратылып, сабақ аяқталады.

• 1 слайд

  Кітапханамен
  танысу
  

• 2 слайд

  Дейді оқушылар: «Кітап-білім бұлағы»
  Кітапхана - сол кітаптар тұрағы.
  Көп үйреніп, көп оқыған баланың,
  Анық тағы білімпаз боп шығары.
  

• 3 слайд

  Құм тақташалардағы кітаптар
  

• 4 слайд

  Папирустағы
  кітаптар
  

• 5 слайд

  
  Пергамент – бұл мал
  терісінен әзірленетін
  жазу материалы
  Пергаменттегі кітаптар
  

• 6 слайд

  Теріден жасалған
  кітап
  
  
  Кітаптардың сыртқы қабаты жібек немесе терімен қапталңан тақтайшалардан жасалады. Әдемілік үшін кітаптарды алтынмен, күміспен қаптаған.
  
  

• 7 слайд

  ЖҮРУ
  КӘРІЛІК
  ЖЫЛАУ
  КҮН
  КӨЗ
  Суретті хаттар
  

• 8 слайд

  Оқу залы
  Абонемент
  

• 9 слайд

  Оқырман өзін кітапханада
  қалай ұстау керек?
  
  Тыныш!
  Кітапхана кітаптарын жоғалтпау керек!
  Кітапқа ұқыптылықпен қарау!
  Кітапты уақытында қайтару!
  Алынған кітаптарды өз орнына немесе кітапханашының үстеліне қою керек!
  

• 10 слайд

  Кітап та алма ағашы,
  Жемісін біздер теретін,
  Тәтті алмаға балашы
  Кітабыңның әр бетін