Баяндама тақырыбы: Өткенді білсек, өркеніміз өседі.

Тарихты  білмей-өткенді, қазіргі  жағдайды білу,

 келешекті  болжау  қиын.  Әл-Фараби

Бірлік орта мектебінің  тарих пәпінің мұғалімі Жайлауов  Нурболат

Өткенді білсек, өркеніміз өседі.

  Кешегіден бүгінгіге,бүгінгіден келешекке бағыт түзеп тынбай толастамай зулаған уақыт,өмір көшінің тұла- бойы  тұнған тарих-сананың інжу-маржан шежіресі.Тарих адамзаттың      әрі асыл,әрі бай қазынасы .Алтыннан да қымбат сол бір телегей-теңіз тарихты сақтап келе жатқан халықтың санасы,ақыл-ойы керемет!

   Біз халқымыздың,аса бай тарихын,сол тарихымызда өшпес із қалдырған батыр бабаларымыздың өмір жолдарын оқып білуге әрі борыштымыз, әрі міндеттіміз.

Тарих кешегіге емес,бүгінгіге,келешекке-бүгінгі ұрпаққа,келешек ұрпаққа керек.Ата-бабамыздан «жеті атасын білмеген жетесіздік белгісі »деген.Бұл сақты сындыратын сүйекке таңба  болатын   сөз. Олай болса әрбір білімді,ұлтжанды азамат  өзінің руы мен тайпасының тегін тарата білуге міндетті.

Кешегі  тарихымыз  халқының  қамын  ойлаған ,іргелі ел болуы үшін түн қатып жүріп , алғаш қазақ тайпаларының басын қосып, мемлекет құрған ұлы сұлтандар Жәнеібек пен Керейдің тарихи қызметі өлшеусіз, қазіргі кезде Қазақстан Республикасында жалғасын тауып отырған тәуелсіз идеясы мен оын жеңісті жолдары дәлел бола алады.  Қазақ хандығының  құрылуы қазақ халқының тарихындағы маңызды оқиға болды.  Жәнеібек пен Керей хандар ұлан - байтақ өңірді мекендеген қазақ тайпаларының басын қосып шоғырландыруда, қазақтың этникалық аумағын біріктіруде, қазақтың байырғы заманнан басталған өз алдына жеке ел болып қалыптасуын біржолата аяқтауда аса маңызды және түбегейлі шешуші рөл атқарды

Қазақ хандығының қалыптасу, даму, нығаю кезеңдерін өзара сабақтастықта қарастыра отырып, қазіргі таңдағы Қазақстан Республикасының ішкі-сыртқы саясатымен, ұштастырса, мақсаттымыздың толық жүзеге асары сөзсіз..

 Қазақ хандығының 550 жылдығы жәй ғана тарихи дата емес,ұлтымыздың рухын асқақтатып, мерейін өсіретін, өткенімізді таразылап, санаға сенім ұялататын мерейтой. Қазақ хандығының 550 жылдығын атап өту арқылы өткенімізді дұрыс  танып,болашаққа ілгері жылжуымыз үшін қажет.

Біз өз тарихымызды білмей,алдыға ұмытылу тіпті мүмкін емес.Сол үшін әрбір жас ұрпақ өз тарихын тереңнен білуі тиіс және аңыз бабаларымыздың рухына тағызым етуге  міндетті.Сонда ғана  баршамыз мақсат етіп отырған ең дамыған 30 елдердің  қатарына толық  қосыла аламыз.

  Сөз соңын Елбасымыз Н. Ә. Назарбаев мынандай ұлаттты сөзі арқылы қорытындыласам деймін: «Өз тарихын білмеген халық, өзін де сыйламайды» деп  айтқандай тарихты білу баршамыздың парызымыз.Баршамызға қатысты ортақ сөз-өткенімізді білсек,өркеніміз өсе бермек!