БЕЙБІТ КҮН ЖАСАСЫН ӘЛЕМДЕ (жеңістің
70 жылдығы)
9 мамыр – Ұлы Жеңіс күні. Осыдан 70 жыл бұрын, бұл күні адамзат
тарихындағы ең сұрапыл, жойқын соғыс Ұлы Отан соғысы аяқталды. Айбынды білек,
жеңістеріне сенімді ыстық жүректерімен, қайрат күштерімен кешегі жігіттер
бүгінгі өнегелі аталарымыздың арқасында 1945 жылдың 9 мамыр күні – қанқұйлы жау
түбегейлі жеңіліс тапты.
Бүгінде Жеңіс күні мерекесі адамдардың ұлтына, дініне, тілі мен мәдениетіне
қарамастан ортақ қуаныш күні. Бұл қастерлі мейрамның мән мағынасы уақыт өткен
сайын еш өшпек емес, себебі оның құндылығы ғасырлар бойы жаңа жас буын ұрпаққа
өсиет боларлық жақсылық жеңген Ұлы күн! Біз есімдері тарихтың бетінен мәңгі
өшпейтін аға буын алдында өлшеусіз қарыздармыз.
9 мамыр – Ұлы Жеңіс күні. Осыдан 70 жыл
бұрын, бұл күні адамзат тарихындағы ең сұрапыл, жойқын соғыс Ұлы Отан соғысы
аяқталды. Айбынды білек, жеңістеріне сенімді ыстық жүректерімен, қайрат
күштерімен кешегі жігіттер бүгінгі өнегелі аталарымыздың арқасында 1945 жылдың
9 мамыр күні – қанқұйлы жау түбегейлі жеңіліс тапты.
Бүгінде Жеңіс күні мерекесі адамдардың ұлтына, дініне, тілі мен мәдениетіне
қарамастан ортақ қуаныш күні. Бұл қастерлі мейрамның мән мағынасы уақыт өткен
сайын еш өшпек емес, себебі оның құндылығы ғасырлар бойы жаңа жас буын ұрпаққа
өсиет боларлық жақсылық жеңген Ұлы күн! Біз есімдері тарихтың бетінен мәңгі өшпейтін
аға буын алдында өлшеусіз қарыздармыз.
Біз әрқашанда Жеңіс күнін аға буынның Отанға деген шексіз сүйіспеншілігінің,
жастарды ерлік пен патриотизм рухында тәрбиелеудің өлшеусіз өнегесі деп
білеміз. Олардың ерліктері біздің жүрегімізде мәңгі сақталады, фашизмді жеңген
батырлардың өшпес даңқы мәңгі шуақ шашатын болады. Бүгінгі күні ортамызда
жүрген қарт жауынгерлер мен майданда қаза тапқандардың ерліктері арқасында біз
жарқын өмір сүрудеміз. Тарихымызда қалған бұл сұрапыл соғыстың кеселінен өткен
ата-әжелеріміз аман болсын. Ұлы Жеңіс мерекесі күні біз Отан соғысының оқ
бораған даласында қаза тапқандардың рухтарына бас иіп, тағзым етеміз. Біздің
аталарымыз бен әкелеріміздің батырлықтары мен жанқиярлықтары, олардың өз
Отанына деген шексіз сүйіспеншіліктері Қазақстанның бүгінгі жауынгерлері үшін
мақтан тұтарлық үлгі ғана емес, бұл – бірнеше ұрпақты байланыстыратын қоғамның
рухани дамуы мен ұлттық қайта өрлеуінің жоғары адамгершілік негізі. Жеңіс күні
– абыройымыз бен даңқымыздың мерекесі. Табандылық пен ерлік, Отанға деген
сүйіспеншілік қатал соғыста Жеңіске жеткізді. Келешек еліміздің дархан даласы
кең, аспаны ашық болсын! Жұдырықтай жұмылған, білектей біріккен кеңпейіл Қазақ
елі жасасын! Ешкім де ұмытылмайды, ешнәрсе де ұмытылмақ емес. Бірақ, Ұлы
Жеңістің ұмытылмайтыны сияқты, соғыс та ұмытылмастай ізін қалдырды. Жеңіс күні
– бұл сан мыңдаған ұрпақ үшін ортақ мереке. Бұл мереке – бейбітшілік пен
қайырымдылықтың мәңгі жасампаздығын, Отанын қорғаған жауынгер-солдаттар мен
офицерлердің айбыны, тылдағы Жеңісті жақындатқан жұмысшылардың ерлік
еңбектерінің мәңгі өшпейтіндігін дәлелдейтін белгі болып қалмақ. 9 мамыр - бұл
мереке ғана емес, бұл ауыр еңбек, бұл халықтың батырлығы. Бiздiң парызымыз -
бұл күндi еске сақтау. Біз зарыға тосқан Жеңіс күні бүкіл дүниежүзі бойынша
үлкен мейрам. Әсіресе, бұл екінші дүниежүзілік соғыстың бар ауыртпалығын өз
мойнымен көтеріп, Отан үшін от кешіп, соғыстың қанға бөккен даласында
қайсарлықпен шайқасқан, Жеңістің туын желбіреткен, Ұлы Отан соғысының
ардагерлері үшін ерекше мейрам. Бүгінде біздің азаматтық міндетіміз – болашақ
ұрпақты Отанын сүюге, елінің, жерінің адал патриоттары, достық пен бірлік
туралы түсінік беру арқылы отансүйгіштікке тәрбиелеу. Ауылда қалған кемпір-шал,
бала-шаға зуылдаған оқ пен лапылдаған от-жалынның арасында жүрген бауырына,
әкесіне, ағасына сеп болсын деп, бар күш қайратын жұмсады. Тылдағы әрбір күн
соғысқа тең еді. Шын мәнінде, біздің абзал жанды ардагер қарияларымыз үлкен
ерлік жасады. Ел үшін, болашақ ұрпақ үшін жандарын берді.Ол
кісілердің жасаған ерліктерін біз ұмытпаймыз. Орта буын замандастарымызға,
кейінгі өскелең ұрпаққа айтарымыз: «Ардагер көрген зұлматты сен көрген жоқсың,
сол үшін оны құрметте! Ол қандай құрметке болса да лайықты», - дер едік. Уақыт
өткен сайын кешегі күндей күркіреп өткен сұрапыл соғыстың дүрбелең оқиғалары да
арасын аулақ салып, алыстап барады. Бірақ, қаншалықты алыстағанмен ол көңілден
кетіп, жүректерден өшпек емес. Өйткені, ол соғыс қаншама ұрпақты
қайғы-қасіретке душар етіп, өмірін өксітіп кетті. Сол соғысты майданның алдыңғы
шебінде жүріп басынан өткергендер де, солардың тілеуін тілеп, тылдағы бар
ауыртпалықты иығымен көтерген ардагерлер де, соғыста ата-анасынан айырылып,
жетімдік тауқыметін тартып өскендер де бүгінде арамызда жүр. Бұл жайды еске
түсіру өте ауыр. Болашақта ешқашан соғыс болмасын.
Қабиев Ер-Асыл.
аудиоформат
Оставьте свой комментарий
Авторизуйтесь, чтобы задавать вопросы.