ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ
Қызылтаң орта мектебі
Сайыс сабақ
Тақырыбы: Бояулар сыр шертеді
Пән мұғалімі: Негметжанов А.С.
2011-2012 оқу жылы
Сыныбы: 6
Сабақтың тақырыбы: “Бояулар сыр шертеді”
Сабақтың мақсаты:
а) Білімділігі: оқушылардың бейнелеу өнері жайындағы білімін толықтыру. Оқушыларды шапшаңдыққа үйрету, шығармашылықтарындамыту.
ә) Дамытушылығы: оқушының ой – қиялын дамыту, олардың икемділігін, сурет салу шеберлігін арттыру.
б) Әсемдікке, сұлулыққа тәрбиелеу, өнерге баулу.
Сабақтың түрі: сайыс сабақ
Сабақтың типі: білім, білік дағдысын қалыптастыру.
Сабақтың әдісі: топтық жұмыс, озін - өзі тексеру, сайыс.
Көрнекілігі: қалам, қағаз, сулы бояу, мақал – мәтел, жұмбақ, суретшілер шығармалары.
Пәнаралық байланыс: әдебиет.
Сабақтың формасы: өзін - өзі тексеру, жұмбақтар, мақал – мәтелдер, иллюстрация.
Бақылау: өзара бақылау.
Сабақтың барысы:
Ұйымдастыру кезеңі: оқушылардың сабаққа дайындығын тексеру.
Сайыс сабақтың мақсатымен таныстыру.
Мұғалім:
− Балалар, “Бояулар сыр шертеді” тақырыбындағы сайыс сабағымызды бастайық..
Егер сен өнерден ләззат алғың келсе, онда өнер жөнінде білімдар адам болуың керек.
К.Маркс
−Бүгінгі сайыс сабақта бейнелеу өнері жайлы білімдерің тексеріледі, шапшаңдық, ой – қиялдарын, сурет салу шеберліктерің сыналады.
Сынып оқушылары екі топқа бөлінеді және әділқазыларды сайлайды.
I – топ “Акварель” II – топ “Гуашь”
Әр топ өз атына анықтама береді:
Акварель – суда жақсы еритін бояу
Гуашь – суға езілетін қою бояу.
Сабақ бағдарламасымен таныстыру.
1. Бейнелеу өнерінен білімді тексеру.
2. Жұмбақтар сайысы.
3. Түстер туралы мақал – мәтелдер.
4.Өлеңдерге иллюстрация жасау.
5. Достық әзіл сайысы.
6. Қорытынды. Ою-өрнектерді суық және жылы түске бояу.
Үй тапсырмасы: Спектр жасау .
2. Бейнелеу өнері пәнінен өзін - өзі тексеру тапсырмалары. Бейнелеу өнері терминдер сөздігінің анықтамасын бағыттар арқылы сызып көрсету.
3.Спектр туралы түсінік беру.
4. Жұмбақтар сайысы.
I. Ақ сандығым ашылды
Ішінен жібек шашылды
(Күн)
Ақ қойым тұрып кетті
Қара қойым жатып алды
(Қар мен жер)
Айдалада ақ шатыр
Ішінде қызыл көзді шал жатыр
(Аспан,күн батуы)
Қара суда суат жоқ
Қалың тауда бұтақ жоқ
(Көз бен кірпік)
II. Қос ішекке қонақтаған қаланы
Қара тұлпар алға сүйреп барады
(Поезд)
Қара тайым мықты
Қара бием сүтті
(Қазан,ошақ)
Қызыл сиырды байлап салдым
Көк сиырды айдап салдым
(От,түтін)
Үстіндегі көйлегі түрлі – түсті не демек
Қызықтырар көргенді мұның атын не демек
(Көбелек)
5. Мақал – мәтелдер сайысы.
Ақ серке қой бастайды,
Ақын жігіт той бастайды.
Ақ ит, қара ит, бәрі бір ит.
Ақ бидайдың қадірін ашыққанда білерсің,
Ағарғанның қадірін қыс шыққанда білерсің.
Ағын су арнасын табады,
Ақ адам орнын табады.
Қасапшыға мал қайғы
Қара ешкіге жан қайғы.
Өрмекшінің торы
Қара шыбынның соры.
Қайғысыз қара суға семіреді.
Ана көңілі қызында,
Қыздың көзі қызылда.
Күн сіркіресе,
Көк дүркірейді.
Сабыр түбі сары алтын.
Сараңның асын сары ит ішеді.
Ел – жұрттың қадірін іс түскенде білерсің,
Сары тонның қадірін қыс түскенде білерсің.
Сарғайған жетер мұратқа
Сабырсыз қалар ұятқа.
6. Өлеңдерге, ертегілерге иллюстрация жасау.
Топтық жұмыс. Берілген өлеңге тез арада нобайлар салу.
Жаз
Жаздыкүн шілде болғанда,
Көкорай шалғын, бәйшешек
Ұзарып өсіп толғанда;
Күркіреп жатқан өзенге
Көшіп ауыл қонғанда;
Шұрқырап жатқан жылқының
Шалғыннан жаны қылтылдап,
Ат айғырлар, биелер
Бүйірі шығып, ыңқылдап,
Суда тұрып шыбындап
Құйрығымен шылпылдап,
Арасында құлын-тай
Айнала шауып бұлтылдап
Жоғары-төмен үйрек, қаз
Ұшып тұрса сымпылдап.
Абай Құнанбаев
7. “Достық әзіл” сайысы. Яғни әзіл сурет салады, соңынан суретші түсіндіріп, ұтымды жауап береді.
8. Қорытынды:
Әділ қазылар алқасы сабақта атқарған жұмысымызға баға бергенше біз соңғы түс түрлерін қаншалықты меңгергендеріңді анықтау мақсатында, мына оюларды суық және жылы түстерге бояп берейік.
Әділқазылар алқасы сайыскер оқушыларды берілген ұпайлар бойынша анықтап жеңімпаз топты атайды.
Оставьте свой комментарий
Авторизуйтесь, чтобы задавать вопросы.