"Безнең гаилә" темасына 2 нәниләр төркеме өчен шогыль

Дәрес темасы:  Безнең гаилә.

Максат :

-Сөйләмдә гаилә әгъзаларын белдерә торган сүзләрне куллану күнекмәлә-ләре бирү,кеше тормышында гаиләнең әһәмиятен күрсәтү.

- Мөстәкыйль фикерләү сәләтен, бәйләнешле сөйләм үстерү, сөйләмнең

грамматик төзелешен камилләштерү, сүзлек запасын баету.

- Гаиләдә бер-береңә игътибарлык, ярдәмләшү һәм дуслык, үзара хөрмәт, ярату, горурлык хисләре тәрбияләү.

Җиһазланыш:

УМК «Минем өем”, гаилә сүрәте,  бармак уеннары,  балаларның гаилә фотолары.

Барышы:

-Исәнмесез , балалар!

-Балалар , әйдәгез тәрәзәгә карыйк , көн нинди матур , бер- беребезгә карап елмаябыз. Без бүген нинди матур .

-Балалар , без матур сүзләр беләбезме соң? Белгән матур сүзләрне искә төшереп бер-беребезгә әйтик әле.

- Бик яхшы! Кәефләр күтәрелеп китте.Ә хәзер , минем сезгә дип әзерләгән шигыремне укып китим эле.

Безнең гаиләдә дүрт кеше –

Әти, әни, мин, энем.

Матур яшәүнең бар сере,

Татулык дип мин уйлыйм.

Җир йөзендә бар гаилә дә

Яшәсен иде тату.

Шул чагында булмас иде

Ятимлек ачысын тату.

Минем бүген бер теләгем –

Гаиләмнең бердәмлеге.

Бердәм гаилә, тату гаилә –

Милләтнең күркәмлеге

- Балалар, мин сезгә бүген  сезнең гаилә альбомнарыгыздан күргәзмә әзерләдем, карагыз әле. Алар хәрбер гаиләдә бар. Альбомга якыннарның, туганнарның кызыклы, сөенечле вакытта тошкән фотографияләрне куялар. Ә менә  тагын бер  буш альбом, без анда үзебезнең төркемдә төшкән фотографияләрне куярбыз, без дә бит сезнең белән бер зур гаилә.

-Балалар, сезнең  өчен гаилә нәрсә ул?( балаларның җаваплары)

-Гаилә- ул иң-иң якын һәм кадерле кешеләр.

-Балалар, миңа сезнең гаиләгездә кемнәр яшәгәнен сөйләрсезме?

-Әмир, син кем белән яшисен? (әни, әби, бабай)

-Балалар,  гаилә Илясныкы шикелле зур да һәм Әмирнеке шикелле кечкенәдә буларга мөмкин.

Кайбер гаиләдә күп бала, ә бүтән гаиләдә бала бер үзе булырга мөмкин, яки, апайсы да, энеседә, абыйсы да, сеңлесе дә юк.

-Зәлия, синең абыен бармы? Кем сезнең зурырак? Сез абыең белән бергә нишлисез? (балаларның җаваплары)

-Балалар, әйдәгез эле “Әниемә бүләк” дигән шигырьне укыйк әле.(күмәк сөйләү)

Җиләк җыям, как коям

Әниемә бүләккә

Монда җиләк күп икән,

Аю – бүре юк микэн?!

-Балалар, миңа сезнең узегезнең гиләгез турында сөйләгәнегез бик ошады. Ә хәзер мин сезгә хайваннарның гиләләре  турында рәсемнәр карарга тәкъдим итәм.

-Бу рәсемдә гаилә сүрәтләнгән дип әйтергә мөмкинме? Песигә үзенең балалары янында рәхәт микән? Ул алар турында кайгырта микән?

-Дөрес балалар. Хайваннар һәм җәнлекләр гаиләләре белән булганда рәхәт, узләрен тыныч хис итәләр. Алар үзләренең балаларын кайгырталар, саклыйлар.

-Балалар, ничек итеп гаиләбезне кайгырта алабыз? (балаларның җаваплары)

-Балалар, бу рәсемдә кем сүрәтләнгән?(гаилә). Әйдәгез, шушы рәсемнәрдән гаилә төзик әле(әби, бабай, әни, әти, кыз , малай сүрәтләре).

-Булдырдыгыз, әфәрин! Ә хәзер, узебезнең гиләне бармаклар ярдәмендә күрсәтик.

Уң кулыбызны табыйк,

Әйдәгез, уйнап алыйк.

Бу бармак- бабай

Бу бармак- әби

Бу бармак –әти

Бу бармак-әни

Бу бармак нәни- аның исеме чәнти.

-Балалар, сезгә бүген шөгыль, гаилә турында әңгәмә ошадымы? Без нәрсә турында сөйләштек?(Гаилә)

- Әти, әни, әби, бабай, балалар – бу гаилә, чөнки болар барысы да гаилә әгъзалары. Әти-әни, әби-бабай – гаиләнең иң хөрмәтле кешеләре, чөнки алар сезнең турында уйлап, борчылып яшиләр. Шуңа күрә аларны яратыгыз, матур эшләрегез белән куандырыгыз, ягымлы сүзләрегез белән сөендерегез. Рәхмәт сезгә!

-Балалар,җирдә миңа ни кирәк?(балалар дәвам итәләр)

Әти дә әни кирәк.

Җирдә миңа ни кирәк? (балалар дәвам итәләр)

Без яшәгән өй кирәк,

Әти дә әни кирәк.

Без яшәгән өй кирәк.