Биче Монгуштун уругларга бижээн шулуктери

«Сөөлгү коңга»

байырлалының сценарийи

Сорулгазы: чаңчыл болган cөөлгү коңга байырлалын байырланчыг байдалга эрттирип, уругларны  эртем-билигге сонуургалдыг, төрээн  чер-чуртунга, школазынга, башкыларынга, ада-иелеринге ынак болурунга,  эртем-билиглиг, төлептиг мөзү-шынарга,  эстетиктиг, чараш чүүлге   кижизидери.

Дерилгези: плакаттар, шариктер, хөгжүмнүг аппаратура, школа дугайында ырылар, конга

Болур чери: школа чаны

Болур хүнү: май 21, 2014 чыл

Чорудуу:

           Организастыг кезээ: байырлыг чыскаал

1.     Чадалар аайы-биле доозукчуларны чалап үндүрери (1,4, 9, 11 класстар)

2.     Президиум столунче аалчыларны чалаары

3.     Байырлыг ажыдыышкын

4.     Байыр чедириишкини. Школа директору Седен-оол Ч.Ш. Күрүне шылгалдаларынче кирериниң дужаалы-биле таныштырары.

   Директорнуң  өөредилге талазы-биле оралакчызы  Шарый-оол С.А.

               (Эки өөредилгелиг доозукчуларга  шаңналдар тыпсыры)

5.     Кожуун администрациязындан, Өөредилге Эргелелинден  келген аалчыларга, ТК-ниң ада-иелеринге сөс (шаңналдар)

6.     Бирги  классчыларның байыр чедириишкини

7.     Хөгжүмнүг байыр чедириишкини  (Откун Куулар)

8.      Доозукчуларның класс башкыларынга сөс

9.       Доозукчуларга   сөс (Чымбалак Сай-Белек-кыс, Донгак Аялга – 9 кл)

10.  Доозукчулар ырызы Сөзү Екатерина Танованыы, аялгазы  Альберт Тановтуу ыры  «Сөөлгү коңга"

11. Сөөлгү  коңга езулалы

12.  1-ги классчыларга белекчигештер

13.  Байырлыг шугум чыскаалын  доозары.

14.  Сактыышкын кичээлдери

Хөгжүмнүг пауза Ыры «Школачы чылдар»

1.     Доозукчуларны чалап  үндүрери (1, 4, 9, 11 класстар)

Башкарыкчы: Школа! Кичээнгейлиг! Тыва Республиканың  Өвүр  кожууннуң  муниципалдыг бюджеттен хандырылгалыг Дус-Даг ниити билиг ортумак 

школазының 2013-2014  өөредилге чылының доозукчуларын  диңмиттиг  адыш часкаашкыны-биле  уткуп алыылынар!

  Доозавыс кичээнгейинде  1-ле дугаар  школавыстың эргинин арта базып, эртемнерниң далайынче эжиндирип  кирип турар курзукпайлар «Шолбан» уруглар садының доозукчулары - чаптанчыг, чараш  биргиклассчыларыс база

 1-ги категорияның  кижизидикчи башкызы  Любовь Чулдум-ооловна Кыргыс.

2.     Эге чада школазының  доозукчулары  4-кү классчылар – класс  удуртукчузу   Россия Федерациязының   ниити өөредилгезиниң  хүндүлүг ажылдакчызы, бирги категорияның   башкызы  Лидия Монгушовна Доржу.

3.     9  класс – класс  удуртукчу башкызы  Россия Федерациязының   ниити өөредилгезиниң  хүндүлүг ажылдакчызы,  дээди категорияның  тыва дыл,  чогаал эртеминиң  башкызы Урана Ыспан-ооловна Донгак.

4.     11-ги   класс – класс  удуртукчузу   Россия Федерациязының   ниити өөредилгезиниң  хүндүлүг ажылдакчызы, бирги категорияның математика эртеминиң башкызы  Мария Аржай-ооловна Донгак.

(Доозукчулар оол, уруг четтинчип алган

 хөгжүмнүг  үделге-биле школадан үнерлер)

5.     Президиум столунче аалчыларны чалаары

Хүндүлүг президиум столунуң олуттарын  ээлээринче дараазында ады кирген хүндүлүг  аалчыларны  чалап тур бис:  

1.     Өвүр  кожуун Администрациязының   төлээзи  Андрей  Ангыр-оолович Ооржак;

2.     Өвүр  кожууннуң  өөредилге эргелелиниң  төлээзи;

3.     Дус-Даг суму  чагырга даргазы Аполлон Куваевич Байкара;

4.     Дус-Даг  муниципалдыг ниити билиг ортумак школазының директору, бирги категорияның орус дыл, чогаал эртеминиң башкызы  Седен-оол Чойгана Шивит-ооловна;

5.     Директорнуң  өөредилге талазы-биле  оралакчызы, бирги категорияның математика  эртеминиң башкызы  Шарый-оол Саяна Александровна;

6.      Дус-Даг  суму баштыңы  дээди категорияның тыва дыл, чогаал башкызы Седен-оол Светлана Очут-ооловна;

7.     Доозукчу 11-ги класстың төрелдер комитединиң даргазы  Куулар Аина Андреевна;

8.     Доозукчу  9-ку класстың ада-иелеринден төлээ:

3.     Байырлыг ажыдыышкын

Башкарыкчы: Эки хүннүң  мендизи-биле  эргим ада-иелер,  хүндүлүг башкылар база бо  онзагай, чараш байырлалдың аалчылары!

   Аныяк, күш-шыдалдыг, эртем-билигниң үндезинин алган, амыдыралче бурунгаар  көрүштүг, сонуургалдыг, школавыстың  төөгүзүнде база бир онзагай  өөредилге, спортка, уран чүүлге салым-чаяанныг  оолдар, кыстары: доозукчуларывыстың  чаңчыл болган «Сөөлгү коңга» байырлалын ажыттынган  деп  чарладым.

   РФ болгаш ТР ыдык ырыларын салыр.

           Башкарыкчы: Хүндүлүг доозукчулар! Бөгүн   бисте анаа эвес хүн.

  Силерниң мурнуңарда – харыысалгалыг, негелделиг, хөй-хөй шылгалдалар, хөй-хөй шенелделерлиг амыдырал, улуг кижиниң амыдыралы. Ол ийиниң аразында «Сөөлгү  коңга» деп чүрекке өөрүнчүг, сеткилге дүвүренчиг, сагышка кударанчыг болуушкун бар. Ол болуушкун өскен-төрээн школазы-биле доозукчуларны байырлаштырар, улуг орукче үдээр.

    2014 - төөгүлүг онзагай чыл. Тываның болгаш Россияның чаңгыс демнежилгезиниң 100 чыл ою, найысылал Кызыл хоорайывыстың үндезилеттингенден бээр 100 чылы база Россияда Культура ажылдакчыларының,  Орус дылдың чылы  болуп турар төөгүлүг үеде школаны доозуп  турар  аас-кежиктиг доозукчулар-дыр силер.

   Ынчангаш доозукчулар Силерге  сагыш-сеткилиңерге кезээде уттундурбас артып калыр онзагай хүн-биле байыр чедирип, башкыларыңарның силерниң өөредилге-кижизидилгеңер дээш үндүргени күш-ажылын халас ытпайн, чурттуң  шылгараңгай дээди өөредилге черлеринче дужаап кирип, доозуп, эртем-билиг-биле чепсегленгеш, кижи бүрүзү Тывавыстың, Ада-чуртувустуң мурнунга ыдыктыг хүлээлгеңерни  күүседип, чурттуң төлептиг хамаатылары болуруңарны күзедим.

4.     Байыр чедириишкини. Школа директору Седен-оол Ч.Ш.

Эң-не баштай школаже кирген хүнүм

Эртемнерге узун оруум ужуктап каан

Башкыларым өөредии хүннер саннай

Бажым мээзин дадыктырып сайзыраткан

5.     Күрүне шылгалдаларынче кирериниң дужаалы-биле таныштырары. Директорнуң  өөредилге талазы-биле оралакчызы  Шарый-оол С.А.

               (Эки өөредилгелиг доозукчуларга  шаңналдар тыпсыры)

6.     Кожуун администрациязындан, Өөредилге Эргелелинден  келген аалчыларга, ТК-ниң ада-иелеринге сөс (шаңналдар)

7.     Бирги  классчыларның байыр чедириишкини

8.     Хөгжүмнүг байыр чедириишкини  (Откун Куулар)

9.     Доозукчуларның класс башкыларынга сөс

10.   Доозукчуларга   сөс  (Чымбалак Сай-Белек-кыс, Донгак Аялга – 9 кл)

11. Доозукчулар ырызы Сөзү Екатерина Танованыы, аялгазы  Альберт Тановтуу ыры  «Сөөлгү коңга"

12. Сөөлгү  коңга езулалы

13.  1-ги классчыларга белекчигештер

14.  Байырлыг шугум чыскаалын  доозары.

15.  Сактыышкын кичээлдери

Доозукчу өөреникчи:

Эглип келбес өөреникчи чылдарывыс

Эстеп хадаан бүрүлер дег шуужуп эрти

Сөглеттинмес, эгиттинмес бодалдарны

Сөөлгү коңга үезинде бодап тур бис

Амыдырал делгеминче ушкан куш дег

Арттар, сыннар эргий тарап чоруптар бис

Ынчалза-даа сөөлгү коңга хоюг үнү

Ыраза-даа чаңгыланып артып калыр.

    Сөөлгү  коңга байырлалының кол кезээ – коңга этсир чараш езулалды  бараалгадыры-биле  бирги  классчы Тумат Туяна,  доозукчу Куулар Субудайны  чалап тур бис.  

Башкарыкчы:

11 чылдар дургузунда эдип келген школачы коңга үнү ам силерниң улуг чуртталгаже орууңарның эге кыйгызын салып, дыңзыг эдискизин чаңгыландырып турары бо. Чорууңар чогузун, доозукчулар!

 Сөөлгү коңга! Шак бо минута доозукчу бүрүзүнүң сагыжынга бүдүн чуртталгазында эң-не өөрүнчүг байырлыг үе болуп артып калыр.

Сөзү Екатерина Танованыы, аялгазы  Альберт Тановтуу

ыры   «Сөөлгү коңга»

Сагыш-сеткил көдүрлүп кээр

Саймааранчыг,  кударанчыг

Чүректерни хөлзедиптер

Чүглүг ыры «Сөөлгү коңга»

Башкарыкчы:

Эки өйде төрүттүнген чолдугларым

Эртем-номга өөренген угаанныглар!

Чалгын, чүүңер хыралбазын, элевезин!

Чагыг-сөске кичээнгейлиг болуп чоргар!

Амыдырал далайынга эштир силер

Аажок улуг шылгалдалар мурнуңарда

Чурттунарга, чонуңарга ынакшыңар!

Шудургу бооп, бүзүрелди шынзыдыңар!

«Сөөлгү коңга» езулалы дооступ  туру

Сөглеп четпес өөрүшкүңер үлештивис

Школачы эң-не Сөөлгү коңга үнү

Амыдырал эжиин ажып үдеп туру

Чылыг чымчак сөстериңер

Доозукчуларга чалгын болзун!

Школачы чараш, чаагай чаңчылывыс

Уламчылап артып каарын күзеп тур бис!

5.      Байырлыг шугум чыскаалын  доозары

6.      Сактыышкын кичээлдери

Тыва Республиканың  Өвүр  кожууннуң  муниципалдыг бюджеттен хандырылгалыг Дус-Даг ниити билиг ортумак  школазы

           Бадылаан

      Школа директору:           /Седен-оол Ч.Ш./

       Май 13,  2014 чыл

                    

                                                                Сценарийни белеткээн:

                                                             Директорнуң кижизидилге

                                                            талазы-биле  оралакчызы Осурбай А.Д.

2014