БІЛІКТІ БАСШЫ АЛДЫРМАС,
БОЛАШАҚТЫ БІЛІМСІЗ ҚАЛДЫРМАС
Қазақстандық
білім беру жүйесін жақсарту үшін, ең алдымен педагог кадрлардың мәртебесін
арттыру, біліктілігін дамыту бағытына үлкен мән берілген. Осыған байланысты
қазіргі таңда еліміздің білім беру жүйесіндегі реформалар, өзгерістер мен
жаңалықтар мұғалімнің өткені мен бүгіні, келешегі мен болашақ жайлы ойланып,
жаңа идеялармен жұмыс жасауға негіз болады. Елбасымыздың жолдауында айтқандай:
Болашақта өркениетті дамыған елдердің қатарына ену үшін, заман талабына сай
білім қажет.
Қазақстанды
дамыған 30 елдің қатарына жеткізетін – білім. Ғылым мен техниканың күн санап
өсуіне байланысты педагогика ғылымының теориясы мен оқыту үрдісі де түбегейлі
өзгерістерге ұшырауда. Соған орай оқытудың парадигмасы өзгерді. Білім берудің
мазмұны жаңарып, жаңаша көзқарас пайда болды. Ұстаздар алдында оқытудың
әдіс-тәсілдерін үнемі жаңартып отыру және технологияларды меңгеру, оны тиімді
қолдана білу міндеті тұр.
Орта
білім мазмұнын жаңарту аясында тек өз пәнін, өз мамандығын шексіз сүйетін, бала
үшін ұстаз ғұмырын құдіретті деп санайтын білімді мұғалімдер ғана жұмыс
істей алады.Сондықтан да орта білім мазмұнын жаңарту аясында мұғалімдердің
біліктілік жетілдіру курстарынан өткізу басталып, тіпті мектеп бағдарламасына
енгізіліп, 2016-2017 оқу жылында 1-сыныптықтарға білім де беріліп жатыр. Білім
саласына енген өзгерістер мектепте жұмыс істейтін пән мұғалімдерінің ғана емес,
сол мектепті басқарып отырған мектеп басшылары мен оқу ісі және тәрбие ісі
жөніндегі орынбасарларының да заман талабына сай дайындықтары қажеттігін
көрсетті. Осы қажеттілікті өтеу барысында «Өрлеу» біліктілікті арттыру ұлттық
орталығы» АҚ филиалы Қазақстан Республикасы білім беру жүйесінің басшы және
ғылыми педагогикалық қызметкерлерінің біліктілігін арттыратын республикалық
институтының ұйымдастыруымен Көкшетау қаласында 2017 жылдың 10 – 21 сәуір
айында екі апталық «Білім беру мазмұнын жаңарту жағдайында бастауыш мектепте
оқытудың инновациялық процесін басқару» тақырыбында біліктілік курсы өтті. Курстың
негізгі мақсаты – жаңартылған оқу бағдарламасы бойынша мектепте білім берудің
мақсат-міндеттерін айқындау және басшылық жасаудың менеджменттік тиімді
тәсілдерін меңгерту. Курс жетекшісі педагогика және инклюзивті білім беру
кафедрасының аға оқытушысы, Кембридж бағдарламасы бойынша екінші (негізі)
деңгей сертификатталған тренері, педагогика ғылымдарының магистрі – Комекова
Сандуғаш Оралханқызымен екі апта бойы білім саласындағы өзгерістер аясында
мектепте атқарылып жатқан іс шаралар аясында тәжірибе алмаса отырып тығыз
жұмыс жасадық. Өз ісінің майталман шебері, білімді де білікті Сандуғаш
Оралханқызы дәрістерін: Қазақстан Республикасы Президенті Н.Ә.Назарбаевтың
«Қазақстанның үшінші жаңғыруы: жаһандық бәсекеге қабілеттілік» 2017 жылғы 31
қаңтардағы Жолдауы, Қазақстан Республикасында білімді және ғылымды дамытудың
2016-2019 жылдарға арналған мемлекеттік бағдарламасындағы мәнмәтінінде білім
беруді дамытудың стратегиялық бағыттары» турасындағы заңдылықтарды жеткізумен
бастады. Одан кейін «Заманауи басшының басқарушы қызметінің
әлеуметтік-психологиялық аспектілері (кәсіби қызметін дамытуда өзін-өзі басқару,
өзін-өзі бақылау және рефлексивті қызметінің негіздері, табысты мотивация»
тақырыбында тренинг өткізілді. Тренинг әр мектептің оқу ісі меңгерушілерінің
жұмысына өз әсерін тигізетіндей жоғары деңгейде ұйымдастырылды. «Бастауыш
мектепті басқару: бақылау, жобалау, стратегиялық және тактикалық жоспарлау»,
«Білім беру мазмұнын жаңарту жағдайында білім беру ортасын дамытушылық жобалау
әдістері» тақырыбында өткен дәріс, тренинг- семинарлары бүгінгі жаңартылған
білім беру саласында бізді толғандырып жүрген көптеген мәселелердің шешім
табуға көмектесті десек қателеспеген болар едік. Курс барысында тек қана дәріс
тыңдап, тренингтерге қатысып қана қоймай, өзіміз де шығармашылық жұмыстармен
айналыстық, бірнеше тақырыптар төңірегінде зерттеу жобаларын қорғап, «Қазақстан
Республикасы орта білім мазмұнын жаңарту аясында бастауыш білім даярлауды
ұйымдастыру», «Басқарушылық шешімдерінің жүзеге асырылуын бақылауды ұйымдастыру»,
«SMART-мақсат», «Swot-анализ» технологиялары көмегімен өзгерістерді жоспарлау
мен мектеп қызметінің нәтижелерін бағалау» тақырыптарында шағын сабақтар
өткіздік, «Бастауыш білім беруді басқарудағы инновациялық процестер бойынша
шығармашылық тапсырмалар әзірлеу», «Жаңартылған білім мазмұны бойынша басшының
стратегиялық жоспарын жасау», «Бастауыш мектептің жұмыс тәжірибесіне
педагогикалық менеджментті енгізудің бағдарламасын жасау» және т.б. өзекті
мәселелер төңірегінде өзіндік және жобалық жұмыстар жасалды, шағын-сабақтар
қорғалды.
Бүгінгі
білім беру саласында өте қажетті біліктілік курсын ұйымдастырған «Өрлеу»
біліктілікті арттыру ұлттық орталығы» АҚ филиалы Қазақстан Республикасы білім
беру жүйесінің басшы және ғылыми педагогикалық қызметкерлерінің біліктілігін
арттыратын республикалық институтының директоры, педагогика ғылымдарының
докторы, профессор Макатова Жансауле Әлиқызына және курс жетекшісі педагогика
және инклюзивті білім беру кафедрасының аға оқытушысы, педагогика ғылымдарының магистрі
– Комекова Сандуғаш Оралханқызына, онлайн дәрістерін оқыған оқытушылар
Абайдуллаева Айгуль Аманжолқызына, Байболова Гулжанат Габдуллахметқызына Ақмола
облысындағы курс тыңдаушыларының айтар алғысы шексіз. Сіздерге шығармашылық
шабыт, шығармашылық табыс тілей отырып, «осындай басшы кадрларға арналған
курстар онлайн желісінде емес, бетпе-бет жүзінде облыстық, аудандық
аймақтарында оқыту семинарлар,тренингтер жиі ұйымдастырылса», - деп ұсыныс
айтамыз.
Ақмола облысының курс тыңдаушылары атынан: Заводской орта
мектебі директорының оқу ісі жөніндегі орынбасары – Габбасова Г.А.
аудиоформат
Оставьте свой комментарий
Авторизуйтесь, чтобы задавать вопросы.