Білім беру салалары: «Таным» «Көңілді көжек»

Технологиялық карта

Атырау  қаласы

№9 «Әлия» балабақшасы

№2 екінші кіші топ тәрбиешісі: Жумагалиева Бактыгуль  Дузелбаевна

Айы:  Қараша         аптасы: ІІІ         күні: 17.11.2016

Тақырыбы:  «Көңілді көжек»

Білім беру салалары: «Таным»

Ұйымдастырылған оқу қызметі:  «ҚМҰҚ»

Мақсаты: Заттар мен материалдардың пішінін және көлемі туралы түсінік беру. Көжектердің дене мүшелері арқылы  түсіндіру.

 1.Білімділігі: Балалардың санау ұғымдарын «көп, аз» туралы білімдерін жетілдіру. 2.Дамытушылығы:  Баланың танымдылық  қабілеттілігін  дамыту .

3.Тәрбиелігі: Эмоционалды  қарым-қатынас арқылы сыйластыққа тәрбиелеу.

Әдіс – тәсілдері: Түсіндіру, көрсету, әңгімелесу, сұрақ-жауаптар.

Көрнекіліктері мен  құралдар: Көжек, ойыншықтар, көжектің суреті,  түрлі түсті кубиктер, сәбіз.

Әрекет кезеңдері	Тәрбиеші іс-әрекеті	Баланың іс-әрекеті
Баланы тапсырманы орындауға қызықтыру (талпындыру)	Балалар залға әуенмен кіреді, қонақтармен амандасады. Осы сәтте көңілі жабырқаулы,орманда жүріп, анасынан адасып қалған  көжек келеді. Тәрбиеші балалардың көңілін бұрып, не келгенін  сұрайды және неге көңілсіз екенін сұрайды.  Балалар   біз көжектің көңілін көтерейікші  көжекпен бірге ойын ойнайық.	Балалар шеңбер болып тұрып, қонақтармен амандасады.
Балаларды ізденушілікке Ұйымдастыру	Д/о. «Көжектің дене мүшелерін атайық және салыстырайық» - Көжектер қанша ? Қане, балалар көжекті санайық, қай көжек үлкен, қайсысы кіші? - Көзі қандай?  Нешеу? -Құлақтары қандай? Нешеу? -Аяқтары қандай? Нешеу? -Құйрығы қандай? Нешеу? -Нені жақсы көреді? Д/о. «Көжекпен бірге ойнаймыз»   Музыка ойнатылып, балалар көжек болып, көжекпен бірге секіріп жүреді. Музыка тоқтаған сәтте балалар отырып қалады. Д /о «Түсіне қарай топтастыр». Балаларға түрлі түсті текшелер таратылады. -Біздің алаңқайда төрт қорап бар  қызыл, жасыл, көк және сары түсті. Қораптарға түстеріне сәйкес текшелерді салады. -Қай қорапта текшелер дұрыс салынды? -Қане, санайық. Сергіту сәті:  Бір, екі, үш, жинаймыз біз күш. Иілеміз оңға бір, иілеміз солға бір, Бір отырып, бір тұрып, жинаймыз біз күш. Д/о «Ғажайып дорба». Балалар, көжек  сендермен ойнағысы келеді. Балаларға көжек ғажайып дорбаны ұсынады. Балалар ғажайып дорбаның іщіне қолдарын салып, пішіндерді алып, түсін, пішінін айтады. Көжектің анасы келіп, көжек балалармен қоштасады.	Балалар тәрбиешінің сұрақтарына жауап береді.  Көжектердің дене мүшелерін салыстырады, санайды. Көжектің қимыл қозғалыстарын көрсетеді. Балалар әр түсті өзінің қорабына  салады. Балалар санау арқылы жауаптарын айтады. Сұрақтарға жауап береді Балалар қимыл арқылы сергіту сәтін орындайды. Ғажайып дорбадан  пішіндермен түстерді анықтайды. Балалар көжекпен қоштасады.
Рефлексия (орындаған тапсырмалар негізінде қорытынды шығарып,кемшіліктерді жою)	Қорытынды . Тәрбиеші балаларға сұрақтар қойып тақырыпты қорытады. Бізге  қонаққа не келді? Балалар, біз не істедік? Балаларды мадақтап, ұйымдастырылған оқу кызметін аяқтайды.	Балалар сұрақтарға жауап береді.

Күтілетін нәтиже:

Нені білу  керек: «көп», «аз» ұғымдарын түсініп, заттарды санына қарай салыстыруды;

Қандай түсініктерді игереді; тапсырманы орындау барысында меңгерген ұғымдарды дұрыс пайдалануды;

Меңгерген дағдылары мен іскерліктерді қолдана алады: қарапайым математикалық ұғымдарды (санау мен салыстыру; «қанша?», «қанша болса сонша») түсінуді ; Полилингвальды компонент: қызыл-красный;  жасыл-зеленый;  сары-желтый;   көк-синий.

Картаны толтырған тәрбиеші: Жумагалиева Бактыгуль  Дузелбаевна