Білім беру саласы: «Шығармашылық» Ұйымдастырылған оқу іс-әрекет түрі:«Сурет салу» Тақырыбы: «Саңырауқұлақтар» Мақсаты: Саңырауқұлақтар туралы түсініктерін қалыптастыру, сопақша жән жартылай дөңгелек пішіндерден тұратын бейненің суретін салуға дағ

Білім беру саласы: «Шығармашылық»

Ұйымдастырылған оқу іс-әрекет түрі:«Сурет салу»

Тақырыбы: «Саңырауқұлақтар»

Мақсаты: Саңырауқұлақтар туралы түсініктерін қалыптастыру, сопақша жән      жартылай   дөңгелек  пішіндерден  тұратын бейненің суретін салуға дағдыландыру. Эстетикалық талғамын дамыту. Табиғатқа деген сүйіспеншілік сезімін тәрбиелеу.

Қолданылатын көрнекі құралдар: демонстрациялық материалдар.

Қажетті құрал –жабдықтар:қылқалам, бояулар, сүрткіштер.

Сөздік жұмыс: саңырауқұлақтар.

Іс-әрекет кезеңдері	Тәрбиешінің іс-әрекеті	Балалардың іс-әрекеті
Мотивациялық-қозғаушылық Ұйымдастырушылық-ізденістік Рефлексиялық түзетушілік	Балаларды жылулық шеңберін жасау үшін ортаға шақыру. Жылулық шеңберінде тұрып, барлығы бірге өлең жолдарын айтады:            Арайлап таң атты,            Алтын сәуле таратты.            Жарқырайды қаламыз,             Құлпырады даламыз. Балаларға жұмбақ жасыру.       Тіреумен тіреп ақырын,       Көтеріп тұр шатырын.            Ол не? Саңырауқұлақтар жайлы иллюстрациялық суреттерді көрсетіп, ормандағы саңырауқұлақтардың түрлерімен таныстыру. Сөздік жұмыс жүргізу. Суреттерді көріп болғаннан кейін сергіту сәтін жасату.      Биік болып өсеміз,     Жапырақтай жайқалып.     Табиғатты сүйеміз.     Денемізді тік ұстап,     Билеп-билеп аламыз. Балаларға саңырауқұлақтың суретін салу тәсілін көрсетіп, қалай салу керектігін түсіндіру. Қылқаламмен бояу тәсілін қайталату. Балаларға сурет салу, бояу жұмысын орындайтын үлестірмелі материал таратып беру. Балалар алдымен үзік сызықтарды қарындашпен бастырып салады. Содан соң суретті қылқаламмен  біркелкі етіп бояйды. Балаларға сурет салғанда бояуды сыртына шығармай, біркелкі бояу керектігін естеріне салу. Сурет салып болғаннан кейін барлығы  бірге тыныс алу жаттығуларын жасайды. Балалардан ненің суретін салғандарын, қандай түспен бояғандарын сұрау. Барлықтарын әдемі сурет салғандары  үшін мадақтау.	Балалардың көңіл күйлері көтеріңкі. Тәрбиешімен бірге өлең жолдарын айтады. Жұмбақтың шешуін табады. Саңырауқұлақ туралы суреттерді тамашалап,өз ойларын айтады. «Саңырауқұлақ» сөзін жаңғырық, сыбырлау әдістері арқылы айтады. Өлең жолдарына сәйкес қимылдарды жасайды. Балалар сурет бойынша сұрақтарға жауап береді.Суретті бастыру, бояу тәсілімен танысады. Ауаға салып, қолдарын жаттықтырады. Таза, ұқыпты жұмыс жасау ережелерін орындайды. Тыныс алу жаттығуларын жасайды. Балалар өздері салған суреттерін бағалап көреді. Жұмыс орындарын жинайды

Күтілетін нәтиже:

Біледі: саңырауқұлақтардың қайда өсетінін.

Игереді:  саңырауқұлақтардың жеуге болатын және болмайтын түрлері бар  екендігін.

Меңгереді:    жартылай  дөңгелек және сопақша пішіндер арқылы саңырауқұлақ салуды және бояуды.