Білім беру саласы: «Шығармашылық» Ұйымдастырылған оқу-іс әрекеті: Мүсіндеу. Тақырыбы: «Әжем үшін дәмді сый».

«Құлыншақ» тобы  

Білім беру саласы: «Шығармашылық»

Ұйымдастырылған оқу-іс әрекеті: Мүсіндеу.

Тақырыбы: «Әжем үшін дәмді сый».

Мақсаты: Туыстық қарым – қатынас туралы түсінік беру, алақан арасына салып домалақтау, жаншу, жалпақтау, есу тәсілдерін жалғастыру, мүсіндеуде саусақ қимыл – қозғалыстарының ептілігін қалпытастыру, үлкенге деген сый, құрмет көрсетуге тәрбиелеу.

 Қолданылатын көрнекі құралдар:ермексаз жиынтығы, мата сулық, пластик тақтайша, пластмасса тәрелке, күкірті алынған сіріңке талдары, тәрбиеші дайындаған үлгі, дөңгелекше пішінді, түрлі өрнегі бар нағыз печенье.

 Қостілділік: сый-подарок.

Оқу іс-әрекетінің кезеңдері	Тәрбиешінің іс-әрекеті	Балалардың іс-әрекеті
Мотивациялық қозғаушы	Тәрбиеші балаларға Қызыл телпектің қонаққа келетіні туралы айтады. Балаларға қызыл телпек қонаққа келеді. Олармен амандасады.	Балалар Қызыл Телпекпен амандасады
Ұйымдастырушылық – ізденістік.	. Тәрбиеші: - Қош келдің, Қызыл телпек. Қызыл телпек: - Мен ормандағы әжеме бара жатырмын, сендердің көмектерің керек еді.Менің әжеме арнап дәмді сый әзірлеп бересіңдер ме? Тәрбиеші: - Кәне балалар Қызыл Телпекке көмектесеміз бе? Балалар: - Иә. Тәрбиеші: - Дәмді сыйды әзірлемес бұрын мына суреттерге қарап, оларды атап өтейікші: - Кәне мынау не?Ал мынау ше? Тәрбиеші тәттілер салынған тәрелкені көрсетеді: - Қараңдар, мынау сары түсті печенье.Ол шеңбер пішіндес. Әр печеньенің өз суреті бар. Мына печеньеде  жолақшалар ,ал мынада – тесіктер т.б. бар. - Ал мынау ойық тоқаштар. Олар дөңгелек пішіндес. Ойық тоқаштық ішінде тесік бар, оны саусаққа кигізуге болады. Ал бүгін біздер әжеге тәтті печенье әзірлеп береміз. Тәрбиеші балаларға жұмысты орындау тәсілін көрсетеді. 1. Ермексазды жұмсартамыз («қамыр илейміз») 2.Жұмыр пішін – шар жасаймыз (алақандарды айналдыра қимылдату арқылы) 3.Шарды алақандарымыздың арасына салып жаныштаймыз, сөйтіп печенье шығарамыз. 4.Енді сіріңкенің көмегімен тесіктер жасаймыз .Әдемі печенье шығады. Тесіктерді кішкентай етіп, ұқыптылықпен мұқият жасаймыз. Тәрбиеші қимылдарды қайталауды өтінеді. Шарды жұмырлап жасау,шарды жаныштау. Тәрбиеші:- Печенье жасап шығу үшін ермексаздың қандай түсі керек?	Печенье, тоқаштар, кекс, тәтті нан т.б. Балалар тәрбиешінің артынан қимылдарды қайталайды. -Сары түсін алдық.
Рефлексиялық-түзетушілік	Тәрбиеші барлық жұмыстарға оң баға беріп,қарап көріп,балалардың печеньені қалай әдемі безендіргеніне назар аударады. Печенье пластмасса тәрелкелерге салынады.Балалардың жұмыстарынан көрме жасалады.

Күтілетін нәтижелер:

Біледі:  Суреттердегі дәмділерді атай біледі;

Игереді: Жұмысты орындау тәсілін игереді;

Меңгереді: Ермексазбен жұмыс жасауды меңгереді;

Технологиялық картаны толтырған тәрбиеші:          Акболатова Гүлбаршын