Білім
негізі - бастауышта
Ғылымы
мен ілімі оқ бойы озық елдер ғана заман көшінің алғы шебінен орын алатыны
ақиқат. Білімді болмайынша кез келген адам «дүниенің кірпіші болып қалана
алмайды». Себебі, білім адам баласының ой өрісін кеңейтіп, қиялына қанат
береді. Біздің Қараоба орта мектебінде «Бастауыш сыныптар» арасында осындай
білім апталығы болып өтті. «Білім негізі бастауышта қаланады дегендей», бастауыш
сынып арасында бір апта бойы білім сайыстары өтті. Бұл апталықта
ұйымдастырылған шараларға оқушылар бар ынта – ықыластарымен белсене қатысты.
Апталықтың жоспары алдын ала құрылып, сол жоспар бойынша апта бойы сайыстар,
жарыстар, сыныптан тыс ертеңгіліктер өткізілді. Апталық салтанатты сапқа
тұрудан басталды, онда оқушылар пән апталығының жоспарымен таныстырылды.
Искакова Н.Н. 1-сынып оқушыларымен «Зерде»
интеллектуалды сайысын өткізді. Сайыста «Қыран» және «Тұлпар» топтары өзара
жарысқа түсті. Сайыс «Бәйге», «Білгенге маржан», «Құрастырма сурет»,
«Математик» сияқты бөлімдерден тұрды. Оқушылар сайыс барысында түрлі сұрақтарға
жауап іздеп, жұмбақтардың шешуін тауып, логикалық тапсырмаларды асқан
қызығушылықпен орындады. 2-сыныпта Аширбекова Б.К. «Бақытты сәт» атты ойын-сабақ
өткізді. 2 «б» сыныбының жетекшісі Камзина Б.С. «Конкурс ребусов» атты қызықты
жарыс өткізді. 3- сыныпта Ахмерова Г.Р. «Алғырлар мен Тапқырлар» атты сайыс
өткізді. 4-сынып жетекшісі Мукашева Р.К. «Білімді мыңды жығар» атты сайыс сабақ
өткізді. 1-2 сыныптар арасында Искакова Н.Н «Кім тапқыр» атты сайыс өткізді. 1-4
сыныптар арасында музыка пәнінің мұғалімі Аскарова К.А «Әнші балапан» ән
байқауын өткізді. Бұл өткізілген сабақтардың басты ерекшеліктері бір-біріне
ұқсамайтын, әртүрлі тақырыптарда қамтылды. Әр сабақтан тыс уақыттарда
жүргізіліп отырды. Апта бойы оқушылар сыныптан тыс сайыстарға белсене қатыса
отырып, көптеген мәліметтер алып, сыныпқа жекелеген тақырыптарда тапсырмалар
берілді. Бұл жұмысты да оқушылар қызығушылықпен орындады. Апта соңында пән
апталығының жабылуында барлық сайыс пен шаралардың қорытындысы жасалды.
Қорытында «Ертегілер елінде» атты сурет көрмесі мен ертегілер
көрінісінің қорытындысымен аяқталды. Оқушылар арсында жеңінпаздар мен
жүлдегелер сыйлықтар мен мадақтамалармен марапатталды.
Оставьте свой комментарий
Авторизуйтесь, чтобы задавать вопросы.