"Біріңғай "Жас Ұлан" балалар мен жасөспірімдер ұйымына қабылдау

Оқушыларды  «Жас Ұлан» және «Жас Қыран»

ұйымына қабылдау

1 жүргізуші: Армысыздар құрметті қонақтар, ұстаздар және оқушылар!  Балалар ұйымының мерекесіне  арналған жас азаматтарды еліміздің нағыз патриоттары, еңбекқор, білімге құштар, өршіл, қайсар етіп тәрбиелеуді, дәстүрімізді, ұлттық және жалпы адамзаттық құндылықтарымызды қастерлейтін рухани дүниесі кең тұлғаны қалыптастыруды көздейтін «Жас Ұлан» және «Жас Қыран»балалар ұйымының қатарына мектеп оқушыларын қабылдау рәсіміне арналған салтанатты жиынымызды ашық деп жариялаймыз!  

1 жүргізуші: Түсініп терең, өмірдің мәнін
Жалынды жастар, сендерсің сәнім.
Беретін бойға күш-қуат, жігер
Шырқалсын шаттық гимн әнім!

/ҚР гимні орындалады/

1 жүргізуші: Қазақстан Республикасының туы  енгізілуге дайындалсын.

Ту енгізілсін!

1жүргізуші: Жасұлан ұйымының мүшесі - Отанының тәуелсіздігі мен бостандығы үшін күресуші
Жасұлан ұйымының мүшесі - батырларымыздың атын құрметтеп, оның мәңгі қорғаушысы болуға дайындалады. Жасұлан ұйымының мүшесі - оқуда, еңбекте және спортта өжет те қайсар. Жасұлан ұйымының мүшесі - шыншыл, адал жолдас, әрқашан да шыншылдық үшін күресуге дайын болуы керек.
1 жүргізуші: Жас Ұлан» ұйымының негізгі мақсаты – оқушылардың қоғамдық, әлеуметтік, танымдық және шығармашылық қабілеттерін дамыту. Ал міндеттері - әлеуметтік тәжірибені байыту және дамыту, мектептегі тәрбиелік әлеуетін жүзеге асыру болып табылады.
Білімді –көкіректе нұр деп түсін
Жігерлі, жалынды отты жыр деп түсін.
Аталған мақсат, талап, ережені,
Орындауға бәріңде міндеттісің!
1 жүргізуші: Топ басшылары бүгінгі бірыңғай «Жас Ұлан» балалар ұйымына қабылдау салтанатты жиынына дайындықтары туралы мәлімдеме  тапсыруға дайындалсын.  
«Жас ұлан» бірлестігінің ұланбасы өз рапорттарын тапсырсын!
Рапорт мәтіні:
Енсегенова Камшат 7 сыныптың « Ұлан» тобы бүгінгі республикалық бірыңғай  « Жас Ұлан» балалар мен жасөспірімдер ұйымына қабылдау салтанатты жиынына дайын.

1 жүргізуші: Қабылдауға жас ұландар және жас қырандар дайын.
Егеменді еліміздің тірегі
Мектептің болашағы жігері
Достықпен татулық тілегі
«Жас Ұлан» ұйымының біз түлегі.
1 жүргізуші: Құрметті ұстаздар мен оқушылар, сіздерді «Жас Ұлан» ұйымына қабылданған оқушыларға туымыз түстес көгілдір галстук және «Жас Қыран» ұйымына сары түсті галстукті табыстау рәсіміне кезек береміз.
1 жүргізуші: Бүгінгі жиынның ең жауапты сәті, ант тапсыру рәсімі.

Анттың мәтіні:
Мен  ____________________, «Жас Ұлан» балалар ұйымының қатарына кіре отырып:
Өз Отаным – Қазақстан Республикасының патриоты болуға;
Мемлекеттік рәміздерді құрметтеуге, дәріптеуге;
Туған елім, жерім, Отанымды мақтаныш етуге;
Ата-анамды қадірлеуге;
Үлкенге құрмет, кішіге ізет көрсетуге;
Білімге табандылықпен ұмтылуға;
Салауатты өмір салтын ұстануға;
Табиғатты аялауға;
«Жас Ұлан» Ережесін бұлжытпай сақтауға және оны өз достарымнан талап етуге ант етемін.
Біздің жерлестеріміздің даңқты ерлігі өнегесі негізінде ерлікке үйренуге және Отанға шексіз қызмет етуге салтанатты түрде
АНТ ЕТЕМІН, АНТ ЕТЕМІН, АНТ ЕТЕМІН!

1 жүргізуші:

Құттықтау сөз мектеп директоры Болеубаева Салима Әнебайқызына және тәрбие ісі орынбасары Сұлтанов Мейрамбекке  береміз.
1 жүргізуші:

 Құрметті, оқушылар «Жас Ұлан» және «Жас Қыран» ұйымына қабылдануларыңызбен шын жүректен құттықтаймыз! Егеменді еліміздің еңселі азаматтары болуларыңызға тілектеспіз. ҚР туы шығарылсын.
1жүргізуші:
Ризамын деп осындай жастық шаққа,
Не жетер «Жас Ұлан» деген лайық атқа.
Келеміз егеменді ел төріне өрлеп,
Ашылып алдымыздан алтын қақпа.
1 жүргізуші:

 «Жас Ұлан» және «Жас қыран» балалар ұйымы қатарына салтанатты қабылдау рәсімі өз мәресіне жетті, салтанатты жиынымызды жабық деп жариялаймыз.

Начало формы

                                 «Тұрыш мектеп – балабақша кешені» КММ

  Салтанатты жиын

                                                                                     Өткізген:  Д. Табылғанова.

                                                                          2015 жыл