Біріккен сөздер ашық сабақ

Астана қаласы

№58 мектеп-гимназия

Тақырыбы: Біріккен сөздер

Өткізген: Ильясова Айдана Айдынкызы

Сыныбы: 4 «Ғ»

2016-2017 оқу жылы

Тексерілді:________________ Оқу ісінің меңгерушісі: Алиханова Ж.И.

Тақырыбы:  Біріккен сөздер

Мақсаты:     Біріккен сөздер туралы түсінік беру

Міндеттері: 

1)Біріккен сөздер туралы ұғымымен таныстыра отырып, жаттығу жұмыстарын жүргізу.

2) Оқушылардың ойындар арқылы ойлау қабілетін дамыту, тапқырлық, ізденімпаздық қасиеттерін қалыптастыру.

3)  Топпен жұмыс жасай білуге тәрбиелеу отырып, адамгершілік ізгі қасиеттерді бойларына сіңіру, патриоттық тәрбие беру.

Сабақтың түрі: Кіріктірілген сабақ

Сабақтың әдісі: сұрақ-жауап, түсіндіру, ой толғаныс, ойын.

Пәнаралық байланыс: әдебиеттік оқу, дүниетану

Көрнекіліктер: оқулық, үнтаспа, карточка, фото суреттер, банкі.

Сабақтың барысы:     

І Ұйымдастыру кезеңі

1. Оқушылармен амандасу

2. Оқушыларды психологиялық тұрғыда дайындау

Мұғалім балаларға орындарынан тұруды ұсынады.

-әрбір адам,

-туысым,досым,жұрағат.

-әрбір сабақ,

-үйрену, ұғу, ұлағат.

-әрбір ойым,

-достық,бірлік,адалдық.

-әрбір ісім,

-шындық пенен адамдық!

ІІ Үй тапсырмасын сұрау

1)              Өткен сабақта танысқан күрделі сөздерге байланысты «артық сөзді тап?»  ойынын ойнату арқылы ауызша  үй тапсырмасын пысықтап алу 

1.     Торы ала, отыз сегіз, ақшыл сары, жарқ-жұрқ

2.     Ауыл-аймақ, әке-шеше, ата-баба, шекара

3.     ҚР, БҰҰ, АҚШ , жолсерік

4.     Жезқазған, Жаңаөзен, Ақбота, Анар

2)              Оқушыларды 4 топқа бөлу.

1-топ кісі аттары

2-топ аң-құс аттары

3-топ жер-су аттары

4-топ ойын аттары

ІІІ Жаңа сабақ

Ой толғаныс «Мен қандай сыр жасырдым?»

(Біріккен сөзден жасалған сынып оқушыларының фото суреттері таптаға ілінеді)

Проблемалық сұрақ:

-Неліктен осы оқушылардың фотоларын тақтаға ілім?  (оқушылардың жауабы тыңдалады)

- Ел басымыздың есіміне де тоқтала кетсек, екі есімнен құралған. Ел басының есімін кім екенін білесіңдер ме? (Әжесі Мырзабала немересіне Нұрсұлтан деп есім берген екен)

- Ендеше, бұдан біз қандай қорытынды жасай аламыз? (ереже құрастыру)

Қорытынды: кейбір сөздер екі түбірден құралады, екі түбірден жасалған сөз біріккен сөз деп аталады. Біріккен сөзді құрайтын түбірлер бірігіп жазылады.

ІҮ Оқулықпен жұмыс

«Сиқырлы сөздер банкісі» ойынын ойнату 1-жаттығу

Банкі ішіндегі сөздерді таңдай отырып, жасалу жолын және мағынасын түсіндіру.

Ү Дәптермен жұмыс

1.     Көркем жазу

Ее

Екібастұз

Екібастұзда көмір өндіріледі

2.     Екібастұз сөзінің жасалуына назар аударту

3.     Екібастұз туралы оқушылармен ой бөлісу

2-жаттығу (тақтамен жұмыс)

Біріккен сөздердің екінші сыңарын табу.

Дем+алыс, кәсіп+қой, еңбек+қор, ден+саулық, ақ+сақал, қара+торғай, әлде+қашан.

3-жаттығу Біріккен сөздерді мағыналарына қарай топтап жазу

Кісі аттары:

Аң-құс атаулары:

Ойын атаулары:

Дене мүшелері:  

5-жаттығу

1.     Берілген суреттер бойынша сөйлем құрастырып жазу.

1-топ: тасбақа

2-топ: саңырауқұлақ

3-топ: түйеқұс

4-топ: балмұздақ

2.     «Сен білесің бе?» айдары

Тасбақа: Тасбақаның өзге тіршілік иелерінен ерекшелігі – ұзақ уақыт қоректенбей, су ішпей жүре алатындығында. Арқасындағы мықты сауыты тасбақаны температуралық толқулардан сақтайды. Қыстың қатты аязы мен боранында не жаздың аптапты ыстығында олар тіршілік етуді тоқтатады. Яғни мұндай сәттерде тасбақалар терең ұйқыға кетеді.Тағы да бір жәйт, ертеректе алып тасбақалар кездескен екені мәлім. Ондай алыптарының сауытын ежелгі Үнді жерінде соғыста қалқан ретінде пайдаланған да көрінеді.

Түйеқұс: Түйеқұс ең ірі құс түріне жатады. Бойы 2,5-3 метрге, салмағы 100-160 кг-ға дейін жетеді. Қанаттары қысқа болғандықтан ұша алмайды. Алайда, өте күшті аяқтарымен сағатына 70 шақырымға дейін жүгіре алады. Бұл оның өзіне төнген қауіптен қашып құтылуына әрі шөл ортасында азығын оп-оңай тауып жеуіне көмектеседі.

Балмұздақ:  Біздің заманымызға дейін 3000 жыл бұрын балмұздақты ойлап тапқан. Гиппократ ауруханадағы науқастарына ем ретінде және көңіл күйлерін көтеру үшін балмұздақты қолданған.

Саңырауқұлақ: Төменгі сатыдағы өсімдіктердің ішіндегі ең көп тараған түрі. Оның 100 000-дай түрі кездеседі. Жеуге жарамды және жарамсыз саңырауқұлақтар болып екіге бөлінеді.

4-жаттығу

                          Керқұла атты Кендебай.

       Ерте, ерте, ертеде, ешкі жүні келтеде, Қаратаудың ойында, Қарасудың бойында Қазанғап деген бір кедей болыпты. Қазанғап құс атып, балық аулап күн көреді екен. Әйелі ау тоқып, жыртық жамайды екен. Қазанғаптың Кендебай деген ұлы болыпты. Кендебай ай сайын емес, күн сайын өсіпті: алты күнде күліпті, алпыс күнде жүріпті. Алты жылда алып жігіт болыпты.

1-топ: Керқұла атты Кендебай ертегісін оқулықтан оқып, жалғастырып,  баяндап беру.

2-топ:  Ертегі үзіндісінен біріккен сөздерді тауып, көшіріп жазу. Дыбыстық өзгеріске ұшыраған біріккен сөзді табу.

3-топ:  Ертегі желісі бойынша сурет салу

4-топ:  Басқа да біріккен сөзден құралған  ертегі кейіпкерлерін топтастыру.

ҮІ Сабақты қорытындылау

Ойын «Жоғалған сөздерді тап»

мүйіз	Бақан
суық	Қазан
көл	Барыс
жол	Қу
алты	Торғай
ақ	Қарақшы
жеті	Тұмсық
бір	Сүйек
жар	Қанат
ата	Аяқ
сегіз	Мекен
ақ	Бақа

ҮІІ Кері байланыс  Балалар сабақтан алған әсерлерін стикерге жазып, тақтаға іледі.

- Бүгінгі сабақ ұнады ма?

- Несімен ұнады?

- Нені түсінбедің?

ҮІІІ Үйге тапсырма  100-бет, 6-жаттығу, ереже жаттау

ІХ Бағалау

«Мен қандай сыр жасырдым?» атты сынып оқушыларының фото суреттерімен жұмыс үстінде

Топтық жұмыс