Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Рабочие программы / "Біз бақытты баламыз" тəрбие сағаты

"Біз бақытты баламыз" тəрбие сағаты


  • Начальные классы

Поделитесь материалом с коллегами:

Тақырыбы: Біз бақытты баламыз

Мақсаты:

«Бақыт» , қуаныш, сүйіспеншілік құндылықтарының мағынасын түсіндіру;

Адами қасиеттерін дамыту;

Сүйіспеншілікке тәрбиелеу.

Көрнекіліктері: Слайд, шарлармен безендіру;

Сабақ барысы.

  1. Ұйымдастыру кезеңі.

1.Кіріспе бөлім.

Жүргізуші:

- Құрметті ұстаздар, оқушылар, ата-аналар! Біздің бүгінгі «Біз бақытты баламыз» атты тәрбие сағатымызға қош келдіңіздер!

Адам баласының ең бақытты да, өміріне із қалдырар тәтті кезеңі ол – балалық шағы. Ата-анасының жанында, ұйқысы қанық, қарны тоқ, шат-шадыман күлкімен уақытын өткізетін өмірдің қайталанбас сағынышқа толы кезеңі – бақытты балалық шақ.

- Қош келіпсіз, құрметті қонақтар,

Жүздеріңнен мейірім мен нұр тамар,

Алдарыңда жауқазындай құлпырған,

Балғын шақты біз бақытты балалар! – дей келе, « Біз бақытты баламыз» атты тәрбие сағатымызды ашық деп жариялаймыз!

Олай болса, балалар, қонақтармен амандасын алайық.

- Біз әдепті баламыз,

Біз ерекше боламыз.

Үлкендерді көргенде,

Сәлемдесіп аламыз.

2.Тыныштық сәті

Жүргізуші:

- Балалар, бүгін мен сиқыршымын. Қазір біз ғажайып әлемге саяхатқа барамыз.
Мен сиқырлы таяқшаммен белгі берген кезде сапарымыз басталады.

- Қане, олай болса көзімізді жұмайық! 1,2,3

( баяу музыка)

Сендер ғажайып «Бақыт» әлеміне келдіңдер. Жан-жақтарыңа қараңдаршы, қандай керемет! Айнала жұпар иісі аңқыған әсем гүлдерге толы. Сендердің көңіл-күйлерің өте жақсы, жүздерің күліп, тамаша сезімге бөленіп жатырсыңдар. Алдарыңнан Бақыт періштесі шығып:

  • Менің әлеміме қош келдіңдер, балақайлар! Сендер өте ерекше балаларсыңдар. Қане, алақандарыңды жайыңдар, мен сендерге бақыт сәулесін сыйлаймын.
    Бұл сәулені мәңгілік жүректеріңе сақтаңдар. Өйткені ол сендерге қуаныш пен бақыт әкеледі.
    Бақытты болыңдар!- дейді.

  • Бақыт періштесі сыйлаған сәулені жүректерімізге сақтап, өз сыныбымызға оралайық!

  • Енді көзімізді ашайық.

  1. Негізгі бөлім.

3.Әңгімелесу.

Жүргізуші
-
«Бақыт»әлеміне саяхат кезінде не сезіндіңдер?
- «
Бақыт» әлемі сендерге несімен ұнады?
(Балалардың ой- пікірлері тыңдалады).

Жүргізуші:

Біздің кішкентай бүлдіршіндеріміздің тәп-тәтті, сүйкімді сыңғырлаған дауыстарымен айтылатын тақпақтарын тыңдайық.

Асел:

Достармен бірге жүреміз,

Бірге ойнаймыз, күлеміз

Бірге балық аулаймыз,

Міне, біздер қандаймыз?!

Аян:

Аспан тұрса күлімдеп,

Айын биік орнатып.

Ақса бұлақ гүрілдеп,

Балаларға сол бақыт.

Ақмерей:

Балаларға сол бақыт,

Болса Отаным аман-сау.

Басын бұлтқа байлатып,

Тұрса биік Алатау.

Эльвира:

Күлім қағып көкте күн,

Тал шыбықтай көктедім.

Әлдилейді апамдай,

Мейірімді мектебім.

Гүлжайна:

Өсіп оймен санамыз,

Өмірге жол саламыз.

Білім қуған баламыз,

Біз оқушы боламыз.

Малика:

Балалық шақ – балғын шақ,

Өмірдің өзі болашақ.

Балалық шақ шектеулі,

Ойнайтын кезде асыр сап.

Мейрамбек:

Балалықтың шаттығы,

Ештеңеге жетпейді.

Үлкен болып өскенше,

Ол жаныңнан кетпейді.

Сағира:

Қайта оралып келмейтін

Балалық шақтың қызығы

Мектеп те қайта келмейді

Қоңыраудың сыңғыры,

Мирас:

Суға түсіп жазда арық жағалап,

Үлкендерді ойнашы деп мазалап.

Сөз түсінбей еркеленіп бәріне

Тау мен тасты әр күн сайын аралап.

Нұрсалим:

Балалық шақ ұмытылмас қызықты,

Ол қызықты кімдер бұзып сызыпты.

Естеліктер еске салып күлдірер,

Дәл сол шақтар қуанышты, қызықты.

Айдос:

Бейбіт елдің ұланы

Оттай лаулап жанамыз,

Бұл бақыттың ұланы,

Біз бақытты баламыз.

Іңкар:

Айтқан тілді аламыз

Үлкендерді сыйлаймыз

Тентек бала болмаймыз

Таңда ерте тұрамыз

Аружан:

Беті қолды жуамыз

Кір қоңдарды қуамыз

Біз ұқыпты баламыз

Кесте тоқып, сурет салып

Біз шебер де боламыз.

Шапағат:

Тақпақ жаттап,ән айтып,

Біз өнерпаз боламыз

Біз осындай боламыз

Біз бақытты баламыз.

Батырбек:

Сәби күндер, бала күндер баяғы,

Қайдан енді бізге құшақ жаяды.

Үйге кірмей, ойынға да тоймастан,

Жепте кейде алар едік таяқты.

4. Ән. « Топ топ балақан»

5. Мұгалім түсіндірмесі:

Сонымен, бақыт дегеніміз біздің балалық шағымыз, өмір сүріп жатқан ортамыз, отбасымыз. Балалық шақта асыр салып ойнаймыз,мектепке барамыз. Мектепте ең қызықты күндеріміз өтеді.

6.Сахналық көрініс.

Жүргізуші:

0 «Ғ» тобының Оңалбай Ақжарқын мен Дәулетбай Ертайдың өнерін тамашалайық.

Сейфолла Оспановтың «Бақыт деген не өзі?»

Қызы:Айтшы білсең егер де,
Әке бақыт деген не?
Әкесі:Бақыт деген , шырағым
Мынау әсем тұрағың.
Ну ормандар, гүл бағы,
Күннің күліп тұрғаны
БАҚЫТ- дәні далаңның.
«Ботам» деуі әжеңнің,
Тыныштығы әлемнің.
Қызы: Қайда бақыт мекені,
Қалай оған жетеді?
Әкесі: Адал еңбек етесің
Сонда ғана жетесің.

Қызы: Көрінбейтін көзіңе,

Сонда оның өзі не?

Әкесі:Бақыт деген, сөзім шын

Айналайын, өзіңсің!

7. Хор. «Қошақаным».

8. Би. 0 «Ғ» тобының бишілері флешмоб биімен.

9.Ой қозғау.

Жүргізуші:

Балалар, қалай ойлайсыңдар, « Бақытты бала » деп кімді айта аламыз?

Күтілетін нәтиже:
-Өз отбасы бар
-Достары көп
-Денсаулығы мықты
-Арманы орындалған баланы

Жүргізуші:
-Иә, ойларың дұрыс, балалар.

- Балалар, денсаулық демекші, біздің бақытты болуымыздың ең бастысы – спорт.

0 «А» тобының бүлдіршіні Мусалин Дидардың би өнерін тамашалайық.

10. Би. «Каратэ»

Жүргізуші:

11.Бақыт деген не? тақырыбын тағы да

бүлдіршіндер өз тақпақтарын айтып толықтырмақшы. Ал,ендеше құлақ салып тыңдайық.(тақпақ айту)

Мадина:

Ең бірінші бақытым халқым менің,

Соған берер ойымның алтын кенін.

Ол бар болса, мен бармын қор болмаймын,

Қымбаттырақ алтыннан нақым менің.

Айбар:

Ал екінші бақытым тілім менің,

Тас жүректі тіліммен тілімдедім.

Кей-кейде дүниеден түңілсемде,

Қасиетті тілімнен түңілмедім.

Сайда:

Бақытым бар үшінші Отан деген,

Құдай деген кім десе Отан дер ем.

Оты сөнген жалғанда жан барсың ба?

Ойланбай-ақ кел дағы от ал менен.

Балауса:

Жылай қалсақ жұбанамыз,

Ақыл тыңдап, тіл аламыз,

Біз тәртіпті баламыз!

Таңда ерте тұра аламыз,

Беті қолды жуа аламыз,

Біз ұқыпты баламыз.

Нұралы:

Туған жерде толамыз,

Ертең жігіт боламыз.

Отан – ортақ үйіміз ,

Көңілді ән мен күйіміз.

Наз:

Үлкендерді сыйлаймыз біз,

Үй тазалап жинаймыз біз,

Біз қолқанат баламыз!

Домбыра да тарта аламыз,\

Өлеңді де айта аламыз

Біз өнерпаз баламыз!

Мирас:

Мен бақытты баламын,

Таудай болып талабым.

Білімді оқушы боламын деп ,

Мектебіме барамын.

Самал:

Музыка деген сабақта,

Ән айтып би билеймін.

Өтірікті, жалқаулықты,

Салақтықты сүймеймін.

Марта:

Бақыт деген – сенің бала күндерің

Бақытсыз-ақ бақытты боп жүргенің,

Бақытын да, басқасын да білмеуің

Бақытсыз-ақ ойнағаның күлгенің.

Бақыт жайлы менің мынау білгенім.

Диас:

Біз әдепті баламыз,

Жайнай берсін даламыз.

Табиғатқа қамқор боп,

Сүйіспеншілікпен қараймыз.

Ұлдаулет:

Туыспыз біз бәріміз,

Бір Отанды сүйеміз.

Бақытты елде тұрған соң,

Бақытты өмір сүреміз.

Динара:

Қуат алған өзіңнен,

Туған елдің қызымын.

Бақытты етіп өсірген,

Отанымның гүлімін.

Нұртас:

Бір құдірет бізді өмірге жолдайды,

Біз өмірді түсінбейміз сол қайғы

Туа сала таудай бақыт іздейміз,

Ал шынында бақыт ондай болмайды.

Муслим:

Сабағымды жақсы оқып,

Күнде бестік аламын.

Сурет салу сабағында,

Әдемі сурет саламын.

Ақылбек:

Бақытты боп жүргенім,

Сенің арқаң, Ұлы Отан.

Елім менің – тірегім,

Құшағында гүл атам.

Жүргізуші:

Өте жақсы, балалар, өмірде қуанышты сәттерің көп болсын!

12. Би. 0 «А» тобының бишілері «Вальс» биімен.

13.Қорытынды:

- Сонымен бақыт дегеніміз - ой арманның орындалуы, қуанышты сәттердің көп болуы, біздің әсем тұрағымыз, деніміздің саулығы, бейбіт өміріміз, жанұяның татулығы, береке, бірлігі. Ең бастысы балалық шағымыз екен.
- Құрметті ұстаздар, ата-
аналар, оқушылар осымен бүгінгі Біз бақытты баламыз атты тәрбие сағатымыз өз мәресіне де келіп жетті. Қош сау болыңыздар!

14. Хор. «Біз өмірдің гүліміз».


Автор
Дата добавления 01.11.2015
Раздел Начальные классы
Подраздел Рабочие программы
Просмотров3626
Номер материала ДВ-114278
Получить свидетельство о публикации

Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх