"Біз - болашақ сарбазбыз!" әскери-патриоттық сайыс

Сейітдәулет Елмұрат – «Берел орта мектебі» коммуналдық мемлекеттік мекемесінің АӘД пәнінің оқытушы-ұйымдастырушы, Шығыс Қазақстан облысы, Катон-қарағай ауданы, Берел ауылы

«Біз - болашақ сарбазбыз» әскери-патриоттық сайысы.

16-желтоқсан Тәуелсіздік күніне орай өтетін «Біз - болашақ сарбазбыз» атты әскери-патриоттық сайысының өткізілу жоспары.

Мақсаты:

Оқушы бойында патриоттық сезім қалыптастыру, отаншылыққа, елжандылыққа баулу, төтенше жағдайлар кезінде өзін-өзі қорғай білу, әрдайым қауіпсіздік ережесін сақтауға тәрбиелеу.

Жарыс бағдарламасы:

1. Таныстыру (команданың аты, ұраны, рапорт тапсыру, бірдей киім үлгісі).

2. Викториналық сұрақтар (алғашқы дәрігерлік көмек бойынша, ҚР рәміздері, ҚР бойынша географиялық сұрақтар)

3. Спорттық сайыстар (эстафеталық жарыстар, газтұмылдырық киюден, нысанаға атудан, арқан тартыс және т.б. сайыстар)

4. Жарыстың өтілу барысы

5. Жарыс алдында 8-11-сынып оқушылары бір түзу сызық бойына тұрғызылады. Взвод командирлерінің рапортын қабылдау.

Жарыстың барысы:

1-жүргізуші: Қазақстан өзінің ең басты мейрамы-Тәуелсіздік күнін атап өтеді. 1991 жылы 16 желтоқсанда әлемнің саяси картасында жаңа мемлекет-Қазақстан Республикасы пайда болды. Иә бұл мереке- ұлық мереке, шын мәніндегі ұлы мереке. Ежелден қазақтың ең асыл мұраты еңселі ел болу еді. Елім деп еңіреген ақындарымыз «Егемен болмай ел болмас, етектен кесіп жең болмас» деп жырлайтын еді. Бүгін өз келешегіне бет алған Тәуелсіз Қазақстан - бұл біздің ортақ мақтанышымыз.

2- жүргізуші: Ата-бабамыздың сенімі мен үмітін ақтайтын сендерсіңдер, балалар! Олай болса, осы егемен еліміздің болашағы, қорғаны болатын ұл-қыздарымыздың қатысуымен өтетін «Біз - болашақ сарбазбыз» атты спорттық сайысымызға қош келдіңіздер. Бұл сайысқа 8-11- сыныптар қатысыды.

1-жүргізуші: Өнер, білім, өнеге тұнған дарын,
Өнерліге өз басым таң қаламын.
Өнерді әділдікпен бағалайтын,
Таныстырайын әділ-қазы алқаларын.

1)

2)

3)

2-жүргізуші:

Жарысқа қатысатындарды шақырамыз,

Әр таңды бақытпенен атырамыз,

Сайысқа қатысуға енді ортаға

Спортсмен оқушыларды шақырамыз.

1-жүргізуші:

1. Команданы тұрғызып, рапорт беру, команданың аты, ұраны киім үлгісіне көңіл бөлу.

2. «Ой толғаныс» викториналық сұрақтар. Бұл сайыста оқушыларға 20 ұяшық таңдауға беріледі. Әрбір дұрыс жауап 20 ұпайдан.

Қызыл ұяшықтарда – Қазақстан Республикасының Рәміздері туралы сұрақтар.

Көк ұяшықтарда «Ел ішінде» географиялық сұрақтар

Жасыл ұяшықтарда – «Құқық және заң» тақырыбындағы сұрақтар

Сары ұяшықтарда – Алғашқы медициналық көмек бойынша сұрақтар берілген.

1) Алғашқы дәрігерлік көмек бойынша

1. Сүйек сынған кездегі алғашқы дәрігерлік көмек қалай жасалады?

2. Күйік шалған кездегі алғашқы дәрігерлік көмек қалай жасалады?

3. Қан кету кезіндегі алғашқы дәрігерлік көмек қалай жасалады?

4. Суға батқандағы алғашқы дәрігерлік көмек?

5. «Құттықтаймыз» ұяшығы

2. Қазақстан Республикасының рәміздері.

1. Қазақстан Республикасының мемлекеттік гимннің авторлары? Жұмекен Нәжмединов, Нұрсұлтан Назарбаев

2. Қ.Р-ның мемлекеттік елтаңбасының авторы? Жандарбек Мәлібеков, Шот Аман Ыдырысұлы Уалихан

3. Қ.Р-ның мемлекеттік туының авторы? Шәкен Ниязбеков

4. 1. Қазақстан Республикасының Мемлекеттік рәміздері қабылданған жыл - 1992

2. Мемлекеттік рәміздер күні 4- маусым

5. Мемлекеттік Гимннің әнін жазған әйгілі композитор кім? Шәмшә қалдаяқов

2. «Ел ішінде» ҚР бойынша географиялық сұрақтар:

1. Қазақстан Республикасы неше мемлекетпен шектеседі? Оларды атаңдар (5-мемлекет: Ресей, Қырғызстан, Түркіменстан, Қырғызстан, Өзбекстан, Қытай)

2. Қазақстан Республикасының аумағы мен шекарасының ұзындығы қанша? (2724,9 мың км², 13394 км)

3. Қазақстанда неше облыс, неше қала бар? (14 облыс, 86 қала)

4. Қазақстан Республикасы БҰҰ-на мүше болған жыл? (1992 жылы 2-наурызда)

5. Қазақстанның абсалюттік биіктігі ең төмен және ең жоғары нүктелері (Хантәңірі 6995 м, Қарақия ойысы -132 м)

2. «Құқық және заң» тақырыбындағы сұрақтар:

1. Қазақстан Республикасының Президенті неше жылға сайланады?

а) 7 жыл; ә) 5 жыл; б) 4 жыл; в) 6 жыл.

2. Қазақстан Республикасы қандай мемлекет?

А) конституциялық монархия; ә) президенттік республика; б) абсалюттік монархия; в)конституциялық монархия.

3. Қазақстан Республикасының Үкіметі қандай орган? (атқарушы)

4. Парламенттың қызметі?

5. «Әттең-ай» ұяшығы

Спорттық сайыстар:

1. Эстафеталық сайыс.

2. «Арқан тартыс» команданың барлық мүшесі қатысады.

3. «Қол күреске» 1 қыз, 1 ұл бала қатысады.

4. «Газтұмылдырық кию» 2 ұл бала.

5. Себетке доп лақтыру. Допты жерге ұрып барып, допты себетке лақтырады. Доп түспейінше екінші ойыншы сайысты бастамайды.

6. Мөшекпен секіріп жарысу.

7. Нысана ату. Әр топқа 4 оқ беріледі. Алған ұпайлары қосылады.

Осымен сайысымыз аяқталды. Әділ-қазылар алқасы қорытындысын шығарғанша Дюсембаев Олжастың орындауында «Жерім менің» атты әнін қабыл алыңыздар.

Киесіндей жүретін кіл есінде

Кір түсірме ел деген ұл есімге.

Атамекен - бақыты бабалардың,

Жеңіп алған сан ғасыр күресінде.

Күндерімен, түнімен, гүлдерімен

Өзіңдікі ол сенің білесің бе?

Ел де сені сүйеді кезегінде,

Өмір бойы жүреді ол өзегінде,- деп Күләш Ахметова жырлағандай, мектебіміздің оқушылары, қазақ елінің болашақ жас ұландары ерлік істерді үлгі етіп, Отанымыздың іргесін қорғайтын патриоты боларына сеніміміз мол!

Қорытынды сөз мектебіміздің директоры Амангелді Мұсаұлына береміз.

Марапаттау рәсімі.