"ҰБТ-ге сеніммен барайық" тренингі

КММ «Майемер орта мектебі»

Тақырыбы: ҰБТ-ға сеніммен барайық

(Тренинг сабағы)

Мектеп психологы:                Садыкова Э.Х

2015-2016 оқу жылы

ҰБТ-ға сеніммен барайық

 Мақсаты: Оқушылардың өзін тану арқылы, өзіндік бағалауын қалыптастыру, стрессті жеңуге жол көрсету.

Міндеті:

ü Өзіндік сенімін болуға баулу.

ü Өзіндік бағалауын анықтау.

ü Стресті жеңуге жол көрсету

ü Оқушыларға ҰБТ-ні сенімді тапсыруға дайындау.

Сабақтың түрі:  психопрофилактикалық сабақ

Құралдар: ҰБТ-ға байланысты салынған плакат, шарлар, ақ қағаз, қалам, тест парақшасы.

Тренингтің барысы:

Психолог: Құрметті мектеп түлектері, сіздер Қазақстанның болашағысыздар, болшақ бүгіннен басталады! Сіздер кеше ғана бүлдірішін бала, қызыл шақа балапан болсаңдар, міне бүгін дүбірлі додаға қатысуға дайын, жарауы жеткен сайгүліктей ауыздықпен алысып тұрсыңдар. Алдарыңда үлкен болашақ, ұлы мақсат,  міндет күтіп тұр. Асар белестерің, шығар биіктерің көп болсын. Кім еңбектенсе, соның бағы жанады. Халқымыз айытпақшы «Талаптыға нұр жауар! » деген емес пе? Бақтарың жансын.

Психологиялық дайындық, ұйымдастыру

  «Қар қиыршықтары» жаттығуы   Әр қатысушығы ақ қағаз беріледі. Тапсырманы мына нұсқаулық бойынша орындайсыздар:

Бәріміз қолымызға ақ қағазды алып ортасынан бүктейміз. Оның оң жақ бұрышын жыртып аламыз. Тағы да бүктейміз, оң жақ бұрышын жыртып аламыз. Осылай мүмкіндігінше жалғастыра береміз. Енді өзіміздің әдемі қар қиыршығын ашып қараймыз.

Талдау : - Кімде бірдей, бір-бірінен аумайтын қар қиындысы шықты? Таптыңыздар ма? Жоқ. Себебі неде деп ойлайсыздар?

•        Не себептен бәрімізде бірдей ақ қағаз бен бірдей әрекет бола тұра әр түрлі қар қиыршықтары пайда болды?

•        Себебі, бәріміз бірдей әрекет жасағанмен, ол бізде әр түрлі шықты. Өйткені біз әртүрлі адамдармыз. Біздің ата-аналар мен мұғалімдер қоғамдағы орнымыз, қызметіміз, жан дүниеміз бәрі әр түрлі. Ал оқушыларға келсек, әр қайсысы бөлек тұлға, ойлауы, дүниетаным, көзқарасы – бәрі әр түрлі. Бірақ, бәріміздің бірге жиналуымызда себеп бар – ол ҰБТ, одан жақсы жетістікке жету. Қоғамдағы орнымыз бен рөліміз әр түрлі болса да, бәріміздің алдымызда тұрған мақсат бір.

Жетістік қаласына саяхат

Жетістік қаласындағы пікірталас

Топтық жоба «Мен үшін ҰБТ...»

Нұсқау: ҰБТ-ның қиындықтары мен жетістіктері, оның маңызы   жоба қорғалады.

Қорытынды: Ұлттық бірыңғай тесті – заман талабы бола тұра, ол оқушыларға оқуға түсуге мүмкіндік береді. Ендеше, сол мүмкіндікті жібермеу әркімнің өз қолында.

«Өзіңді -  өзің бағалау» тесті

Дембо – Рубинштейн әдістемесі бойынша өзіне сенімділігін бағалау.

Түсіндірме: Оқушыларға тест парақшасы беріліп, шкала бойынша толтыру ұсынылады. Дембо – Рубинштейн әдістемесі бойынша өзіне сенімділігін бағалау. Кезкелген Адам өз қабілеттілігін, мүмкіндігін, мінезін т.б. қасиеттерін өзінше бағалайды. Адам сапасының өсу деңгейі әр түрлі, ол адамзат қоғамында ең төменгі дәрежеден, ең жоғары нүктеге дейін бағаланады, сендер төмендегі берілген 7 қасиет бойынша өзіңіздің қасиеттеріңізді 100 балдық шкала бойынша бағалаңыз және әрбір шкалада қасиетіңіздің байқалу деңгейін белгілеңіз. Осыдан кейін әр шкала бойынша балдарды қосыңыз және 7 санына бөліп, орташа арифметикалық мәнін табыңыз.

1.   Денсаулық;

2.   Ақыл, қабілет;

3.   Мінез;

4.   Бақыттылық;

5.   Ұқыптылық;

6.   Ішкі дүниесі;

7.   Сенімділік.

	45 балдан төмен	45 балдан төмен	75 – 100
Өз - өзін бағалау     деңгейі	Өзін - өзі бағалау деңгейі төмен Сіз өзіңіздің мүмкіндіктеріңізді тым төмен бағаламайсыз. Сырт көзге көріне бермесе де, өзіңізге өзіңіз сенбейсіз. Сіздің мүмкіндіктеріңіз сіз ойлағаннан жоғары	Өзін - өзі бағалау тепе - тең Сіз өзіңізді жеткілікті реалистік тұрғыда бағалайсыз және өзіңіздің бағаңызды жақсы білесіз	Өзін - өзі бағалау аса жоғары Сіз өзіңізді және мүмкіндіктеріңізді асыра бағалауға бейімсіз. Бұл адамдармен қарым – қатынаста белгілі қиындық тудыруы мүмкін.

«Адам» суретіне мазасыздықтың қай жерлерде болатынын белгіле.  

(Жүрек, бас, іш, желке, аяқ, қол, кеуде, бұлшық ет, құлақ)

Талдау:

1. Неге сол жерлерді белгіледің?

2. Мазасыздықтың пайда болғанын қалай білдің?

«Стресті қалай жеңуге болады?»

Ойын барысы:   Оқушыларға шар үлестіріледі, психолог, оқушылардың бір шетінен «Сендердің қандай жағдайда жындарың келеді?» деген сұрақ қояды. Оқушалр сол сәттерімен бөлісіп шарды үрлейді, әр бір оқушының айтқан сөзінен кейін шар үрлене береді, шар үлкейе береді, үйге барсам ата-анам ұрсады, мектепке келсем сынып жетекшім оқушылар алдында сынайды, осы сөздердің бәрі айтылады, оқушылар үлкен болып шыққан шарды жарады. Сосын оқушыларға екінші шар үлестіріліп, психологтың алдынғы сөзді қайталануы бойынша үрленіп, үлкейеді, «Ата-анам мені үнемі жақсы болсын дейді сол үшін, ұрсады, мұғалімім мені болашақта жақсы азамат болсын  дейді, сол үшін сынайды»  деген сөздерден кейін оқушалар шардың желін ақырындап шығара бастайды. Шардың ішінде желі қалмайды.

Мінеки оқушылар стресс осылай жиналады, ол жинала берсе сенің денсаулығыңа, алда болатын ҰБТ-ға дайындығыңа, психологиялық дұрыс қалыптасуыңа өте зиянды, сол үшін бойларыңдағы жағымсыздық қасиет тудыратын сөздерді дұрыс қабылдап, стреске ұшырамауларыңа тілектеспін.

Сергіту сәті

Жаттығу «Қасиеттер жәрмеңкесі»

Нұсқау:   Қасиеттер   қағазға жазылып, аукционда сатылады. 

Денсаулық, мансап, жоғарғы оқу орны, сенімділік, білім, достық, жақсы мінез, тәрбие, ізгілік, мейірімділік, қайырымдылық, қабілет, отбасы, 125 балл.

Талдау: -Қандай қасиеттерді өздеріңізге жинадыңыздар, қандай қасиеттер қазіргі кезде сендерге дайындалуға бөгет жасайды? Осы   алған қасиеттерді тиімді пайдалана отыра жестіктерге жетулеріне тілектеспін.

 «Жаңғырық туралы аңыз» әңгіме айтылады.

Әкесі баласымен бірге тауға барады. Содан келе жатып аяғын тасқа ұрып алған ұлы:

—  АААААААА! – деп айқай салады.

—  АААААААА! – деген жауапты естіп таң қалады.

—  Сен кімсің?- деп сұрайды ұлы.

Ал оған:

—  Сен кімсің? – деген жауап келеді.

Мұндай жауапқа ашуы келген бала:

—  Қорқақ! – дейді.

Ол оған:

—  Қорқақ!- деп жауап береді.

Бала әкесінен:

— Не болып жатыр? – деп сұрайды.

Әкесі жымиып күледі де, былай жауап береді: «Мені мұқият тыңда»

Әкесі тауға:

— Мен сені сыйлаймын! – деп айқайлады.

Ол оған:

— Мен сені сыйлаймын!

— Сен кереметсің!

Ол оған:

— Сен кереметсің!

Бала сонда да таңдануын қоя алмады, содан оған әкесі түсіндіріп берді. «Бұл құбылысты жаңғырық деп атайды. Шындығында бұл өмір деп аталады. Ол сен не айтсаң да, не істесең де, соның бәрін өзіңе қайтарады».

Олай болса барлығымыз  бірге  «ҰБТ-да жетістікке жетеміз!» деп айғайлайық!

Кері байланыс орнатайық

Ұнады	Ұнамады	Ұсыныс

Психолог. Құрметті мектеп түлектері алдарыңда үлкен сын, намысты дода сол сынға әрқашан сеніммен барыңдар. Бақытты ғұмыр болмайды, ол бақытты секунд, бақытты минут, бақытты сәттерден тұрады, біз сол бақытты сәтті сезіне білу арқылы бақытты боламыз. бір-бірінің қолдарыңды ұстап жоғары көтеріңдер, бір келкі хор дауыспен «Біз ҰБТ-ға сеніммен барамыз!» деп айқайлаңдар.