Даргала литературала гьаргси дарс «Дагъиста арслан»

МКОУ «Кочубейская СОШ №1»

 

                        7 класс

                                                            тема:

    

ДураберкIибси:  Абакарова  Эльмира. А.

                                дарган мезла ва лит-ла учит-ца

                                                     2018 д .

                                           Дарсла башри.

1.     Орг. момент.

-  Салам, ахIерти дурхIни. Салам дарсличи дакIибти гIяхIли.

2.     Дарсла тема ва мурадуни аргъахъни.

 -  ИшбархIи нушала даргала литературала гьаргси дарс саби.             Дарсла тема саби: З. Зулпукьаровла повесть «Дагъиста арслан» - обобщающий дарс.

     Дарсла мурад:  

1.Зулпукьаровла гIямрула гьуйчил бучIанти  тянишбарни.

 2. Повестьла бекI мягIналичила бучIантази аргъахъни.

 3. Дагъиста адамтала цIакь, гуж, гьунар гьаргбарили,  ил  чебяхIбарни.

3.     БучIантачил ихтилат.

 -  ХIерая гьари доскаличи. ХIушани ишаб чебаэс дирудая Дагъиста чумал мушлукья. Илдазивад ца сай шуйнали дунъяла чемпион – мушлукья ГIяли ГIялиев. Дургъбази аркьуси замана дудешли ГIялизи ибсири: «Мурул адамлис бегIлара дурхъати сари – неш ва хIурмат. Ну аркьулра дила хIурмат сархес. «Дила хIурмат биалли?», - хьарбаиб цархIилти уршби кьяйда дургъбази укьес иштяхIси уршили. «ХIела хIурмат – неш мяхIкамрарнилизиб саби. ХIерии, гьарли-марси мурул адам кьяйда ва хIела баркьудлумас жаваб бедес виэсли».

Илдигъунтазивад ца сай нушала шилизивадси мушлукья Къараев Русланра, сайра урибси мушлукьябала спортла мастер, Европала чемпион, Тбилисила турнирла авна приз касибси, дунъяла кубокла вегI.

4.     БучIуси произведение хIясибли хIянчи.

- Гьари, бурая хIушани балутигъунти ишхIелла чемпионти – мушлукьяби.

- Бурая гьари, дурхIни, сегъуна произведение сабри нушани белчIунси?

- Чили белкIунси ил повесть?

- Cе саби, дурхIни, повесть?

 -  Повесть – халаси ахIенси, хабарла тяхIярли белкIунси произведение саби. Илар гьар-гIергъили чумал анцIбукь чедаахъили дирар. Игитунира илаб, хабарлизибван ахIи, имцIали бирар. Повестуни художественный ва документальный анцIбукьлумачила дирар.

- Сегъуна повесть саби иш – документальный сабив яра художественный сабив?

- Документальный повесть саби.

- Се бурес дирудая хIушани З. Зулпукьаровличила?

- Чичила саби ил повесть? Сен ил повестьлис З. Зулпукьаровли «Дагъиста арслан» ибси у бедибси?

 - Дагъистайзиб гьалабла замана имцIали бузахъуси спорт мушлукьябала, къаркъа ахъбурцнила, ил гьарахъ иргьнила бирусири. ЦIакьси гужла бегIти бири итхIели хIямбалчибира. Илди тукентазиб, итаб-ишаб цархIилти адамтас гьалаб бузути, халаси цIакьла бегI адамти бирутири. Илдани халаси битIакI ахъбурцусири. Илдигъунтазивад ца сайлин декIарухъунсири Мама Махтуллаевра.   

Жявли дудеш вебкIибси Мамас, виштIахIейчивад  гIямрулизир дахъал къияндешуни чедаэс чебуркъубсири.   12-дус  виубхIейчивад нешлис кумекбарес или жура-журала хIянчурбачив ил узи, ахъдурци декIти секIал. 1897 ибил  дус Буйнакъла шагьарлизи Петербурглизибад цирк бакIибсири. Мамма 18 дусалра виубли ахIенри, амма кьалтичи дуравхъи илини, хIербикес бакIибтала хъутрауб      8 циркла мушлукья удибариб, 9-ибил мушлукья Иван Поддубныйличил чилилра чедибдеш сахIерхили абз таманбиуб. ИлхIейчивад 120 кг. каибси Мамма Поддубныйла юлдаш ветаур.

- «Дурасан» тукейзив узухIели селичивли машгьуриубсири Мамма?

- ГIур се бурес дирудая хIушани ил цIакьси хIямбал Мама    

  Махтуллаевличила?

 - 1904 дуслизив Мамма Сали Сулайбан ветарули сай. Се бурес дирудая хIушани ил анцIбукьличила?

                  

-  Баргая гьари ил бутIа жузлизиб.

 - Иван Поддубный Сали Сулайбайчил (Маммачил) цугикибхIели, илини бурибсири сунесра Рауль Ле Бушеличил мушул вякьунхIели, илгъуна бетаъниличила. ХIердизирая гьари, ил хIяз жагали чебаахъили саби видеороликлизиб.

Видеоролик.

- Санкт-Петербургла мушлукьябала обществолизи чи кабурхутири?

- Сен Сали Сулайбан (Мамма)  тигрличил вяхIибсири? Се сабабли   

   уббухъуна ил секIайс?

 - Мама мурт дунъяла чемпион ветарули?

 - Сен Мамма кавшес аркусири? Чили верцахъибсири ил?

-  Константинопольли.

- Чум дус виубхIели Мамма сценаличи дуравхъунсири?

- Тамашала цIакь буили саби илала. Илини кьячIаурси рельса леб бусягIятра – Буйнакъскла района Буглен бикIуси шила дублаб.

Бахъал сабри илини удибарибти мушлукьяби: дунъяла чемпион – поляк Станислав Збышко-Циганевич, Ираннизивадси – Балал, индус – Саид Кахути, болгариялан –Николай Петров, осетин – Бола Конуков, турк Къочи ГIяхIмад ва Халил Адали, америкалан– Том Каннон, испаниялан Альберто Гонсалес, немец – Якоб Кох, шуйнали дунъяла чемпион – даниялан Иесс Педерсен, французуни – Рауль Ле Буше ва Лоран де Бокеруа ва ц., амма гьачамалра илала къакъ кьалтинничи кахIебаиб.

Илини сархиб «Азербайджа чемпион», «Востокла кумир», «КIинали дунъяла чемпион», «Дагъиста халкьла артист», «Азербайджа урибси артист», «Турцияла чемпион»- на хIурматла уми ва 47 медаль. Сали Сулайбан вебкIибсири 1966 ибил дуслизив Бакулизив.  

5.  Гьанна белчIунси повесть хIясибли бирехIе тест.

1.  Чили белкIунси дунъяличи хабардерхурси мушлукьячила повесть «Дагъиста арслан»

А.  Р. Рашидов

Б.  М. Мусаев

В.  З. Зулпукьаровли

Г.  ГI. Абу Бакарли

2.     Мамма Махтуллаев узуси тукенна у:

А.  «Дурашан»

Б.  «Дурасан»

В.  «Дуралан»

3.     Мамма Махтуллаевличил вяхIибси  туркла мушлукьяла у:

А.  Къочи-ГIяхIмад

Б.  Ямпольский

В.  Корш

4.       Мамма Махтуллаевли тукейзив узухIели базли кайсуси алапа:

А.  Шел къуруш

Б.  ВецIал къуруш

В.  ХIябал къуруш

  5.  Сали Сулайба гьарли-марси у:

А.  Рабазан ХIяжиев

Б.  Мама Махтуллаев

В.  Сулайбан Арсланкьадиев

Г.  Абакар МяхIяммадов

6.     Ишди произведениебазибад документальная повесть декIарбара:

А.  «Шандан»

Б.  «Жайран»

В.  «Залум»

Г.  «Дагъиста арслан»

6. Кагахъни.

Суалти. 1. Селичила гъайдикIули калунра нуша ишбархIи?

2. Чили белкIунси иш повесть?

3. Се журала повесть саби ил?

4. ГIямрулизив левсирив Мамма Махтуллаев?

5. Илис сен Дагъиста Арслан бикIутири?

6. Чичил цугуцибсири Мамма?

7.      Дарсла итог.