Дауысты Ү дыбысы мен әрпі.

№ 16 ЖББОМ

Сабақтың тақырыбы:

Дауысты Ү дыбысы мен әрпі.

Логопед -мұғалім : Шайымбекова Н.А.

Сабақтың тақырыбы: Дауысты Ү дыбысы мен әрпі                        

Сабақтың мақсаты: 1.Дыбыстың пайда болуы,  дыбыстарды буын сөздерде дұрыс, нақты айту. Дыбыс есту, қабылдау қабілетін дамыту. Сөз байлығын молайту. Жаңылтпашты шапшаң оқуға төсілдіру.

2. Ұсақ моториканы, қимылды үйлестіру. Үдыбысын сөз арасында ажырата білуге дағдыландыру. Дыбыстық талдау жасауды дамыту.

3. Таза, ұқыпты жазуға, үй құстарын сүюге, қорғауға тәрбиелеу.

Көрнекіліктер: Айна, профиль, суреттер, суретті әліппе, карточкалар.

Сабақтың барысы.

І Ұйымдастыру кезеңі: 1 Сәлемдесу

                                          2 Психологиялық дайындық: Қайырлы таң досым,

                                                                                             Қайырлы күн болсын,

                                                                                             Бүгінгінің күні

                                                                                             Сәттілікке толсын.

 ІІ Үй тапсырмасын тексеру: Өткен сабақта қандай тақырып өттік?                І дыбысына басталатын сөздерді атаңдар. Мысалы: Ілмек, ірімшік, ішік.

Артикуляциялық жаттығулар: күрекше, кесе, көпір, ине, түтікше – қоршау жасату.

Тыныс алу жаттығуы: «Футбол».

Мақсаты: мақтадан домалақтар жасау керек. Бұл доптар. Қақпа – екі кубик немесе қарындаштар. Бала мақта доптарды үрлеп қақпаға «гол» соғуға тырысады.

ІІІ Жаңа сабақ: Ү дыбысының профилімен таныстыру. Ү дыбысын айтқанда ерін сүйірленіп алға созылады. Тіл артқа жылжиды да иек көтеріледі.

Үстіңгі тістер мен астыңғы тістерінің арасы белгілі бір қашықтықтағы жағдайда сақталады. Тілдің ұшы астыңғы тіске тіреледі де, екі жағы көтеріліп, үстіңгі азу тістерге қабысады.

Жұмсақ таңдай жоғары көтеріледі де, мұрын ауа жолы жабылады. Дауыс шымылдығы жабық болады. Ү дыбысының сипаттамасы: дауысты, ерінді, қысаң, тіл алды, жіңішке.

1.Ү дыбысын дыбыстар қатарынан тауып, шапалақтау.

Ә, А, Ө, Ү,І

І, Ә, А, Ө, Ү

Ү, І, Ә, А, Ө

2. Дауыссыз дыбыстармен буын айтқызу:

Үн       Үш    Үс      Үр      Үл

Нү     Шү     Сү     Рү     Лү

Саусақ жаттығуы: Қарындашты әр саусақпен ширату

3. Сөздерді буынға бөл : үй, жүн, үміт, жүрек .

                                                             

4.Ү дыбысы бар үй құстарын атаңдар: үйрек, үндік.

Сергіту сәтінде бейнебаянмен қосылып бірге орындау.

5.Ү дыбысын ауада, алақанда  жаздырту.

6.Суреттен ү дыбысы сөздің қай жерінде тұрғанын анықтау. Жүзік, күшік, түн, гүл, түйме, сүт, үй, үкі.

      

      

                                               

                                           

7. Тиісті әріпті қойыңдар

Ж.н, .зеңгі,  к.лше, .тік, к.міс, к.ндіз, .кі, м.лік, к.ш

8. «Өз орныңды тап» ойыны. Әріптерді өз орнына қою.

Ү, т, л, і, к – түлкі

Е, к, к, ү,р – күрек

Ш, і, ү,к, к – күшік

Жаңылтпаш айтқызу:

Үйшік жаса күшік үшін,

Кең қып жаса үйшік ішін.

Жұмбақ шешейік:

Көлде жоқ                        Үйрек десе – бірінші

Гүлде бар,                        Бүйрек десе – екінші

Нөлде жоқ,                       Бұл қай әріп екенін

Күнде бар    (Ү)                  Біреу айтып берсінші?         (Ү әрпі)

Сабақты бекіту: Бүгін қандай тақырып өттік? Ү дыбысы кездесеін сөздерді қайталап өтейік.  Сендерге бүгінгі сабақ ұнады ма?

Ү дыбысы сөздің қай жерінде кездеседі? Ү дыбысына сипаттама беріңдер. Оқушыларды мадақтау.

Сабақтың соңы.