Даярлық тобының ақыл- ойын дамытуға арналған тренинг

Тақырыбы: «Көңілді балақай»

Мақсаты: баланың қабілетін, ақыл-ойын дамыту, ертегі айтып оның мағынасын түсіндіру, сандарды, геометриялық фигураларды, түстерді ажырата білуге үйрету.

Көрнекіліктер: түрлі –түсті геометриялық фигуралар, сандар үйі, жабайы жануарлар (жұмсақ ойыншықтар), көңіл –күй белгілері, құрастыру материалдары, табиғат көрінісі бейнеленген плакат.

Сабақтың барысы:

І. Психологиялық дайындық.

ІІ. Баламен жеке жұмыс. «Келген қонақтар» жаттығуы.

-         Балақайлар, бүгін бізге қонаққа орманнан жабайы пжануарлар, яғни аңдар келді. Олар өте сақ, абайлағыш, сол себепті олар адамдарды көріп тығылады. Олар әрбір геометриялық фигуралардың артына сендерден тығылып қалды. Енді балақайлар оларды сол геометриялық фигуралардың артынан қызықтырып алып шығып, өзіміздің ортамызға қосып алайық. Ол үшін біз барлығымыз біраз жұмыс жасайық.

Тапсырмалар:

1.     «Адасқан сандар» ойыны.

Шарты: сандар үйінде түрлі –түсті сандар, геометриялық фигуралар орналасқан. Сол сандарды балалардың әрқайсысына бөліп беру қажет. Әр бала алған сол санды атап, қандай түспен боялғанын айтып, оны өз орнына қоюы тиіс.

2.     «Тығылмақ» ойыны

Шарты: Әрбір геометриялық фигураның артына психолог балалардың көзінше аңдарды тығады. Бала сол геометриялық фигураның түсін және қандай фигура екенін айтады. Бала аңның атын атып, қолына налып, орнына отырады.

ІІІ. Топпен жұмыс «Құрастыру» ойыны.

Шарты: Балаларды үш топқа бөліп отырғызу. Үш топқа үш тапсырма беріледі. Конверт ішінде салынған геометриялық фигуралардан үлгі бойынша зат құрастыру.

1топ тапсырмасы: Паравоз құрастыру.

2топ тапсырмасы: Ит мүсінін құрастыру.

3топ тапсырмасы: Үй құрастыру.

ІҮ. Тіл дамыту жұмысы. «Бүлдірген» ертегісі.

Психолог: Балақайлар, сендер жақсы еңбектендіңдер, енді демалып, ертегі тыңдандар.

   Күн шығып тұр. Жер бүлдіргені пісті. Маса оны көріп, шырылдады: «Жер бүлдіргені пісті, қып-қызыл үлпілдек». Масаның сөзін құс естіп орманға жүгіреді. Жер бүлдіргенін жегісі келіп тұр. Масаны құрбақа естіп, ол да орманға жүгіреді. Ол да жер бүлдіргенін жегісі келеді. Күнді бұлт жапты. Бұлтты маса көріп: «Жаңбыр жауды» дейді. Масаны құс естіп, терекке тығылады. Масаны құрбақа естіп, жапыраққа тығылады. Масаны тышқан нестіп, інге тығылады. Масаны жылан естіп, жер астына тығылады.

    Ал жер бүлдіргені болса, жаңбырға шомылып, ешкім тимегені үшін қуанып, рахаттанады.

    (табиғат көрінісі суреттелген плакатқа бүлдірген маңына жиналған ертегі кейіпкерлері бейнеленген суреттерді атап айтқызу, сұрақ – жауап әдісі арқылы бүлдіргенге көмекке келген жаңбыр екенін ұғындыру.)

Хормен халықтың даналық сөзін айтқызу

«Батыр туса, ел көгерер,

Жаңбыр жауса, жер көгерер»

Ү. Көңілді үзіліс.

Бас бармағым-әкем,

Балаң үйрек-шешем,

Ортан терек-ағам,

Шүлдір шүмек –мен,

Кішкентай бөбек –сен,

Біз үйде нешеуміз?

Біз үйде –бесеуміз.

ҮІ. Рефлексия

-         Ал балақайлар, қазір көңіл-күйлерің қандай?

-         Сабақта сендерге не ұнады?

-         Не есте қалды?

-         Орманнан келген қонақтарымыздың көңілдері қандай?Енді біз қонақтарымызды қош айтысып, шығарып салайық. (балалар көңіл-күйлері жайында ойларын айтып, қоштасады)

«Мен өмірді сүйемін!»

атты әлеуметтік – психологиялық апталығы

16.01.2017 – 21.01.2017ж аралығында

Абуханова Диана Хамитқызы