Тобы: МАД
0 «А» Жетекшісі:
Косымбаева Тлектес Жумабаевна
Күні: 26.12.2014жыл.
Тақырыбы: «Қош келдің, Жаңа жыл» (2015 жылдықарсы алуда
балаларға арналған ертеңгілік).
Көрнекілігі: Зал ішін жаңа жылдық шараға сай безендіру.
Барысы: Жаңа жылдық әуен ойнап тұрады.
Екі жүргізуші ортаға шығады.
1-жүргізуші: Барлық жандар бір білікке қосқан үн,
Бақытты боп бастады жыл дастанын.
Қуанышпен келді той деп жаңа жыл,
Құтты болсын
жаңа бақыт достарым.
Құрметті балалар, ата - аналар, ұстаздар, қонақтар! Жаңа жыл мерекесіне арналған «Қош келдің, Жаңа жыл» атты
кешімізді бастауға рұқсат етіңіздер.
2-жүргізуші: Тілеймін бар адамға,
Жаңа бақыт, жаңа
нұр.
Ата –аналар мен
қонақтар,
Құтты болсын жаңа
жыл!
Жаңа
жылымен құттықтап, өз тілегін білдіру үшін сөз кезегін мектебіміздің директоры:
Жонисова Маржан Сәлімкерейқызына береміз.
1-жүргізуші: Тамаша, тамаша!
Шыршамыз тұр
жараса!
Басында әсем
жұлдызы,
Көз тоймайды
қараса.
Ендеше балалар
бәріміз бірге шыршаны жағайық ол үшін бәріміз бірге:
«Қуантып бізді
таңырқат ,
Шамдарыңды
жарқырат!» деп айтайық. (шыршаның шамдары жанады).
Ән: «Шырша
жыры»
Ескі жыл: Мен ескі жылмын сіздерге молшылық, бақыт әкелдім. Мына келер
жылға айтар тілегім:
Қуанышты ортамыз сазға ұласқан,
Тілегім болсын мәңгі ашық аспан.
2015 жылға қадам басқан,
Гүлденіп көркейе бер, Қазақстан.
Келесі жыл бастауын қойға берем.
1-жүргізуші: О, халайық, жараңдар.
Қилы-қилы заман бар.
Жылқы жылы әне жылыстап,
Кетіп барады қараңдар.
О, халайық, халайық.
Қош айтысып қалайық!
2-жүргізуші: Ар бол, Жаңа жыл!Бар бол, Жаңа жыл.
Қадамың құтты болсын, Жаңа жыл.
Бейбітшілік жылы бол, Жаңа жыл.
Құт-береке жылы бол, Жаңа жыл.
Қой: Жаңа жыл – жаңа қадам, жаңа бағыт,
Болашақ сыйлайтындай жаңа бақыт.
«Қой жылы» кеп қалдым ортаңызға,
Жақсылықпен жалғассын жаңа уақыт.
Құтты
болсын жаңа жыл, барша халық.
Қуанышқа, шаттыққа тамсанайық.
Бәріңізге шынайы тілек тілеп,
Бар әлемге бақытпен жар салайық!
1-жүргізуші: Жаңа жыл - қайсарлық пен жүректілік,
Баратын болашаққа білек түріп.
Әдемі тілектерге қол соғамыз,
Әлемге жақсылықтар тілеп тұрып.
Аяз ата: Жаңа
жылда өнер сынар қайсың бар,
Алға шығып өлең-тақпақ
айтыңдар,
Жаңа жылда сыйлық
алып қайтыңдар.
2-жүргізуші: Ендеше, Аяз ата, біздің балалардың тақпағын
тындаңыз.
Асапан жерге
төгілді,
Ақ күмісін уыстап.
Жаңа жылда келді,
Бізге қарай
жылыстап. (Аружан)
Шыршаға барайық,
Әсем ән салайық ,
Аяқ ата сыйлықтарын
алайық. (Әбілмансур)
Келіндер,
келіндер,
Тақпақ айтып
беріндер.
Жомарт аяз атадан,
Сыйлық алып
көріндер. (Айқұндыз)
Жаңа – жылда жаңаша,
Тақпақ айтамыз.
Болсын риза балаша,
Аппақ Аяз – атамыз.
(Қыдыржан)
Жасыл шырша
жанында,
Өлең-тақпақ
айтамыз.
Дала нұр, қала нұр,
Құтты болсын жаңа
– жыл! (Айару)
Әдемілеп біз ілген,
Ойыншықтар
тігілген.
Қандай жақсы
шыршамыз,
Ән шырқайық
бәріміз. (Нұрзат)
Өлең де әзір , ән
де әзір,
Ойын да әзір, бәрі
әзір.
Кел жаңа-жыл
біздерге,
Кел жаңа-жыл ,
жаңа жыл. (Дана)
Тілеймін мен бар
әлемге,
Дос көп болсын
жанашыр.
Ата - әже , ата –
әже,
Құтты болсын жаңа
жыл! (Роман)
Тамаша сый алып,
Келді аяз атамыз.
Шаттанып қуанып,
Шырқап ән
айтамыз. (Махаббат)
Кел балақай шырша
дайын,
Қол ұстасып ән
салайық.
Жаңа-жылдың жарқын
айын,
Әнмен, бимен қарсы
алайық. (Арман)
Жаңа жыл келді, о
міне,
Дала ма, қала ма,
жері ме.
Шаттыққа бөлеп әр
үйді,
Шыға ғой менің
төріме. (Жасмин)
Ақ таяғын таянып,
Таңмен бірге
оянып.
Аяз ата келіп тұр,
Ақ көрпеге оранып.
(Нұрғанат)
Көрдің бе аяз
атаны?
Аппақ екен сақалы.
Аппақ екен мұрты да,
Аппақ екен шапаны.
(Альбина)
Тістері аппақ
күріштей,
Сақалы аппақ
күмістей.
Қызыл ала шапаны,
Сағындым аяз атаны.
(Нұрбол)
Жауды міне қар аппақ,
Айналаның бәрі
аппақ.
Жасырыпты жолдарды,
Тегістепті
орларды. (Нұрғанат)
Жасыл желек
жамылған,
Асыл моншақ
тағылған.
Міне сұлу шыршамыз,
Көптен күткен
сағынған. (Кәусар)
Сақалы желбіреп,
Аяз ата елжіреп.
Алды жылдың
сәлемін,
Алды сыйын
әлемнің. (Мархабат)
Сәлем саған, жаңа
жыл.
Жаңа бақыт, жаңа
жыр! (Ислам)
Таяғы бар қолында ,
Қар борайды
соңында.
Қандай сыйлық бар
екен,
Арқалаған
қабында?! (Нұртілек)
Жаңа жылды
бастаған,
Жаны жақын жақсы
адам.
Аяз ата сізге мен,
Айтам әнді
жүздеген. (Қуаныш)
Кел, балалар
келіңдер,
Шырша тойын
көріңдер.
Қуан бізді
таңырқат,
Шамдарынды
жарқырат. (Гүлжауһар)
2-жүргізуші: Шырша өсті орманда,
Инелері күмістей.
Бишілер келді ортаға,
Дөңгелене би
билей.
Қандай ұлпа қар
түсті,
Айналаны әсемдей.
Би: «Сайқымазақтар»
.
Аяз ата: Ал
қарақтарым мені күтіп отырған қаншама ел мен жер бар, сонда барайын. Сендерге
көп-көп рахмет! Өнерлерің өрге жүзсін! Биік шыңдардан көрініңдер!
Жаңа жыл жаңа
бақыт,
Әкелсін далама
құт.
Өнерлерің көп
болсын,
Уайымдарың жоқ
болсын!
Тілектерің ақ
болсын,
Бастарыңа бақ
қонсын!
Келер жылы
келермін,
Өнерлеріңді тағы
көрермін.
Сыйлық әкеп
сендерге,
Көптен-көптен
берермін.
Жақсылыққа
толыңдар,
Тек биікке
қоныңдар!
Келесі жылы
көргенше,
Амандықта
болыңдар.
1-жүргізуші:Ал, құрметті достар! Бәріміз бірге Аяз атаны шығарып салайық.
2-жүргізуші: Аяз ата, келесі кездескенше аман болыңыз! Біз сізді асыға
күтеміз.
1-жүргізуші: Қадірлі ұстаздар, ата-аналар! Жаңа жыл! Осы жыл барлық
отбасыларымызға бақыт пен шаттық әкелсін. Еңбектеріңіз жемісті болсын! Жаңа жыл
құтты болсын, келесі кездескенше сау-саламатта болыңыздар!
Оставьте свой комментарий
Авторизуйтесь, чтобы задавать вопросы.