Әдеби музыкалық кеш "Ұстаз ұлы тұлға"

Ұстаз ұлы тұлға

Кештің мақсаты: Оқушылардың ұстазға деген көзқарасын дамыту. Ұстаздың әр шәкірт үшін орнының ерекше екенін және білімнің көзі тек осынау асыл жандар арқылы оқушы жүрегіне берілетінін түсіндіру.

Кештің көрнектілігі:

Кештің бағдарламасы:

Кешті екі жүргізуші бастайды.

1-жүргізуші - __________________________________________

2-жүргізуші -  __________________________________________

1-жүр.: Күрең күздің жанға жаймашуақ сәттерінің бірінде, қазақ айының қоңыр күндерімен ілесіп, төл мерекелеріңіз – Ұстаздар күні де келіп жетті.

2-жүр.:Бүгін осы дәстүрлі мерекеге орай барлығыңызды шын журектен құттықтауға рұқсат етіңіздер.Бәріңізге жақсы көңіл-күй сыйламақ ниетпен «Ұстаз ұлы тұлға» атты кешімізді бастауға рұқсат етіңіздер.

1-жүр.: Ұстаз!Қандай қасиетті сөз!Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегіндегі қадір тұтып, құрметтейтін екі ұғым болса. Соның бірі – ұстаз.

2-жүр.: «Ұстаз» деген сөз қазақ баласы үшін қащанда қасиетті, қадірлі болған. «Ұстаздан тәрбие алған» немесе «ұстаз алдын көрген» деген сөздер құлаққа «ана тәрбиесін алған» деген сөздермен ұштасып жатады дей келе _________________________________________орындауында «Ұстазым» әнін тамашалайық.

1-жүр.: Ұстаз болу – жүректің батырлығы

              Ұстаз болу – сезімнің ақындығы

              Ұстаз болу – мінездің күн шуағы

               Азбайтұғын адамның алтындығы, - деп ақын Ғ.Қайырбеков жырлағандай, сөзі маржан үні ән ұстаздардың бар болғанын мақтаныш етемін.

2-жүр.: Әрине, ұстаз жүрегі – ауыр жүк. Ұстаздардың әсерлі үнімен, асықпай мәнерлеп сөйлеген сөзінен әрбір оқушыға деген қамқорлықтың, аналық, әкелік сезімнің, дана ойдың ыстық лебі тұрғандай дей келе оқушыларымыздың өлең шумақтарын тамашалауға рұқсат етіңіздер.

1-оқушы:                     

                                      Сіздермен тола берсін ортамыз,

Бүгінгі ел басқарған азаматтар .

 Білім алған сіздердің арқаңызда.

2-оқушы:             

                                       Ақырын жүіп анық бас.

                                       Еңбегін кетпес далаға

                                       Ұстаздық еткен жалықпас

                                       Үйретуден балаға!

3-оқушы:                 

                                      Бүгінгі күн шуақтарын гүлге толсын

                                       Дендеріңнің саулығы мықты болсын

                                       Біліммен суарған шәкірттерін

                                       Төл мерекең ұстаздар құтты болсын.

4-оқушы:                   

                                     Мектеп үйім, ұстаздарым ата-анам

                                      Сенен өсіп, сенен ғана нәр алам

                                      Саяң ыстық, сен мәуелі бәйтерек

                                      Тамырланып сан тарапқа тараған.

5-оқушы:                 

                                      Мұғалім мен ұстазда бар айырма

                                      Ұстаз деген жақсы әндегі қайырма

                                      Мұғалім ол – бар болғаны мамандық

                                      Жеткенше жеті өнерлі шайырға

6-оқушы:           

                                       Ұстаз деген ұлағаттың шайыры

                                       Қадірінің тиетұғын қайыры

                                       Ұстаз деген шуағы мол шапағат

                                       Шаршамайтын, шалдықпайтын тәйірі

1-жүр.: Ұрпақ тәрбиесі – ұстазға байланысты. «Ұяда не көрсең, ұшқанда соны ілерсін» дегендей өнегелі ұстаздан жақсы шәкірт шығатыны сөзсіз. Адамның жан дүниесін түсініп, ренжітпей қателігін сездіре білу – бұл нағыз шеберлік емес пе?!

2-жүр.: Ұстаз – ұлағатты есім. Шәкірттерін білім нәрімен сусындатып, тәлім – тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздардың еңбегі зор. Сондықтан да ол әрдайым қасиетті тұлға ретінде ерекшеленеді.

1-жүр.: Олай болса, қадірлі  ұстаздар сіздердің шәкірттерді тәрбиелеп, білім нәрімен сусындатудағы, жас буынға дұрыс бағыт-бағдар беру долындағы еңбектеріңіз жана берсін. Еңбектеріңізге табыс, отбасыларыңызға бақыт мерейлеріңіз үстем болсын.

2-жүр.: Менің ойымша, кез-келген мұғалім ұстаз бола алмайды. Себебі ұстаздық - өнер тағылымы терең өнер. Ал, өнерлі болу кез-келген адамға қона бермейді. Олай болса, шын ұстаз болу үшін табиғи дарын, ізгілікті ізденіс пен ерен еңбекке ұштастырылуы шарт. «Шәкіртсіз ұстаз тұл» деген сөз тегін айтылмаса керек.

1-жүр.: Сәбилік көңілден,                          Тіліңді аламын

              Арналды бұл әнім.                         Айтқанды ұғамын

               Баулитын өмірге                           Мен сендей болмын

              Ақылшым – мұғалім.                     Ақылшым – мұғалім. –дей келе оқушыларға сұрақ қойсақ деймін.

1-сұрақ: Балалар араларыңызда ұстаз болуды армандайтын оқушылар бар ма?

2-сұрақ:Бүгінгі таңда жастардың көбі ұстаз болуды қаламайды. Керісінше заңгер, банкир, экономист мамандықтарын құрметпен бағалайды. Мұның себебі не не деп ойлайсыңдар?

Мұғалімдік – ұстаз болуға берілген ерекше мүмкіндік. өйткені бойында ұстазға лайық қасиеттері бар адамға мұғалімдік бола жүріп, мол қасиеттерін ұштай түседі. «Мектептің жүрегі – мұғалім» деп Ы.Алтынсарин кең, биік, терең ұғыммен атап айтқан.

1-жүр.:     мұғалімдер, әз жандар.

                  Білім іздеп, инемен құдық қазғандай

                   Құшақ жая қарсы аламыз сіздерді,

                   Би-биленіп, әнде бүгін шырқалар дей келе _____________________________________________  биін тамашалайық.

2-жүр.: К.Д.Ушинскийдің «Ұстаз – зор тұлға, ол күннің құдіретті сәулесі сияқты» десе, Ұлы Абай атамыз «Адамның адамшылығы жақсы ұстаздан болады» деген.

1-жүр.: «Мектеп –білім тірегі, Ұстаз – оның жүрегі», - демекші ұстаздық жолындағы еңбектеріңіз лаулап жансын дей келе 10 жылдан соң бас қосқан сыныптастар жайында сахналық қойылым ұсыныуға рұқсат етіңіздер.

1-оқушы: Айнұр рөлінде - ____________________

2-оқушы: Алма рөлінде - _____________________

3-оқушы: Шыңғыс рөлінде - __________________

4-оқушы: Ринат рөлінде - ____________________

5-оқушы: Гүлдария рөлінде - __________________

Айнұр: Міне, 10 жыл өткен соң бас қостық, менің қымбатты сыныптастарым. Білесіңдер ме, мен мектепті қатты сағындым, ұстаздарды сағындым.

Алма: Ал, мен ше?Менің сағынышым тіпті шексіз.менің ақын болуыма, азамат  болуыма сол ұстаздарым елеулі еңбек етті. Бәрің де бір сәт ойланыңдаршы, біз кімнің арқасында осындай дәрежеге жеттік. Бізге білім мен тірбие берген аяулы жандарды қалай ұмытамыз, қалай жадымыздан шығарамыз? Шыңғыс, өзіңнің осындай биікке жетуіңе, елеулі қызметкер болуыңа  үлесі жоқ деп көрші?

Шыңғыс: О,о жоқ деп айтсам менің күнәға батқаным емес пе? әрине, алпауыт мекемеде атымның оза шауып жүргені сол ұстаздардың арқасы емес пе? әрбірден соң осы мамандықтың иесі болуыма, есеп сабағына қызығушылығым жетеледі емес пе? Апайға қиын есептің жауабын шешіп алдына барғанда «Жарайсың!» дейтін сөзі естен кетпейді, ешқашан!

Айнұр: - Ринат атақты суретші болдың, суреттерің шетелдің көрмелерінде қойылып жүр деп естиміз.

Ринат: Сол сурет салуға деген құштарлығымды шыңдап, тіпті сурет үйірмесіне де ертіп апарған мектептегі ұстазым еді ғой.

Айнұр: Гулдария, сен бірнеше жыл шетелде оқыдың, білім алдың. Қазір аудармашы болып жұмыс атқарып жүрсің. Мектепте жүргенде ағылшын сабағын ерекше жақсы көретін едің.

Гүлдария: Иә, жақсы көрдім. Білесің бе, біз бәріміз жас та, кәрі де, ғалым да, ұшқыш та, құрылысшы да, әнші де сол құрметті жанның парасатты өнеге иесінің алдында мәңгілік қарыздар екенбіз. Дүниеде үш адамның алдындағы парыз өтелмейді екен. Мүмкін ұстаздар алдындағы парызымызды болашақта жақсы азамат болып халқымызға адал қызмет етсек - өтегеніміз шығар. Мүмкін парызымыздың орындалғаны да сол шығар ......

Ринат: Естеріңдер ме? «Кім боламын» деген тақырыпта шығарма жазғанда ұстаз боламыз деп жазып  едік кой. Біздің жүрегімізде ұстазға деген құрмет сезім басым еді.

Алма: Ендеше, біздің де оларды ұмытуға қақымыз жоқ қой достар. Олай болса, ұстаз туралы өлең шымақтарын шырқайықшы достар.

Ұстаз деген ұстаз болып туғандар,

Ұлылықты ұлықтаған имандар.

Ұрпағыңның ертеңіне жол ашып,

Өміріңнің өр шақтарын қуғандар.

Ұстаз, ұстаз, ұстаз – ұстаз ұлттың тірегі,

Ұстаз, ұстаз, ұстаз – мектеп жүрегі.

1-жүр.: Ұлы ұстазым мәпелеп,

              Білім бердің бойыма

              Ілтипатты қалпыңмен,

              Шуақ бердің ойыма

2-жүр.:Жалғанда арман құшағын,

             Өзіңе мен де ұқсармын

             Жеткенше қайрат, күш әлім,

            Биікке самғап ұшармын, - дей келе оқушыларымыздың өлең шумақтарын тамашалайық.

1-оқушы:

                    Жақсы ұстаздың шын мәңгілік пайдасы,

                   Өзіне обал арзан дәріс айласы.

                    Ұстаз болу бақыт, әрі абырой,

                    Ұстаз деген шәкірттердің айнасы.

2-оқушы:

                    Хан бол, мейлің қара бол,

                    Дарын бол, мейлің дара бол,

                    Өтетін бәрі алдыңнан

                    Ұстаздар бейне сара жол

3-оқушы:

                    Ұстаздар - ұлттың тірегі

                    Ұстаздар – мектеп жүрегі.

                    Ұрпаққа жетер ұстазбен,

                      Халықтың ұлы тілегі.

4-оқушы:

                     Аманат жүгің көтерген,

                     Ұстаздық оңай іс емес.

                     Шаршауын шәкірт өтеген,

                     Ұстаздар осал күш емес.

5-оқушы:

                      «Ұстазым» - деген ұлы сөз,

                      Жүректің берген бағасы.

                      Мұғалім – ұстаз бола алса,

                      Баланың көп кой данасы.

1-жүр.:   Есігін аштық сырлы әлемнің айқара,

                 Нұрын шаштық аппақ гүлдің қайтара.

                 Раушан гүлдей оттай жайнап жүре бер,

                 Білім беріп, жалықпаған балаға.

2-жүр.:   О, ұстаздар басымды ием сіздерге,

                 Күллі әлемнің мұғалімдер күнінде.

                 Жүрегімнің лүпілінен шыққан сөз,

                 Сая тапсын ұлы ұстаздың жүрегінің түбінде.

1-жүр.: Ұстаз сөзін тік ұстауға қашан да,

               Ант беремін жалындаған арманға.

               Келешекте шәкіртімнің бәрін де,

               Шақырамын ұлт дәстүрін – қорғауға!

2-жүр.:  Мектеп – үйім, ұстаздарым – ата-анам,

                Сенен өсіп, сенен ғана нәр аламын, - дей келе ұстаздарға арналған шағын ғана кешімізді аяқтауға рұқсат етіңіздер.

Қорытынды: Білім нәрімен сусындатудағы, жас буынға дұрыс бағыт-бағдар берудегі ұстаздардың еңбегі зор екенін түсіндіру.

.