Әдебиеттік оқу Ақ қыс 3 сынып

Пәннің аты:Әдебиеттік оқу	Уақыты:19.12.2015	Кабинет:23	Мұғалім: Тлеубердиева И.Д.
Сабақтың атауы	Т.Айбергенов  Ақ қыс
Мақсаты	1. Төлеген Айбергенов туралы мәлімет бере отырып, «Ақ қыс» өлеңінің мазмұнын, мағынасын меңгерту. 2. Ақынның қыс мезгілін – ақ қолғапқа, іздерді – рояльдың ақ пернелеріне, сықырлаған қар дыбысын – аппақ әуенге теңеуі арқылы оқушылардың қиялын, ой - өрісін дамыту. 3. Оқушыларды бірізділікке, шапшаңдыққа, суретпен жұмыс жасай білуге тәрбиелеу. Түрі: дәстүрлі емес Типі: жаңа материалды меңгерту Принциптері: білімнің түсініктілігі мен өмірмен байланыстылығы, жүйелілік пен бірізділік, саналылық пен белсенділік, көрнекілік. Әдістері: түсіндіру, баяндау, тірек - сызба, сөздік жұмыс, тізбектеп оқыту, көрнекілік. Пәнаралық байланыс: математика, дүниетану, қазақ тілі. Көрнекілігі: интерактивті тақта, табиғат суреті, ақынның суреті, тірек - сызба, сөзжұмбақ.
Күтілетін нәтиже
Психологиялық ахуал	Қайырлы күн, досым! Қайырлы күн болсын. Сейсенбінің сәті Қуанышқа толсын! Біздің алар бағамыз Тек «5» қана болсын.		Оқушылар шеңберде жиналып,мұғаліммен бірге бүгінгі сабаққа сәттілік тілейді.
Топқа бөлу	1-топ 2-топ    3-топ   4-топ
Ой шақыру	1-топ: Суда қалқиды, Жылыда балқиды. (Мұз) 2-топ: Қолы мен қаламы жоқ, Бiрақ сурет салады көп. (Аяз) 3-топ: Ұшады зырлап, Жанын қинап, Ұлиды зарлап.   (Боран) 4-топ: Әуеде ақ мамық Қалбалақтап ұшады        (Қар) -Бұл қай жыл мезгіліне қатысты айтылған сөздер? -Осы жыл мезгілін тағы қандай сөздермен сипаттауға болады?		Балалар өз ойларын ортаға салады
Қызығушылықты ояту	Сонымен, біз бүгін Төлеген Айбергенов атамыздың «Ақ қыс» атты өлеңімен таныс боламыз. Төлеген Айбергенов – қазақ кеңес ақыны. 1937 жылы қарақалпақ елінің Қоңырат ауданында дүниеге келген. Ташкенттегі Низами атындағы педагогикалық институтты бітірген. Қоңырат ауданында, Оңтүстік Қазақстан облысының Сарыағаш ауданында мұғалім болған. 1965 жылдан бастап Алматыға келіп, Жазушылар одағында жұмыс атқарды. 1958 жылдан бастап өлеңдері «Қазақ әдебиеті», «Лениншіл жас» газеттерінде жариялана бастады. Айбергенов «Арман сапары» (1963), «Өмірге саяхат» (1965), «Құмдағы мұнаралар» (1968) өлеңдер жинағының авторы. Тірек - сызбамен жұмыс Ақ қыс Ақ қолғаппен құшақтап, Сақылдайды қыс аппақ. Өзен, теңіз, тау - төбе – Тегіс аппақ сәукеле. Жатыр іздер жосылған, Рояльдің басылған Ақ тіліне ұқсап қап... Ақ қыс – сұлу ақ өлең, Табанымның астында Таңғажайып ақ әлем. Сырласады, сырлассаң, Қырға асады, қырға ассаң. Аппақ әуен сықырлап, Жырлағалы тұр бассаң. Жанарынан жаз бүркіп, Тұр қыс күні сүйкімді. Оянбасаң, мәжбүр қып Ашатұғын ұйқыңды. Құлақ күйін оң бұрап, Төнеді аспан төбемнен. Аппақ қардан омбылап Көктем іздеп келем мен. Т. Айбергенов Өлең мазмұнын ашу         Өлең не туралы жазылған?   – Қыс мезгілі туралы. ·         Ақын қыс мезгілін қалай сипаттаған?  - Ақ қолғапқа теңеген ·         Қар бетіндегі адам іздерін неге ұқсатады? –рояльдің ақ пернелеріне ·          Жүрген кездегі қардың сықырлағанын ақын неге теңейді? – аппақ әуенге теңейді кездегі қардың сықырлағанын ақын неге теңейді? Сөздік пен жұмыс    Рояль – пернелі музыкалық аспап, фортепьяноның бір түрі.         Сәукеле – қазақтың ұлттық бас киімі. Келін киеді. Дәптермен жұмыс Дәптерімізді ашамыз, бүгінгі күнді, сынып жұмысын, ақынның аты - жөнін жазамыз. Туған жылын, тақырыпты жазамыз. Жазу барысында оқушы қалай отыру керек? Денеміз тік, дәптеріміз қиғаш тұрады. Сөздік жұмысты көшіріп жазамыз.
Мағынаны тану
Сергіту сәті			Шаршағандары басылады
«Жұптас, ойлан, бөліс» стратегиясы Мақсаты:топтық жаңа білімді жинақтау,ынтымақта са жұмыс жасай отырып, өз ойларын еркін, дәлелді түрде жеткізе білуге ықпал ету.	Шағын топтарға тапсырмаларды таратып беру: 1-топ: 1.Өлеңді шағын әңгіме түрінде жазу. 2-топ: 1.Өлеңдегі бейнелі сөздерді тап. 3-топ:  1.Эссе жазу: «Қыс» өлеңінен алған әсерім 4-топ: Ассоциация құру. Қысқы табиғат құбылысы қандай?		Шағын топтардағы спикерлер оқушыларға тапсырмаларды бөліп береді де, бірлесе орындайды. Топ алдында жұмыстарын қорғайды. Жұмысты қорғауға шығатын оқушыны топ спикері анықтап отырады.
Ой толғаныс	Венн диаграммасы Бұл өлеңнің авторы кім? Дұрыс, Абай Құнанбаев. Енді Абай Құнанбаев пен Төлеген Айбергеновты салыстырып көрейік. Венн диаграммасы ● Т. Айбергенов. 1937 - 1967жж. Қарақалпақ елінің Қоңырат деген жерінде дүниеге келген. ● Ұқсастықтары: Ақын. Қыс мезгіліне байланысты өлеңдері бар. Өлеңдері теңеу түрінде ● А. Құнанбаев. 1845 - 1904 ж. ж. қазақ елінің ұлы ақыны Сұрақтары: 1. Қап - қараңғы мерзім. 2. Қысқы жауын. 3. Жазғы табиғат құбылысы. 4. Аспан мен жердің шекарасы. 5. Қыстап қалатын құстардың бірі. 6. Үскірік.... Қатты суық кез. 7. Жыл мезгілі. 1. Бүгін біз қай ақынмен таныстық? 2. Т. Айбергенов қай жылдары өмір сүрген? 3. Ақын қай жерде дүниеге келген? 4. Төлеген атамыз қандай институтты бітірді? 5. Ақынның қандай өлең жинақтары (кітаптары) бар? 6. Біз қандай өлеңімен таныс болдық? 7. Ақ қыс өлеңінде ақын қысты қалай суреттейді? 8. Қар бетіндегі адам іздерін не нәрсеге ұқсатады? 9. Жүрген кездегі қардың сықырлағанын неге теңейді?
Үйге тапсырма	Үйге тапсырма: өлеңді жаттау. Ауылымыздың қысын сипаттап жазу.		Күнделіктеріне жазып алады
Бағалау	Оқыту үшін бағалау және оқуды бағалау		Бағалау парақшасын толтырады.
Кері байланыс			Смайликтерді өзі қалаған нұсқаға жабыстырады