Әдебиеттік оқу. Ашық сабақ "Қар" (3 - сынып)

Пәннің аты: Әдебиеттік оқу	Уақыты:19. 12. 2015ж. Сағ: 14. 25	Кабинет: Физика  кабинеті.	Мұғалім: Темиргалиева Кенжегуль Алжапаровна .
Сабақтың атауы	Сафуан Шаймерденов  «»Қар»
Мақсаты	Сабақтың мақсаты: а/ Автор жайлы  мағлұмат беру.Мәтіннің мазмұнын таныстыру,мәтіндегі негізгі ойды ұғындыру. Оқушылардың қар жайында,оның пайда болуы,қардың түсі,түрі  жайлы түсініктерін кеңейту.ә/Топтастыру арқылы оқушылардың сөйлеу ,тыңдау мәдениетін  дамыту б/Табиғатты сүюге оны қорғауға және бір біріне деген  мейірімділікке тәрбиелеу
Күтілетін нәтиже	Сабақтың түрі: жаңа сабақ. Сабақтың әдісі:топтастыру,баяндау,жинақтау. Сабақтың  көрнекілігі: слайд, қарлар, Ассоцияция парағы, шығармашылық тапсырма, бағалау парақшасы. ойыншықтар, шырша. Сабақтың өтілу барысы: І.Ұйымдастыру бөлімі.      Оқушы  зейінін сабаққа аудару.
Психологиялық ахуал	Балалар кеше ғана қандай мерекені тойладық? «Тәуелсіздік  күні» «Тәуелсіз  елім – Қазақстан» өзімнің шығармашылығымдағы өлең оқыту.  (Жансая, Ерке , Ерзат)		Оқушылар тәуелсіздікке арналған өлеңді оқып , бүгінгі сабаққа сәттілік тілейді.
Қызығушылықты ояту:	Қарлар арқылы  топтастыру,әр топтың топбасшысын сайлау . Бағалау парақшасын  тарату. 1.     Желтоқсан 2.     Қаңтар 3.     Ақпан		Оқушылар ұнаған қарды таңдап, топқа бөлінеді. Әр топбасшысы Бағалау  парақшасына өз тобындағы балалардың атын  жазады.
Мағынаны тану: ІІ.Өткен сабақты пысықтау. Үйге берілген тапсырманы тексеру,пысықтау:    «Қызылшұнақ»              Әр топтан 1 оқушы  өлеңді  жатқа  айтады . «Кір  жаятын жіп»ойыны арқылы үйден салған  суреттеріне стикер жапсырады . Ең  әдемі  суретімен  көп стикер жинаған балаға ұпай беріледі. ІІІ.Жаңа сабақ   даярлық:   Кім жылдам? Балалар  қазір біз қандай тараудың шығармаларымен  танысып  жатырмыз.  « Туған жерге қыс келді.» Ендеше қысты қалай елестетесіңдер оны мына суреттерге Ассоцияция жасау арқылы  көрсетіңдер.   (Қыс , қар , аққала)  Жұмбақ шешу  арқылы жаңа сабақтың  тақырыбын ашу.      Қыста ғана болады.       Ұстасаң қолың тоңады?(қар)       IV.Жаңа сабақ  :   «Кел,танысайық!»  С.Шаймерденов   «Қар»    А)Автор жайлы мәлімет беру.         Сафуан Шаймерденов-1922 жылы 15 сәуірде , Солтүстік Қазақстан облысы Жамбыл ауданы Амангелді ауылында дүниеге келген. Орта мектепті бітірген соң, өз ауылының орталау мектебінде біршама уақыт мұғалім болды.1950 жылы ҚазМУ-дің филология факультетін үздік бітірді. «Болашаққа жол» атты алғашқы романы 1953 жылы жарық көрді.1992 жылы Қазақстан Республикасының Халық жазушысы құрметті атағына ие болды. “Құрмет белгісі” орденімен және бірнеше медальдармен марапатталған .23 ақпанда 2007 жылы қайтыс болған.     Ә) Оқулықпен жұмыс. Тізбектей оқу.    Б)Мәтінді талдау : ( Әр топқа сұрақ қою)  - Қар жауған соң айнала қалай  өзгереді?  - Жазушының «денені түршіктірер зәрі бар» деген сөзін қалай түсінесіңдер?  - Мәтіннен қар жауыр тұрған кезді  суреттейтін тұсты  тауып оқы.          В)Мұғалімнің түсіндіруі:       Қар-түсі ақ,дыбыссыз,салмағы тым жеңіл, дене түршіктірерлік суық болады,жылудың әсерінен суға айналады.Қардың көлбемей,тік , баяу жаууы желдің болмауына байланысты, ал қардың жапалақтап, қиыршық болып ери жаууы даладағы ауа райының сууы мен жылуына , желдің болу-болмауына байланысты.  Демек күздегі жауын, жаздағы жаңбыр және қыс мезгіліндегі қар –бұлар жауын-шашынға жатады.  Сендер білесіңдер ме? (қар түрлерімен таныстыру)
V.Сергіту сәті	Ішік, пима, қолғап бар, Арада жоқ тоңғақтар. Баста қалың малақай, Біз тоңбаймыз алақай.		Оқушылар әр түрлі қимыл жасау арқылы денелерін сергітеді.
VI Ой толғаныс .«Мұздақ» бөгеті.	а/ Ой қозғау.(оқушылардың ойларын тыңдау)           сұрақ – жауап :  -  Сонымен балалар , қар туралы не біледі екенбіз? (балалардың жауабын тыңдау)  -   Қардың түсі ақ, суық, қолымызбен ұстасақ, ол еріп кетеді, демек ол жылыдан еріп суға айналады.  - Жауып тұрған қарға алақанымызды тоссақ – ол алақанымызда ақ ұлпа болып көрінеді.   ә/Қандай қар түрлерін  білесіңдер?омбы қар, сонар қар, сүр немесе мұздақ  қар , ұлпа қар, күпсек қар , жапалақ қар Дәптермен  жұмыс : Қар түрлерін жазып ал.
VII  Бекіту: «Қызықты қыс елінде»	Әр  топқа шығармашылық тапсырма: 1.     Қыс туралы эссе жаз. 2.     Бес жол өлең құрастыр. 3.     Геометриалық фигуралардан құрама жаса. Проблемалық  сұрақ: Жазда неге  қар жаумайды
VIII Үйге тапсырма	1.     Қар мәтінін   мазмұндау. 2.     6 – тапсырма.		Күнделіктеріне жазып алады.
IX    Бағалау	Оқыту үшін бағалау және оқуды бағалау		Бағалау парақшасын толтырады.
X    Кері байланыс	Сабақ   ұнады, толық ұқтым. Ұнады , тағы білгім келеді. Түк  ұқпадым.		Ойыншықтарға өз әсерлерін жазып,  шыршаны безендіреді.