Әдебиеттік оқу сабақ жоспары

Сабақтың тақырыбы: Тарқаған өкпе.

     Сабақтың мақсаты: мәтіннің мазмұнын өмірмен байланыстыра түсіндіруге мүмкіндік беру.

     Күтілетін нәтижелер:

     пәндік нәтиже:  шығармадағы негізгі ойды анықтай алуға, тақырыбын аша отырып жүйелі мазмұндай білуге үйрету;

    жүйелік-әрекеттік нәтиже: оқушылардың шығармашылық қабілеттерін шыңдай түсу; ойын ашық айта білуге және өзгенің пікіріне құрметпен қарауға үйрету;

    тұлғалық нәтиже: адалдық пен достықты бағалай білуге тәрбиелеу.

    Сабақтың көрнекілігі: достық, адалдық туралы мақал-мәтелдер.

    Сабақтың барысы:

    Ұйымдастыру кезеңі.

    Оқушылардың сабаққа әзірліктерін қарап шығу.

    І. Қызығушылықты ояту.

    «Деректер сөйлейді» айдарымен тапсырма беру.

  -  Төмендегі берілген жылдардың ішінен қай жылды ерекше деп санайсың? Қай жыл сен үшін ерекше: 1991 ж., 1986 ж., 2000 ж., т.б. (Осы жылдарда елімізде қандай ерекше оқиғалар болған? Иә болмаса оқушылардың туған күндерін жазып қоюға болады. Мүмкін отбасылық ерекше оқиғалар сай келуі де мүмкін.)

  - Қалай ойлайсың, сенің сыныптастарың қай жылы дүниеге келген?

  - Өзіңмен бірге оқитын достарыңды демалыс күндері іздейсің бе, көргің келе ме?

  - Бірге бір сыныпта оқып жүрген достарыңды басқаша қалай айтуға болар еді? (Синонимді тап.)

  Дос – құрдас, сыныптас, жасты.

  Осы сөздерді кезекпен айтқызу арқылы топтарға бөлу.

  Бүгінгі достарға арналған бірнеше бекеттен, кедергіден өтетіндей тапсырмаларды орындауды ұсынамыз.

   ІІ. Мағынаны тану.

  Бірінші бекет:       «Дос болмас сыртта жүріп мақтамаса,

                                 Бірін-бірі жамандықтан сақтамаса».

  Аталған мақал-мәтелдің мағынасын ашып, тапсырмасын орындау.

  Тапсырмасы: мәтінді сынып оқушыларымен түсініп тізбектей оқу.

  - Қалай ойлайсыңдар, жоғарыда аталған мақал-мәтелді мәтінге қандай қатысы бар екен?

  - Алдан қандай қателік жасап қойды?

  - Ол қателігін қалай түзетті?

  Екінші бекет: «Айырылмастай досыңа қайрылмастай сөз айтпа». Мақалдың мағынасын ашу.

  - Мәтінде осыған сай ой айтылды ма? Ол кімнің сөзі? Тауып оқу.

  Мәтіндегі мақал-мәтелді тауып, мағынасын ашып, дәптерге жазып алу.

  Осы бөлімге сай мәтін соңындағы сұрақ-тапсырмаларды тауып орындау.

  Үшінші бекет. «Дос табу оңай – сақтауы қиын, жауласу оңай – тоқтауы қиын». (Жүсіп Баласағұн).

  Мақалдың мағынасын ашу.

- Айтылған ойға Алдан мен Сәруардың арасындағы достықтың қандай қатысы бар?

- Өзіңді Алданның орнына қойып көр. Сен не істер едің?

- Алданның анасы не үшін риза болды?

Сергіту сәті (жаттауға жеңілірек, қимыл-қозғалыс әрекеттеріне келетін өлең таңдап алу қажет).

          Алыстағы досыңа ат берсең де жарасар –  үйіне мініп барсын деп.

          Жақындағы досыңа хат берсең де жарасар –  ұмытса есіне алсын деп.

  ІІІ. Ойтолғау.

  - Осы оқиғаның орын алуына не себеп болды?

  Жұпта, топтар арасында талқыға салып, ортақ шешімдерін айту.

  - Оның ауырып қалуына не себеп болды?

  - Сен өзің қалай емделесің? Өзің үшін ең тиімді емді ата.

  - Өз бетіңше емделудің қауіп-қатері неде?

  Сабақты қорытындылап, оқушыларға үй жұмысын беру.