День матери (вторая младшая группа)

Порсын кумылан ава

Цель: формирование любви и уважения к своей маме, а так же повышение творческой активности детей через пение, чтение стихов на марийском языке.

Звучит марийская музыка.

Вӱдышӧ: Поро кече эн йӧратыме, пагалыме порсын кумылан ава-влак. Таче ме тендам Аван кечыж дене саламлена. А пӧлекым тыланда йӧратыме йочада-влак ямдыленыт.

1 йоча:

Авам уло –

Ӱстембалне тамле сий.

Авам уло –

Мыланем йокрок ок лий.

2 йоча:

Палем: мыйым

Авиемже йӧрата

Чиктен сайын

Йочасадыш ужата.

3 йоча:

Таче аванами саламлена

Пеҥгыде тазалыкым да кугу пиалым тыланена!

Муро «Авамлан пӧлек»

(Мутшо В.Сапеевын, семже Д.Кульшетовын)

Карлсон куржын пура.

Вӱдышӧ: Салам лийже, Карлсон! Шогал, кушко тынар куржат? Ит вашке!

Карлсон:

Поро кече йоча-влак!

Ӱдыр, эрге да ава-влак!

Салам лийже йолташ-влак!

Чылан мыйым палышда?

Йоча –влак: Палышна.

Карлсон:

Мо пеш сылне, да мотор

Чыланат те улыда?

Ончем, мыйым вучеда?

Мӧр вареньым ямдыленда?

Вӱдышӧ:Пагалыме Карлсон, таче мемнан кугу пайрем. Ме йӧратыме ава-влакым пайрем дене саламлена.

Карлсон: Ох, ох, ох! Мо тыгае? Томаша! Кузе мый тыгай пайремым монден кертынам? Пӧлекымат ямдылен омыл.

Вӱдышӧ: Тынаре ит ойгыро. Мемнан дене пырля модаш тол.

Карлсон: Мый модаш йӧратем.

Конкурс «Шке йочатым пален нал»

(ава-влак шинчам петырен шке йочаштым пален налшаш улыт).

Вӱдышӧ: Тиде сылне пайремлан йоча-влак почеламутым ямдыленыт .

1 йоча:

Кӧн тынаре шӱмжӧ сае-

Шокшо, пушкыдо, ласка?

Аван!

2 Йоча:

Шочшыж верчын шӱшпык семын

Кӧн йӱд омыжо уке?

Аван!

3 йоча:

Патыр воин эрге-влакым

Кӧ тыге ончен куштен?

Ава!

4 йоча:

Шочмо-кушмо шерге мландым

Кӧ саклен илаш кӱштен?

Ава!

5 йоча:

Кӧ тынаре лишыл, сае,

Шокшо кумылан, ласка?

Ава!

6 йоча:

Курым мучко кече гае

Кӧ тынаре шымата?

Ава!

Вӱдышӧ: Тау, йоча-влак! А ынде пагалыме авана-влак йоча-влак тыланда куштымашым пӧлеклат.

«Пучымышым шолтена»

Йоча-влак шинчыт.

Карлсон: Пеш кертыда. Мыйынат кушталтымем шуын колтыш. Ноен огыдал? А мый тендам эше модыктынем. Мый палем те пеш тале ӱдыр-рвезе улыда, авалан полшаш йӧратеда. Айста ончыктена, могай ме полышкалыше улына.

Модыш «Вургемым мушкына»

(йоча-влак модын ончыктат)

Тувырым ме мушкына,

Тудым чот пунчалына,

Вара тазыш пыштена,

Да кашташке сакена.

Изи мардеж пуалеш,

Тувырнаже кошкалеш.

Карлсон: Вот тыге ме авалан полшен моштена. А ынде ава- влак дене модаш жап толын шуо.

Конкурс: «Вургемым коштена»

(тазыште вургем кия, тудым кашташ кӧ эт виян сакен шукта).

Карлсон: Пеш кугу тау. Мом мом, а вургемым кашташке талын сакен моштеда.

Вӱдышӧ: А кызыт пагалыме ава-влак тыланда муро.

Муро «Авамлан муро»

Вӱдышӧ: Тау йоча-влак! Тыге мемнан концертна мучашке лишеме. Могай сай кунам чыла сайын пыта.

Карлсон(тыланымаш):

Аван пайремже (М. Якимов)

Тек кава эре лийже канде,

Тек эре пеледалт шога мланде,

Тек эре лиеш сай авана,

Тек эре ме пелен лийына.

Ава кумыл пелед толшо мланде,

Ава шӱм келшымаш, куатна

Ава – тиде тӱнян илыш вожшо,

Аван вий ден пӧрдеш мландына!

Литература:

1. Крылов В.В. «Порсын кумылан ава»Й-Ола, 2004;

2. Кольцова Р. «Мераҥын шочмо кечыже».