«Диалогтік оқыту арқылы оқушы белсенділігін арттыру» коучинг-сабағы

«Диалогтік оқыту арқылы оқушы белсенділігін арттыру»

коучинг- сабағы

Мақсаты	Мұғалімдердің диалогтік әдісін тиімді қолдану, оқушының топтық, жұптық жұмыс түрлерін ұйымдастыру арқылы белсендіру, қызығушылығын ояту.
Күтілетін нәтиже	Коучингке қатысқан мұғалімдер диалогтік оқытуды іс жүзінде тиімді қолдануға дағдыланады, оқушылардың айтылым, жазылым, тыңдалым  дағдыларын қалыптастыруға жетелейді.
Түйін	Диалогтің маңызын ашу, сабаққа оқыту нысаны ретінде әңгімелесуді енгізу. Барлық оқушылардың білім алу, мақсатқа жету мен сынып өміріне қатысу қабілеттерін арттыру үшін оны тұлға ретінде дамытуға ерекше назар аудару болып табылады. Диалог сабақта оқушылардың қызығушылығын арттырумен қатар, олардың білім деңгейінің өсуіне үлес қосады.
Сабақта қолданылатын материалдар	Бейнежазба, үлестірмелі материалдар, постер, маркерлер
Әдіс-тәсілдері	Топтық, жұптық, ұжымдық, сәйкестендіру тесті. «қатені табу» әдісі, салыстыру,  зерттеу

Сабақ барысы

Уақыты, тапсырма	Коуч іс-әрекеті	Мұғалімдер іс-әрекеті
Таңдау. Топқа бөлу.	Сары, жасыл, қызыл түсті стикерлер арқылы 3 топқа бөледі. -          Бұл түстердің сыры неде? -          Бұл түстермен қандай ассоциация пайда болады? -          Неге сіздің таңдауыңыз осы түске түсті?	Мұғалімдер өздеріне ұнаған үш түсті стикерлердің  біреуін таңдап, топқа бөлінеді.
Психологиялық ахуал тудыру.	Жыл мезгілдеріне қарай амандасу: Қыста туған қайратты жандарға сәлем. Көктемде туған көрікті жандарға сәлем. Жазда туған жайдарлы жандарға сәлем. Күзде туған берекелі жандарға сәлем.	Жыл мезгілдеріне қарай  бір-біріне қол бұлғап амандасады.
Интерактивті тақтамен жұмыс	Суреттерді көрсету арқылы коучинг тақырыбын анықтауға мүмкіндік береді. -          Суреттерден не көреміз? -          Қандай тақырыпта өтпек? -          Бұған дейін диалогті екі адам  арасындағы әңгіме деп біліп келдік. -          Екі суретті салыстырайық.	Мұғалімдер диалогке түседі. Суреттер арқылы коучинг тақырыбын ашады.
Өзін-өзі бағалау	Өзін-өзі бағалау парағын беру. Қатысушының аты-жөні «Қатені табу» әдісі Сәйкестендіру тесті Бейнефильм - мен жұмыс Мәтінмен жұмыс Постер жасау	Мұғалімдер өз белсенділіктеріне қарай бағалау парағына «+» белгісін қойып отырады.
Табыс критерийі	Мұғалімдерден мақсат қоюларын сұрайды. Табыс критерийін стикерге жазуларын өтінеді. 1. Диалогтік оқыту жайлы, оның маңыздылығы жайлы түсінемін. 2.   Өз сабағымда әңгіменің қай түрі сипат алатындығы жайлы білемін.	Мұғалімдер коучинг мақсатын өздері айтады. Айтқан мақсаттарын стикерге жазады.
Айтылым. «Қатені табу» әдісі. Интербелсенді тақтада пікірлер беріледі. Жұптық жұмыс.	1.  Диалогтік оқытуды тек екі адам арасында ғана жүргізуге болады. 2.  Диалог жүргізу арқылы оқушылардың пәнге деген      қызығушылығын арттыруға болады. 3. Сұрақ дұрыс қойылған жағдайда оқытудың тиімді құралына   айналады. 4. Мұғалімдер сұрақтың екі түрін: төмен дәрежелі және      жоғары дәрежелі сұрақтарды кеңінен қолданады. 5. Диалогтік оқытудың топтық жұмыста  тиімділігі болмайды.	Мұғалімдер берілген пікірлерден қатені табады. Өз ойларын дәлелдейді.
Сәйкестендіру тест тапсырмасы . Топтық жұмыс	Топтарға 5 сұрақ пен сұрақ жауапттары  беріледі.  1.      Диалог дегеніміз не? 2.      Диалогтік оқыту 3.      Әңгіме дегеніміз не? 4.      Сұрақты қалай қою керек? 5.      Сұрақтың қандай түрлері бар? Жауаптар: 1. Диалог – екі не бірнеше адамның кезектесіп сөйлесуі арқылы берілетін ауызекі тілдегі ерекше форма. Диалогтік әңгіме – белгілі бір тақырыпқа бағытталған диалог жүргізуге негізделген вербалды- коммуникативтік әдіс. Диалог барысында идеялар екі бағытта жүріп, оқушының қарқынды білім алуына септігін тигізеді. Диалог барысында оқушылар (сондай-ақ олардың мұғалімдері) тең құқылы серіктестер болып табылады. Олар бар күштерін келісілген нәтиже алуға жұмсайды және Мерсер (2000) айтқандай, бірлескен білім алу немесе «пікір алмасу» үдерісіне тартылады. 2. Диалогтік оқыту - мұғалімнің оқу материалын оқушыларға түсіндіріп, оқушылардың сол оқу материалын меңгеруі мақсатында оқу материалын дайындаудың және баяндаушы әңгіме жүргізудің нақтылы реттеуші ережелерін ескере отырып құрылған оқыту мен оқу тәсілі. Оқушыларды мәселені (проблеманы) анықтап, оны шешуге итермелейді және олардың оқудағы іс-әрекеттерін белсенді етуді көздейді. 3. Әңгіме - оқушылардың ой әрекетін жандандыру мақсатында қолданылатын оқыту тәсілдерінің бірі; әңгімелесу үдерісінде оқушылар мұғалім қойған және құрдастарында пайда болған сұрақтарға жауап бере отырып, жаңа білім алады, бар білімдерін қайталап, бекітеді.  Оның үш түрі болады: дебат, кумулятивті, зерттеушілік.  4. Сұрақ қою маңызды дағдылардың бірі болып табылады, себебі сұрақ дұрыс қойылған жағдайда оқытудың тиімді құралына айналады және де оқушылардың оқуына қолдау көрсетіп, оны жақсарта және кеңейте алады. Сондықтан сұрақ қою кезінде мұғалім оқушының жаттанды жауап бермей, ойланып, өз ойын қоса отырып, жауап беретіндей етіп қойғаны дұрыс. 5. Оқушылардың тақырыпты түсінуіне қол жеткізу үшін, мұғалімдер сұрақтың екі түрін: төмен дәрежелі және жоғары дәрежелі сұрақтарды кеңінен қолданады. Оқушының білім алуын қолдау үшін, сұрақтың ашық және жабық түрлері қолданылады. Жоғары дәрежелі және ашық сұрақтар оқушылардың ойлау қабілетін дамытатын сұрақтар болып табылады. Ал төмен деңгейдегі және жабық сұрақтар оқушылардан тек дайын жауапты алу үшін қолданылады.	Мұғалімдер сұрақтардың тиісті жауаптарын сәйкестендіреді. Өз жауаптарына комментарий жасайды.
Тыңдалым. Бейнефильмді көру. Топтық жұмыс. Мерсер негіздемесі бойынша диалогтік оқытудың үш түрі бар: - Әңгіме - дебат - Кумулятивті - зерттеушілік	Бағыттаушы сұрақтар: - Бейнефильм мазмұнынан не байқадыңыздар? - Үш бейнежазбаның айырмашылығы бар ма? Қандай? -  Алдарыңыздағы әңгіменің 3 түріне берілген  сипаттама бойынша бейнежазбалардың қай әңгіменің түріне жататындығын анықтаңыздар. Топ ішінде талдаңыздар.	Топ мүшелері бейнефильмді көреді. Бейнефильм мазмұны бойынша ой бөліседі. Бейнефильмдердің түрлерін ажыратады. Осы әңгіменің үш түрінің қайсысы ең маңыздысы екенін анықтайды.
Таныстырылым.	Диалогтік оқытуда сұрақ қою маңызды орын алады. Сұрақтардың түрлері: Төмен деңгейдегі, жоғарғы деңгейдегі Сұрақ қою техникасы: түрткі болу, сынақтан өту, қайта бағыттау Түрткі болу: сұрақты қарапайым етіп қою, өткенді пысықтау. Сынақтан өту: толық жауап беруге, ойын толық айтуға итермелейді."Сіз мысал келтіре аласыз ба? "деген сұрақтармен бағыттайды. Қайта бағыттау - сұрақты басқа оқушыларға бағыттайды."Көмектесе алатындарың бар ма?" деген сұрақ қойылады.	Таныстырылым арқылы сұрақтың түрлерімен танысады, сұрақ түрлеріне мысал келтіреді.
Жазылым. Мәтінмен жұмыс. Топтық жұмыс	Мұғалімдерге мәтін беріледі.  Мәтін  бойынша 4 сұрақ құрастыру тапсырмасы беріледі. 2 сұрақ жоғары деңгейдегі, 2  сұрақ төменгі деңгейдегі.	Топта мұғалімдер 2 жоғары деңгейдегі, 2 төмен деңгейдегі сұрақтар құрастырады.
Топтық жұмыс	Топтарға ашық сұрақтар беріледі. 1. Диалогтік оқыту оқушыларға не береді? 2. Диалогтік оқытудың мұғалім үшін маңызы қандай? 3. Оқытуды диалогтік тәсілмен дамытудағы сұрақтардың маңызы.	Мұғалімдер ашық сұрақтар төңірегінде зерттеу жүргізіп, постер қорғайды.
Рефлексия	Табыс критерийіне тоқталу.  -          Қаншалықты табыс критерийіңіз орындалды? -          Орындалуы мен орындалмауына не себеп болды? «Екі жұлдыз, бір тілек»