Ашық сабақ жоспары
Тақырыбы: Ж дыбысы мен әрпі
Мақсаты: 1. Ж дыбысы мен әрпін таныту, ол арқылы берілген сөздерді оқу мен жазуға үйрету.
2. Оқушының логикалық ой-өрісін, өз ойларын еркін жеткізе білу дағды ларын дамыту
3. Ынтымақтаса жұмыс жасай білуге, жақсыны үйреніп, жаман әдеттерден аулақ болуға тәрбиелеу.
Көрнекілік: Суреттер
Сабақ барысы:
Ұйымдастыру : Сәлемдесу, Оқушылардың сабаққа дайындықтарын білу
Психологиялық тренинг
Сынып іші тап-таза
Дайын екен тақта да
Ойымызды жинақтап
Отырайық партаға.
Жаксы, балалар сендер дайын болсаңдар сабағымызды бастайық
Қане жұмбақ шешіп жіберейікші:
Жазда тұрып жоғары
Кузде жерге қонады ( Жапырақ) Қай әріптен басталып тұр. Буынға бөліп жіберейікші
Ж әрпі сөздің қай буынында кездеседі.
Жақсы ендеше сендердің топтарыңның аты «жапырақ» болсын.
Тырс тырс тамады
Сайға қарай ағады (Жаңбыр)
Қара ала тоны бар
Аңдардың ол краны
Оны сен де танып ал
Серейіп кеп тұрады (Жираф)
Түбірлі төртеу
Түймемен бесеу
Ерубай екеу
Мамық жалғыз (Жылқы) Осылайша барлық жұмбақтың шешулеріне, дыбыстық талдау жасап, Ж әрпінің орныны анықтау.
Әр топқа жеке-жеке сурет беру, сол суретке қарап, әңгіме құрау.
-Суретте не көріп отырсындар?
- Екі сурет бірдей ме? Оқушы ойы
Білу: Әр топтағы суреттің мазмұнын ашу .
Суреттерді тақтаға іліп, қорғау.
Түсіну: Енді топтар бір –біріне сұрақ қою. Бір – бірінің суретін алмастырып сұрақ қояды.
Қолдану: Жақсы, балалар ендеше, алдарыңда мақал –мәтелдер дайын тұр, осылардың қайсы сенің суретіңе келеді деп ойлайсың, топ ішінде ақылдасып, суретіңнің қасына апарып жапсыра ғой.
Сергіту сәті: әуенмен жасау
Талдау: Постер құру: Жақсы - Жаман
Балалар өз ойларын жазады. Тақтаға шығып оқып, жапсырады.
Жинақтау: Жақсы мен Жаманды талдадыңдар, Енді осы екеуінде ортақ не бар, тақтадағы суреттерге қарап айта қойыңдаршы, (ауызша)
Бағалау: Сонымен балалар қаншама суретпен жұмыс жасадыңдар, қандай қорытынды жасаймыз, осының түйіні не? Оқушы ойын тыңдау
Рефлексия: Сен қандай болғың келеді?
-Қандай адам болуымыз керек деп ойлайсыңдар?
-Мақалмен де айтуға болады
Жақсыдан үйрен,
Жаманнан жирен
Сабақ ұады ма? Егер ұнаса күліп тұрған смайлик, ұнамаса қабағы түскен смайлик котеру.
Жақсы, мен де сендерге әдепті, ақылды, адамгершілігі мол, үлкенді сыйлайтын
азамат, азаматшалар боп өсулеріңе тілектеспін
Мұғалім: Кабдуллина Анар Кабиденқызы Тәрбие сағаты
Керемет ана
1-жүргізуші
Армысыздар, аналар алтын жүректі,
Барша ғалам сіздерге арнар тілекті.
Бүгінгі күннің атауы ерек біздерге
Ән шашу,би арнамақпыз сіздерге!
2- жүргізуші
Ардақты аналар, құрметті қыздар! Мерекелеріңіз құтты болсын!
Жүргізуші:
Ана! Әлем үшін ең қасиетті сөз! Ең қасиетті ұғым! Әлемді әлдилеген ана алақанынан аялы, ана құшағынан ыстық, ана есімінен құдіретті, ана үнінен жұмсақ не бар екен бұл өмірде.
4-Жүргізуші
Дұрыс айтасың, «Ана» дегеніміз әлемнің жан дүниесі. Ол тіршілік, үлкен тағдыр. «Ана» - сөзі елең еткізбей, жылылықпен шуақты сездірмей қоймайды.
Жүргізуші
Олай болса,
Той пердесін ашайық ,
Тойға шашу шашайық .
Аналарды құрметтеп,
Ән маржанын шашайық- деп алғашқы құттықтау әнімен ортамызға..........Адия кызымызды...шақырамыз!
2-жүргізуші
Алтын анам жасымнан аялаған
Мен үшін игілікті аямаған
Сабақтан шаршап үйге келгенімде
Бал сөзі- «жаным» деген, сая маған деп біз бүгінгі «Керемет ана» атты сайысымызды бастайық!
3-жүргізуші
Ендеше,
Мереке екенін ескеріп,
Отырар ылғи бес беріп,
Әділқазыны сайлайык,
Ортамыздан тез теріп –деп әділқазы алқаларын таныстырып өтсем
1.
2.
3.
4- жүргізуші:
Аяулы аналарымыз бүгін төмендегі кезеңдер бойынша сынға түсетін болады. Олар:
3- жүргізуші
«Тегін білген тектілік» таныстыру
4- жүргізуші
«Өнерлі өрге жүзер» баласымен өз өнерін көрсету
3- жүргізуші
«Бала тілі бал» балалық шақтағы қызықты оқиғаны бала тілімен айту
4- жүргізуші
«Кім жылдам» блиц-турнир сұрақтары қойылады.
3- жүргізуші
«Тосыннан тап болған жағдаят»
4- жүргізуші
«Дәм-думан» әр түрлі ұлттың тағамдарынан сайыс
1- жүргізуші
Амандасу ең үлгі, ізеттілік,
Салем салу ол дағы бір ептілік.
Қазақ атам айтқандай бәрімізге
«Тегін білген болады ең тектілік» -деп таныстыруға кезек берейік
2-жүргізуші
«Ана» деген аялы астарлы ұғым,
«Әке» деген ерекше асқарлы ұғым
«Қос бәйтерек» әнімен шашу шашар,
Ортаңызда сүйкімді қос құлының
3-Жүргізуші
Ана! Өмірдегі ең қасиетті жан. Ана бойында қаншама ізгі қасиет жатады. Жүрегінде толған мейірімділік мекендейді.Анадай шебер, анадай еңбекқор, анадай өнерлі жан жоқ шығар өмірде.
4-Жүргізуші
Олай болса, сындай әдемі мерекеде, әдемі аналарымыздың, әдемі өнерлерін тамашаласақ. Кезек «Өнерлі өрге жүзер » кезеңіне беріледі.
1-Жүргізуші
«Ананың сүті бал,
Баланың тілі бал»,
Балалық шақты еске алып
Қанеки,бір күліп ал!- деп
2-жүргізуші
«Бала тілі бал» сайысына кезек берсек..
3- жүргізуші
Өмірдің иесі сен, ғазиз Ана.
Келтірген дүниеге нелер дана
Анасыз батырда жоқ, ақында жоқ
Өмірдің алтын кілті сонда ғана -деп кезекті қыздарымыздың би шашуына береміз.
4-Жүргізуші
« Шығыс » биі. Қабыл алыңыздар!
1-Жүргізуші
Күні бойы «балам» деп жүгіреді,
Құлыным деп тағы да кідіреді.
Барлығына дайын болар ана жаны
Құдіретін осының кім біледі?- деп кезекті..
2-Жүргізуші
«Кім жылдам» атты сайысқа береміз.
4-жүргізуші
Өмір! Ол тосын жағдайларға толы. Ебін тауып, ептеп әрекет етпесең өкініп қалатын кезіміз көп болып кетуі мүмкін. Ал аналарымыздың нағыз сыналар жері жағдаят шешу сынағына дайындықтары қандай екен? Қане, көрейік...
3-Жүргізуші
Ендеше, «Тосыннан тап болған жағдаят» сайысына кезек берейік
2-Жүргізуші
Ұнайды маған анамның,
Нұрлы жүзі әзілдеген.
Ұнатам тағы тағамдарын
Тәп-тәтті етіп әзірлеген- деп
кезекті «Дәм-думан» атты соңғы шешуші сайысына береміз.
3-Жүргізуші
Анашым, асыл жаным, періштемсің,
Еркелесем, өтінсем келіскенсің.
Мен өзіңді ардақтаймын мақтаймын,
Сөз беремін, ақ сүтіңді ақтаймын.
4-Жүргізуші
« » әні сіздер үшін!
Осымен Керемет ана атты сайысымыз мәреге жетті. Қазылар алқасы өз шешімін шығарғанша ұлдардың Испан биін тамашалайық.
Сөз қазылар алқасына беріледі. Әр номинациа бойынша аналарымызды марапаттау.
Оставьте свой комментарий
Авторизуйтесь, чтобы задавать вопросы.