Инфоурок / Другое / Статьи / Доклад на Гердовские чтения

Доклад на Гердовские чтения



Московские документы для аттестации!

124 курса профессиональной переподготовки от 4 795 руб.
274 курса повышения квалификации от 1 225 руб.

Для выбора курса воспользуйтесь поиском на сайте KURSY.ORG


Вы получите официальный Диплом или Удостоверение установленного образца в соответствии с требованиями государства (образовательная Лицензия № 038767 выдана ООО "Столичный учебный центр" Департаментом образования города МОСКВА).

ДИПЛОМ от Столичного учебного центра: KURSY.ORG


библиотека
материалов

МБОУ Сарсак-Омгинский лицей Агрызского муниципального района РТ




Межрегиональная конференция »Гердовские чтения: Кузебай Герд и удмуртская традиционная культура»






Кузебай Гердлэн творчествоезъя нылпи садын но начальной школаын преемственностез радъян.


Зарни пырыосты люказ














2014




К.Гердлы

Уд калыклэн дано пиез вал со,

Чылкыт, зырдыт сюлмо, чебер тусо,

Кымыс шораз, оло, кылчин пусо.

Соин чогиз сое шайтан кусо:

Улон соку вал чогырес дурсо,

Коня чебер малпан луиз урдсо…

Ф.Пукроков


Таче кылбурен кутскеммы потэ вераськонмес К.Герд сярысь. К.Гердлэн гожъяськон вакытэз туж вакчи ке но вал, солэн улонэз яркыт кизилилэн лобемез выллем луиз. Со вал вордэм калыкезлэсь мылкыдзэ, шумпотонзэ но куректэмзэ усьтись но суредась адями. Со кылдытиз сюлме пычамонэсь произведениос, кудъёссэ мылысь-кыдысь эскеро нылпи садъёсын но школаосын.

Кузебай Герд - зэмос фольклорист. Калык верамъёсты, кырзанъёсты бичаса, ортчоно луиз бигер, удмурт но пор шаеръёсти. Юн зол яратэ вал калыкез, котькудиз адями потылиз солы тунсыко. Солэн творчествояз быдзым инты басьтэ нылпиослы сизем произведениосыз, кудъёсыз ке пыкъясько нылпи фольклор вылэ.

Вордиськем нунылы анаез яке семьяысь бадзымъёс, пиналзэс изьытон понна, кемалась дырысен шулдыр гурен кырзалозы вылэм. Пинал нырысь уг ке но вала, мар сярысь отын вераське, небыт кырзам гуръя ческыт умме усе («Выль нуны веттан гур»). Та кырзан туж матын нылпи садын ужасьёслы, сое кутыны луэ музыкальной занятиосын, релаксация амалэз кутыку, яке самой пичи пиналъёсты изьтыку. Нош та кырзанэз ик, школаын эскеро ини мургес: темазы, пуштроссы, чеберлыксы ласянь.

Нылпи садын котькуд нылпилэсь вераськонзэ паськытатон но кылосбурзэ узырмытон понна, ми портэм произведениоссэ уже кутиськом. К.Гердлэн творчествоысьтыз нылпи литературазэ таче люкетъёслы люкылыны луоно:

  1. гурт пудо-животъёс но тылобурдоос сярысь: «Кочыш но кечтака», «Кечпи», «Зазегъёс», «Атасъёс»;

  2. кыр пойшуръёс но тылобурдоос: «Луд кеч», «Чушъял», «Зольгыриос», «Куакаос», «Кучыран»;

  3. котырысь улос-вылосэн тодматон:

  • арлэсь вакытъёссэ возьматон: веросъёсыз – «Арлэн дыръёсыз», «Тулыс вуэ»; кылбуръёсыз «Тулыс», «Сизьыл», «Лысву», «Толалтэ вуон»;

  • котырысь будосъёсын тодматскон (растительный мир) «Кызьпу» «Улмопу», «Бакча эмыш октон»

  1. ужъёсын тодматскон, ужез данъян: «Дуриськись», «Пудочи», «Заводын», «Тулыс бакчаын» …;

Тае лыдэ басьтыса, нылпиослэсь вераськон кылзэс волятон понна, пичи группаосысен ик ужаськом таче люкетъёсъя:

А) нылпиослэсь кылосбурзэс паськытатон (обогащение речевого словаря) портэм существительнойёсын но глаголъёсын туж узыр кылбуръёс но веросъёс, кылсярысь, «Удмурт книга» но «Гуртын» кылбуръёсыз;

Б) куараосын ужан (звуковая культура речи, звукоподражание). Таче кылбуръёссэ кутыны луоно самой пичи группае ветлись пиналъёслы но: кылсярысь: ту-ту-ту, то-то-то («Пудочи»), трам!-трам!! Тра-ра-ра-рам! («Маршен ветлон»), зирр-зурр, шильк-шальк, гурр-дурр, тильк-тальк - кылиське «Заводын», бз-з-з! бз-з-з! бз-з-з! – кин-о со? «Бочы»но мукет.


Нылпи фольклорез К.Герд быгатыса кутэ куараосты шодонэныз, жингрес рифмаосын «шудыны» тыршеменыз, солэсь «Маршен шудон» кылбурзэ яратыса кутиськом физкультминуткаосамы нылпи садын но, школаын но.

К.Гердлэн нылпиослы сизем произведениосыз туж узырлыко. Шуом, котырысь улонэн тодматскыкузы, воспитатель вераськиз пойшуръёс, тылобурдоос сярысь. Со занятияз мадиськонъёс пыр возьматиз, кытын соос уло, мае сиё, кызьы уло. Нош самой тунсыкоез – со школаын. Отын дышетись уката мургес эскере кылбуръёсты портэм пумо амалъёсын. К.Гердлэн ужъёсыз юртто произведенилэсь пуш чеберзэ, крезьгурзэ мургес шодыны но валаны, визьлы но зеч сямъёслы дышетыны.

К.Гердлэн кылбуръёссэ туж капчиен дышето кызьы нылпи садъёсын но, озьы ик школаысь пичи классъёсын дышетскисьёс но. Солэсь веросъёссэ туж капчиен лыдзо пиналъёс. Нылпиос полын самой яратоно ужез, со - «Гондыръёс» поэма. Со туж матын луэ Пушкинлэн «Золотая рыбка» выжыкылэзлы. «Гондыръёс» поэмаын пумиське нылпи фольклорысь исаськонъёс, повторъёс, вазиськонъёс, соин но, дыр, нылпиос та поэмаез капчиен кылзо но валало.

Пичи классъёсын дышетскись пиналъёсын чемысь кутиськом драматизация амалэз. «Гондыръёс» поэмаезъя но «Милям атасмы» веросэзъя пичиесь спектакльёс дасяса, возьматиськом сое нылпи садысь пичильтыкъёслы. Пиналъёс уг ярато уго одиг выллем кема ужаны. Соин ик, дышетскыны мылкыдзы медаз сия шуыса, соослэсь саклыксэс олокызьы но возьыны тыршоно луэ. Школаын урокъёсын одиг уж воштиське мукетыныз: валэктон уж, юан-веран, шудонъёс, мадиськонъёс, ребусъёс, экскурсиос, физкультминуткаос но трос мукет портэм.

Будись пиналъёс визьмоесь, жикытэсь мед луозы шуыса, воспитательлы но дышетисьлы сюлмаськоно покчиослы зеч сямъёс пычатыны. Пичиысен ик ответственностез валаны, янгышед понна кыл кутыны дась луоно.

Валамон, преемственностез чакласа, нылпиосты школаын дышетскыны дасян – бадзым но секыт уж. Соин ик нылпи садлы начальной школаен юн кусып возёно, ог-огзылэсь программаоссэс зеч тодоно, ужзэс чош, огкылысь радъяно.

Соин ик ми, нылпи садын но лицейын ужасьёсын, огкылысь ужаны тыршиськом. К.Гердлэн творчествоез пыр шодиськом ужмылэсь кулэлыксэ. Яркыт зэмос мастерлэн Кузебай Гердлэн произведениосыз пиналъёслы юртто кыллэсь пуш чеберзэ, крезьгурзэ мур шодыны-валаны, визьлы но зеч сямъёслы дышетыны. Солэн ужъёсыз узыр яркытэсь чошатонъёсын, эпитетъёсын но метафораосын.. Автор ужаз кутэ портэм художественной амалъёсты, удмурт кыллэсь узырлыксэ интыяз, быгатыса кутэмен, веросъёс, нылпиослы гинэ овол, вань лыдзисьёслы но туж тунсыко луо, бордазы кыско.

К.Гердлэн таче люкам материалэз асьме литературае зарни пыры выллем пытьы кельтиз. Солэн чуръёсыз котьку мед жингыртозы покчиослэн но, мойыослэн но сюлэмъёсазы.




hello_html_m4d466bb7.png

Очень низкие цены на курсы переподготовки от Московского учебного центра для педагогов

Специально для учителей, воспитателей и других работников системы образования действуют 65% скидки при обучении на курсах профессиональной переподготовки.

После окончания обучения выдаётся диплом о профессиональной переподготовке установленного образца с присвоением квалификации (признаётся при прохождении аттестации по всей России).

Подайте заявку на интересующий Вас курс сейчас: KURSY.ORG


Общая информация

Номер материала: ДВ-468996

Похожие материалы

Получите наградные документы сразу с 38 конкурсов за один орг.взнос: Подробнее ->>