ТӘУЕЛСІЗ ЕЛДІҢ БОЛАШАҒЫ - ПАРАСАТТЫ ЖАСТАР.
(Бақтияров Темірлан)
Жетекшісі Жарылгасинова Жанаргуль Газизовна
қоғамдық пәндер оқытушысы
«Электротехникалық колледжі» КМҚК Семей қ.
«Еркін елде
өскен ұрпақтың рухы әрдайым биік болуы тиіс. Жастары жалын жүректі, өршіл
намысты, биік рухты болса – ол елдің еңсесі де биік болады. Өршіл, намысшыл жас
отаншыл, патриот келеді, халқына, өз ұлтына адал қызмет етуге ұмтылады».
Н.Назарбаев
Қай халықтың болсын, өткен өмір
жолы, әлеуметтік - экономикалық өрбуі, рухани кемелденуі, сайып келгенде өз
тарихи тағдыры бар. Сондықтан да бүгінгі күн – кешегінің жалғасы, өткеннің
салдары, болашақтың себепшісі деп білген жөн. Қысқа мерзім аралығында еліміз
бәсекеге қабілетті заманауи мемлекетке айналып үлгерді. Бүгінгі таңда қол
жеткізген саяси тұрақтылық, тиімді экономикалық реформалар, халықаралық
аренадағы бедел және халықтың тұрмыс деңгейінің өсуі – бұл бүкіл қоғамның
қажырлы да адал еңбегінің арқасында, бұл дегеніміз ұлттың стратегиялық
басымдылықтарының іске асырылуымен тең.
Кез келген адам өткен өмірінде көрген
тәжірибесімен дана әрі ақылды бола бастайды, болашаққа нық сеніммен қарайды.
Қазірде біз әлемдік экономикалық жүйеге араласа алатын, нарық экономикасы
қарқынды дамып келе жатқан мемлекетте өмір сүреміз. Ұзақ жылдар көлемінде
қазақстандық қоғамның күшімен ауқымды істер атқарылды.
Біз – жастар тәуелсіздікпен бірге
өсіп-өнген жастармыз! Жас, жасампаз елдің ұланымыз. Бүгінде белсенді жастар мемлекетттік қызметке өтіп,
әрі қарай шыңдалып дамуға, өз ісін ашып, өзін-өзі дамытуымен, спорт, ғылым,
шығармашылықпен және басқа да қызмет түрлерімен айналысуға толық мүмкіндіктері
бар. Осыған байланысты еліміздің жастарына аға ұрпақтың жасампаз істерін
жалғастыру жолында үлкен жауапкершілік жүктеліп отыр, бұл ретте ұлттық бәсекеге
қабілеттілікті жоғарылата Қазақстан қоғамын XXI ғасырда гүлденген әрі дамыған
ел қатарына қосуды қамтамасыз ету міндеті жүктелген. Мұндай міндеттерге жету
тек отансүйгіш, білімді, кәсіби білікті әрі денсаулығы мықты, бәсекеге
қабілетті, әлеуметтік-азаматтық жауапты жастарға ғана қол жетімді.
Қай заманда болмасын кез келген қоғам
жастарының ең өзекті мәселелерінің бірі- сапалы білім алу, жұмыспен қамтамасыз
етілуі, тұрғын үй және өз ісімен айналысу болып табылады. Осы ретте, жастармен
қоғамдық әрі мемлекеттік бағытта жұмыс жүргізудің маңызы зор. Бүгінгі қоғам
және мемлекет жастарға қолдау көрсете отырып, жеке дамып өсуіне жағдай туғызу
қажет. Бүгіннің өзінде қазақ жастарының бет-келбеті мен жігер-мінездік
сипаттамаларының өзгеруі туралы айтуға болады: жас тұлғалар арасында дербестік,
өз тағдырына деген жауапкершілік, өз мүмкіндіктерін нақты бағалау іспетті
қасиеттер өсіп келеді. Жас ұрпақтың санасында білім алудың маңыздылығы, өз
денсаулығын жақсартуға деген көзқарас фактілері жоғарылап келеді, бұл жағымды
жаңа трэндтер.
Жастардың болашағы – бұл мемлекет
болашағы. Жас
ұрпақтың құқықтары мен бостандықтарының қорғалуына кепілдік бере отырып,
мемлекет өз кезегінде жалпы құқықтық мәдениет деңгейін жақсарта отырып, жастар
арасында белең алып келе жатқан жағымсыз әрекеттерді болдырмауға ықпал етеді.
Мемлекет
басшысы Н.Ә. Назарбаев «Қазақстандық жол» еңбегінде атап айтқандай: «Жас ұрпақ
ірі мәселелерді шешу жолындағы қиындықтарды жеңе білуі, үнемі өзгеріп тұратын
экономикалық және технологиялық ортада дұрыс бейімделе білуі қажет, әрі бұл
жағдайды өз пайдаларына орай әрқашан екі қадам алда болулары тиіс».
Біз мемлекет басшысының барлық
бастамаларын қолдап, оның орындалу бөлігінде белсенді ат салысатын, қарқынды
дамып келе жатқан жас мемлекеттің мақтанышымыз.
Бүгінгі таңда Біздің қатысуымызды қажет ететін
жүздеген, мыңдаған істер баршылық. Менің пікірімше, жастарға қойылатын басты
міндет – арадағы белсенді жастардың, болашақ басқарушылардың санының артуы және
әрбір азаматтың елдің дамуына өз үлесін қосуға ат салысуы. Қазақстан жастары
экономиканың қай саласында еңбек етсе де, өз үлгімізбен отансүйгіштігіміздің
құндылығын, конфессияаралық келісімді, жемқорлықпен күресті насихаттауымыз
керек. Әлеуметтік жобаларды дамыта отыра, Президент Жолдауында айтылған
«Қазақстан-2050» стратегиясын жүзеге асырау жолында аянбай қызмет атқаруымыз қажет.
Болашағынан үміт күттіретін жас ұрпақтың
білім деңгейін, шығармашылық қасиеттерін дамытуда барлық жағдай жасалу қажет. Елбасымыз,
Н.Ә.Назарбаев әр жылғы өзінің халыққа дәстүрлі жолдауларында жастардың дұрыс
тәрие алуы мен білім деңгейіне әрдайым ерекше көңіл аударуда. Себебі
мемлекеттің болашағы талантты жастардың қолында.
Сонымен қатар, Президент Үкіметке ХХІ ғасырда
менеджмент саласында жаңа ұсыныстар енгізе отыра, қарқынды түрде жұмыс
атқаратын, озық ойлы, жаңа технологияларды қолдана, ішкі және сыртқы
халықаралық жүйелерде жұмыс атқаратын басқарушылар тобын даярлау керектігін
тапсырған болатын.
Бүгінгі күнгі жас, бірнеше жылдан кейін
мемлекеттік басқарушы, Қазақстанды дамыған мемлекеттің қатарына қосу міндетін
арқалайтын азамат боларына нық сенімдемін.
Елбасы Н.Ә.Назарбаев өзінің Қазақстан халқына арнаған жыл сайынғы
Жолдауларында жастар мәселесін ешбір назардан тыс қалдырған емес. Бұл жолғы
Жолдауында да Ұлт Көшбасшысы жастарды білімді, еңбекқор, бастамашыл, белсенді
болуға шақырып, оларға үлкен сенім артып отыр.
Елбасы, Н.
Назарбаев, жолдауында: «Мен сіздер, бүгінгі жастар, ерекше ұрпақ екендеріңізді
қайталаудан жалықпаймын. Сіздер тәуелсіз Қазақстанда өмірге келдіңіздер және
сонда ержетіп келесіздер. Сіздердің жастық шақтарыңыздың уақыты – біздің
еліміздің көтерілу және гүлдену уақыты. Сіздер осы жетістіктер рухын және
табысқа деген ұмтылушылықты бойларыңызға сіңірдіңіздер», - деп
пайымдаған. Сондықтан, Қазақстанның жаңа даму кезеңі – тікелей жастардың
қолында.
Мәуелі жас
ағашты баптағанда ғана, оның жайқалып, түзу өсетіні айдан анық. Сол
сияқты қанатын енді қаққан жастарға да ақылгөй ел алыптары жол сілтеп, ел
саясатына араласуға мүмкіндіктер жасауы қажет. Сол себепті, халқымыздың арайлы
таңын тек белсенді жастардың талапты талпынысына жол ашып, бойына патриотық
сезімін ұялатып, салауатты өмір салтын үгіттеп, насихаттап, саяси көзқарасын
дамыту арқылы көруге болады. Түйіндей келе, біз, Жастар, Қазақстан
Республикасының тәуелсіздігінің тамырын тереңдететін, халық мүддесін бірінші
орынға қоятын, қазақ елінің атын күллі әлемге паш ететін, болашақ, алып
ұландары болуға бар күшімізді саламыз!
ПАЙДАЛАНЫЛҒАН ӘДЕБИЕТТЕР:
1.Н.Ә.Назарбаев «Қазақстан — 2030 "
Жолдау.
2.Қазақстан Республикасының Білім заңы.
3.Ж.З.Әділбекова «Білім беру үрдісіне
жаңа технологияларды енгізу».
4.Білім технологиялары.2012 ж.
5.Егемен Қазақстан 2012 ж. 10–12 б, б.
Оставьте свой комментарий
Авторизуйтесь, чтобы задавать вопросы.