Дәрес эшкәртмәсе :Г.Бәширов "Туган ягым-яшел бишек"

                Туган ягым-яшел бишек.

                                                            Туган ягым-гүзәл җирем,

                                                            Киңдер сиңа күңел түрем!

                                                            Синдә генә бәхетле мин,

                                                            Синдә күрәм тормыш ямен!..

    «Туган ягым- яшел бишек!..» Уйлап карасаң,бу сүзләргә нинди тирән мәгънә салынган?!Туган ил, туган як, туган авыл, туган нигез, туган тел!..Кеше өчен әти-әни кебек иң газиз, иң кадерле төшенчәләр алар. Һәркемнең үз туган ягы, үз авылы үзенчә ямьле, ягымлы. Бары туган ягында гына кеше җанына тынычлык таба. Тәүге кат тәпи баскан хәтфә чирәмнәре дә, бөтен авыруларга шифа булырдай челтер чишмәләре дә, әнкәем кулларыдай назлы җилләре дә- барысы, барысы да безгә һава кебек кирәк.

    Минем туган ягым- Татарстан республикасы Биектау районының Казаклар авылы.Ул табигатьнең искиткеч гүзәл почмагында урнашкан. Гаскәр кебек чыршы, нарат агачлары һәр юлчыны сәләмләп кала. Керсәң, адашырлык куе урманнарында нинди генә кошлар сайрамый?!Ә болыннарындагы бихисап чәчәкләргә карасаң, күзләр камаша. Җир җиләге, каен җиләге, кура җиләге дисеңме- җаның кайсын тели, бар да җыеп кайт кына. Ә көз җитсә, чикләвек, гөмбә җыярга агылган машиналардан чыккан тузан тынмый да диярлек. Бормаланып аккан Ашыт елгасы турында әйтеп тә торасы юк? Нинди генә балыклар юк анда?!Җәй җиттеме, елга буе шау-шулы бала-чага тавышларыннан тынып тормый. Өлкәннәр дә, хәтта шәһәрләрдән дә безнең Ашытка су коенырга, кызынырга киләләр. Авылымда шулай ук чишмәләр, күлләр дә бар. Авылыбыз кырыендагы  Ташамышка зияраты турында да әйтмичә калу ярамастыр?Анда изгеләр каберлеге урнашкан. Без аның әйләнә-тирәсен сафландырып торабыз, хәер-сәдакалар салабыз. Аның янәшәсендә генә Акташ урнашкан. Риваятьләргә караганда, ул таш та изгеләрдән санала.

    Туган авылым елдан-ел үсә, матурая. Йортлар төзекләндерелә, тирә-юньгә нур сибүче мәчетебездән яңгыраган азан тавышы җаннарыбызны сафландыра. Авылым халкы эшчән, уңган. Эштән, дөнья мәшәкатьләреннән ял итәр өчен мәдәният йортыбыз, безгә, балаларга, белем бирүче мәктәбебез, җаныбыз ни тели-шуны сатып алырлык кибетләребез бар. Бер ел элек кенә мәдәният йорты каршында Бөек Ватан сугышында һәлак булганнарның якты истәлегенә багышлап мимориал стелла куелды.

       Әйткәнемчә, авылым халкы элек-электән эшчән булган. «Эш сөйгәнгә-эш бирермен» дигән мәкаль минем авылым кешеләренә бик туры килеп тора. «Мирас» күмәк хуҗалыгы терлекчелек белән шөгыльәнә. Шулай ук атлар фермасы да бар. Сарык, кәҗә асрау белән дә шөгыльләнәләр. Кошчылык эше дә киң җәелдерелгән. Анда каз, күркә, тавык-чебеш, үрдәк үрчетү белән дә шөгыльләнәләр. Әйткәнемчә, авылымның туфрагы да уңдырылышлы. Бөртекле культуралар игү- моның ачык мисалы булып тора да.

     Авылыбызда шулай ук нәселле куяннар үрчетү киң үсеш алган. Куян фермаларының саны елдан-ел арта бара. Шунда ук күн эшкәртү, ит әшкәртү цехлары да эшли. Әле менә быел гына ат итеннән колбаса ясау цехы да ачылды. Аллага шөкер, үзебезнең авыл хезмәткәрләре ясаган казылыклар телеңне йотарлык.

     Мин үз туган ягымны, туган авылымны чын йөрәктән яратам. Тынгы белмәс эшчән, милли традицияләргә тугры булып яшәгән  халкын хөрмәт итәм. Туган нигеземне, әти-әнием, туганнарымның кадерен беләм. Татар булуым белән, татар телдә , Тукайлар телендә сөйләшүем белән горурланам! Язмыш җиле безне дөньяның нинди генә җиренә илтеп ташласа да, үзебезнең туган бишегебезне онытмасак иде. “Чит җирдә солтан булганчы, үз илеңдә олтан бул” дигән мәкальне девиз итеп алсак, бер дә ялгышмабыз дип уйлыйм.

• 1 слайд

  Казаклар төп гомуми белем мәктәбенең бишенче сыйныф укучысы Садыкова Гүзәл Илһам кызы
  

• 2 слайд

  Туган ягым - яшел бишек
  

• 3 слайд

• 4 слайд

• 5 слайд

• 6 слайд

• 7 слайд

• 8 слайд

  Туган ягым чәчкәләре
  Гөлчәчәктән ямьлерәк...
  

• 9 слайд

  Күз ачып йомганчы җыярсың бер чиләк...
  

• 10 слайд

• 11 слайд

• 12 слайд

  Ашыт елгасы
  

• 13 слайд

  
  Акташ-изге таш
  

• 14 слайд

• 15 слайд

• 16 слайд

  Авылым мәчете
  

• 17 слайд

  Җырлап яшәр чагыбыз...
  

• 18 слайд

• 19 слайд

• 20 слайд

  Исәннәрнең кадерен, үлгәннәрнең каберен белик......
  

• 21 слайд

  А
  

• 22 слайд

• 23 слайд

• 24 слайд

  Нәселле куяннар үрчетү фермасы Россия күләмендә казаныш яулады!
  

• 25 слайд

  Хәләл ризык-табын күрке!
  

• 26 слайд

• 27 слайд

  Эше барның- ашы бар
  

• 28 слайд

  ККаааа
  сопбнешг7
  

• 29 слайд

  Читтә йөргән чакта,сагындырып, Керер өчен төнлә төшенә,
  Зәңгәр таңлы,биек ,аяз күкле
  Туган ягы кирәк кешегә.
  Яшәү өчен бетмәс көч алырга Олысына һәм дә кечегә, Мәхәббәтле,ямьле,мәрхәмәтле
  Туган ягы кирәк кешегә!
  

• 30 слайд

  Игътибарыгыз өчен зур рәхмәт! Сезне үзебездә кунакка көтеп калабыз!