• 

  1 слайд

  «Егер мен Қазақстан Республикасының Президенті болсам...» Шалабаев Жақсылық Ерденбекұлы Батыс Қазақстан облысы Ақжайық ауданы Қарауылтөбе ауылы Тайпақ орта жалпы білім беретін мектебінің 6 сынып оқушысы 12 жаста

• 

  2 слайд

  «Көз жетпес көкжиекке қарасаң көгілдір дала көлбейді... Көк аспаны күле шыққан жарық күн бүгінгі өз еншімізге тиген көгілдір тудың табиғаттағы көшірмесін мегзейді. Көк туы желбіреген ел өзіңдікі екені есіңе түскенде, кеудеңді кернеген қуанышты сезімді айтуға тіл жетпейді... Иә, осынша байтақ әрі бай мекен өз мемлекетің болғаны неткен бақыт!» Бұл жолдар ақын Ақұштап Бақтыгереева апаның «Осындай елім бар» деп жазғаны. Жерінің кеңдігіне, байлығына сенім мен сезім ұялататын ғажап көркем сөздер!

• 

  3 слайд

  Иә, байтақ жердің, осынша байлықтың иесі менің елім – Қазақстан, оның басшысы – Нұрсұлтан Әбішұлы Назарбаев. Осындай елдің басшысы мен болсам деп бір сәтке елестеттім.

• 

  4 слайд

  Менің ойымша, мұндай лауазымды кез келген адам игеріп кете алмайды. Біріншіден, ол үшін өте ақылды, жоғары білімді, жауапты, қарапайым, екіншіден, әрбір Президенттің көшбасшылық қасиеті болу керек. Мақсатшылдық, шыншылдық, басқаларды есту және тыңдай білу, кез келген жағдайдан шыға білу – міне, бұлар нағыз көшбасшының қасиеттері. Дегенмен, Прзеидент бойында болуы тиіс ең басты қасиет – патриотизм, яғни өз еліне, елінің азаматтарына деген шексіз махаббат деп ойлаймын.

• 

  5 слайд

  Осындай ой үстінде отырғанымда теледидардан Нұрсұлтан Әбішұлы Назарбаевты көрсетіп жатты. Елбасының халыққа жолдауынан тікелей трансляция екен. Қарап отырып, Нұрсұлтан ағаның бүкіл халықтың жоғын жоқтап, мұңын мұңдаған, үлкен жүректі, талантты қайраткер; аса парасатты жанның биік ой-өрісі халықты еріксіз өзіне тартатын; ел қамқоршысы, панасы екенін, сөйлеп кетсе көсем, толғап кетсе ойшыл екенін терең сезінгендеймін.

• 

  6 слайд

  Ұйықтап кетіппін. Бұл бір ғажап түс еді. Елбасының қасында тұр екенмін. Елбасыға «Егер мен Қазақстан Республикасының Президенті болсам...» атты жобамды көрсетіппін.

• 

  7 слайд

  Ал, ендеше, бастайық! «Егер мен Қазақстан Республикасының Президенті болсам...»

• 

  8 слайд

  Бүкіл әлемде бейбітшілік болғанын қалар едім. Әр ұлттың халықтары бір-бірімен дос болса дер едім. Өзге елдермен арадағы достықты нығайтып, мүлдем соғыс болмауын қадағалар едім. Барлық баланың балалық шағының бақытты, ата-анасының құшағында өтуіне жағдай жасар едім.

• 

  9 слайд

  Әрбір адам мен бала құқығының тапталуына жол бермес едім. Тұрғындардың бәрін тұрғын үймен қамтамасыз етер едім.

• 

  10 слайд

  Елімнің мәдениетін, ғылым мен техниканы дамытар едім. Медицина саласын дамытар едім. Ауруханалардың барлығы тегін қызмет көрсетсе және елімізде ауру балалардың санын азайтар едім.

• 

  11 слайд

  Қоршаған ортаны ластауды азайтар едім. Өндіріс орындарында тазартқыш құрылғылар орнатар едім. Ауыл шаруашылығын дамытып, елімізден шығып жатқан мұнайды өз игілігімізге пайдаланар едім.

• 

  12 слайд

  Барлық қарт адамдардың алаңсыз, баршылықта өмір сүруіне жағдай жасар едім. Барлық зейнеткерлердің зейнетақысын көтерер едім. Еліміздегі жетім балаларға көмек көрсетіп, олардың жарқын болашақтарын қамтамасыздандырар едім.

• 

  13 слайд

  Ауыл-аймақтарды газдандырар едім және тегін ауыз сумен қамтамасыз етер едім. Ауыл мектептерін компьютерлендірер едім. Мектептерді барлық қажетті оқулықпен қамсыздандырар едім.

• 

  14 слайд

  Есірткімен, темекі шегу және алкогольмен күресер едім. Спирттік ішімдік, темекі сататын дүкендерді бөлек жасар едім.

• 

  15 слайд

  Қазақ тіліндегі балалар әдебиетін көптеп шығартар едім. Спорт нысандарын көбетіп, балаларды спортпен айналысып, салауатты өмір салтын ұстануға үндер едім.

• 

  16 слайд

  Университтер мен колледждерде балалардың ақшаға емес, өз білімдеріне оқығанын қалар едім. Сонда елімізде білімсіз жұмысшылар болмас еді, әркім өз жұмысын дұрыс орындар еді. Оқуды жаңа бітірген жас мамандардың жақсы жұмысқа орналасуына жағдай жасар едім. Сөйтіп, елдегі жұмыссыздықты жояр едім.

• 

  17 слайд

  Коммуналдық төлемдерді арзандатар едім. Қазақстанда жел, күн, су энергиясын дамытуды қолға алар едім.

• 

  18 слайд

  Елбасы маған: «Жарайсың, балам!» - деді. Менің басымды сипап, маңдайымнан иіскеді. Тұла бойым ток соққандай шымырлап кетті, шамасы ағаның мықты рухының әсері болар.

• 

  19 слайд

  Оянып кеттім. Бәрі де түс екен, тәтті шақта неге оянып кеттім деп қынжылдым. Көңіл қонбас, ой толмас түсті қайта-қайта еске түсірдім. Жүрек жылытып, жан сүйсіндірген, көңіл нұрландырған бұл көріністі еске қайта-қайта түсіре беру былай тұрсын, оны бүкіл өмірімде де ұмытпаспын деп ойлаймын. Өйткені, түсімде болса да Нұрсұлтан ағамен, дана ағамен кездесу қалай ұмытылмақ?

• 

  20 слайд

  Ал әзірше, мен Президент емеспін. Елбасымыз менің армандарым мен тілектерімді Жаңа Жылда орындаса екен деп тілеймін және бір ғажайыптың болатынына кәміл сенемін.

Краткое описание материала