Инфоурок / Начальные классы / Конспекты / Праздник букваря 1 класс "Элифбе байрамы" 1 сыныф.
Обращаем Ваше внимание, что в соответствии с Федеральным законом N 273-ФЗ «Об образовании в Российской Федерации» в организациях, осуществляющих образовательную деятельность, организовывается обучение и воспитание обучающихся с ОВЗ как совместно с другими обучающимися, так и в отдельных классах или группах.

Педагогическая деятельность в соответствии с новым ФГОС требует от учителя наличия системы специальных знаний в области анатомии, физиологии, специальной психологии, дефектологии и социальной работы.

Только сейчас Вы можете пройти дистанционное обучение прямо на сайте "Инфоурок" со скидкой 40% по курсу повышения квалификации "Организация работы с обучающимися с ограниченными возможностями здоровья (ОВЗ)" (72 часа). По окончании курса Вы получите печатное удостоверение о повышении квалификации установленного образца (доставка удостоверения бесплатна).

Автор курса: Логинова Наталья Геннадьевна, кандидат педагогических наук, учитель высшей категории. Начало обучения новой группы: 27 сентября.

Подать заявку на этот курс    Смотреть список всех 216 курсов со скидкой 40%

Праздник букваря 1 класс "Элифбе байрамы" 1 сыныф.

библиотека
материалов

hello_html_m2a1e8a7b.pnghello_html_1a691edc.gif






























Башлангъыч сыныфларнынъ оджасы

Абибулаева Зульфие Исаевна


























Макъсад: элифбени текрарламакъ; сёз байлыкъларыны зенгинлештирмек; ифадели окъув алышкъанлыкъларыны инкишаф эттирмек; талебелернинъ иджадий ве коммуникатив къабиетлерини арттырмакъ; китапкъа ве окъувгъа, ана тиилине ве Ватангъа меракъ, севги ве урьмет ашламакъ.

Донатув: элифбе китабы акъкъында ресимлер, оюнджыларнынъ урбалары, арифлернинъ ве китапларнынъ макетлери, кягъытта язылгъан вазифелер, шарчыкълар, Ханнынъ ве Везирлернинъ курсюлери, магнитафон, масалгъа декорациялар (тереклер, эВ, сепет, ашлар кягъыттан, урбалар)

Оюнджылар: Хан Элифбе, Везири №1, Везири № 2, Эсап китабы, Мен ве Украина, Ресим дефтери, Эмек дефтери, Джаданалар, Аначыкъ, Тавшан, Къашкъыр, Аюв, Муэллиф, Фатимечик, Къартана.

ОДЖА: Мерабанъыз, сайгъылы ана - бабалар, мусафирлер, оджалар, азиз талебелер!Бизим байрамымызгъа хош кельдинъиз!

Эр бир адам мектепке баргъанынен тильни огренип башлай ве онынъ биринджи дерслиги «Элифбе» ола. Тезден бир йыл кечти. Бу йылнынъ ичинде биз “ЭЛИФБЕ” китабыны окъуп битирдик. Азиз баллар, биринджи мектеп гъалебелеринъиз хайырлы олсун! Биринджи мектеп китабынъыз сизни тек окъумагъа дегиль, тербиели, низамлы олмагъа, достлукъ ве бирликте яшамагъа огретти.

Къана энди бакъайыкъ, байрамгъа кимлер кельди? Келинъиз оларны сеир этеик.


Тантаналы музыка янъырай. Хан Элифбе кире. Янында эки визири – Язув дефтери №1, Язув дефтери №2. Хан отура ве эмир бере.

Хан Элифбе: Везирлерим мен – хан Элифбе байрам илян этем! Шенълик къуванч олсун! Бутюн ариф- сеслерини чагъырынъыз. Эр кеске хабер этинъиз!

Везирлер эр кеске хаберни илян этелер.

Везир №1: - Дикъкъат! Дикъкъат! Хан эмир берди. Эр кеске илян этемиз. Хан Элифбе озь Хан сарайында тантаналы, шенъ ве меракълы байрам кечире. Келинъиз! Бутюн арифлер, талебелер, мусафирлер Элифбе ханымызнынъ байрамына давет этилесинъиз!

Везир №2: - Бу байрамда чокъ шенълик , оюн, кулькю, йырлар оладжакъ. Истегенлер иштиракъ эте билелер!

Шенъ Хайтарма янъгъырай, балалар ойнап арифлернинъ макетлерини алып чыкъалар.

Хан Элифбе: Элифбедир исмим адым

                Сенден гъайрет, менден –ярдым.

                Мени севип окъуп оссенъ,

                Пек окъумыш олурсынъ сен.

                Менден башлана илим, фен

                Биль, оджалар оджасым мен.

- Хош кельдинъиз, арифлерим! Сагъ олунъыз везирлерим! Меним байрамымны башлаймыз! Шенъленъиз, ойнанъыз, кулинъиз, йырланъыз!


Берабер визирлер: Ойнанъыз, шенъленинъиз!


Мен Элифбе- Элифбе,

Окъумагъа огретем,

Эгер бала тырышса,

Китапны озю ачса,

Мени яхшы огренир

Дюньяда не бар билир

Эр бир суальге джевап

Саифемде о тапар.


Талебелер:

Бизге дейлер талебе,

Элимизде-Элифбе,

Биз тырышып окъуйджакъмыз,

Мераметли оладжакъмыз.


Талебелернинъ иджрасында оюн. (Хайтарма)

Ве талебелернинъ иджрасында эзберден шиирлер иджра этиле.

Талебе 1: АСКЕР

Миллий мектеп талебеси

Олам мен ильк сенеси.

Ана тильде илим алам

Эр кунь онъа къуванам!

Талебе 2: САФИЕ

Тилим меним байлыгъым

Урьмет этем оны мен,

Келеджекни тюшюнип

Озь халкъымны севем мен!

Талебе 3: АРСЕН

Эр шей бизге меракълы

Бильмек истеймиз биз чокъ,

Тувгъан тили – байлыгъы,

Эр шей бизге меракълы!

Талебелер санадан кетелер. Хан исе бираз огге чекилип:

Хан Элифбе: Машалла! Машалла!

Мени къувандырдынъыз!

Меним байрамымны

Пек гузель яраштырасыз!

Оюн, шиирлер, шенълик…

Бегенем мне эр шейни!

Везир № 1: - Ханым, билесинъизми, балалар бизим девлетимизде чокъ шейлерни бильдилер. Окъумагъа, язмагъа, йырламагъа….

Хан Эльфбе: - Йырламагъа?!..

Везир № 2: - Э, йырламагъа! Бу йырларнынъ сёзлерини озьлери окъуп огренген экенлер!

Хан Эльфбе: - Ойлеми?! Къана, динълейикчи!

Талебелер санагъа чыкъып Элифбе йырыны йырлайлар.

Везир №1: - Ханым, сиз масал севесизми? Ана – бабанъыз кучюк олгъанда сизге масаллар айта эдилерми?

Хан Элифбе: - Эбет, мен масалларны севем!

Везир №2: - Я сиз, сиз?! (Сейирджилерден сорай). Масалларны севесинъизми?

Талебелернинъ иджрасында масалнынъ саналаштырылувы.


САНАЛАШТЫРУВ


Хан Элифбе: - Сагъ олсунлар! Корем, талебелер мени урьмет, этелер,севелер!

Къапы ачыла. Бирден джаданалар кире.

Джадана №1: - Вай, даа якъында кимсе ёкъ эди. Бу къадар шамата къайдан кельген экен? Чалгъы сеслери де чыкъа. Не бар экен?

Джадана №2: - Бугунь оларнынъ Элифбе байрамлары экен. Олар энди окъумагъа, язмагъа огренгенлер.

Джадана №1: - Окъумагъа?! Язмагъа?! Олар бир шей бильмейлер! Къана косьтерейим.

Шимди биз вазифелер береджек, сизлер исе оларгъа джеваплар береджесинъиз.

Вазифе 1: - Косьтерильген сёзлерге керекли арифлерни къоюнъыз.

Вазифе 2: - Такътада берильген эджаларнен сёзлер тизинъиз.

Джадана №2: - Машалла! Не сизни окъумагъа огретти?

Балалар: - Элифбе!

Джадана №1: - Элифбе акъкъында шиирлер билесинъизми?


Талебе 1: ЛЕЙЛЯ Бир чокъ язы – А, Б, В, Г,

Бир чокътан – чокъ ресимлер.

Бу Элифбе,

Бундан бильги

Ала бутюн несиллер.

Талебе 2: АСАН А-нен, Б-нен башлай, билинъ,

Анна, баба сёзлери.

Элифбеден башлай илим,

Ача сокъур козьлери.

Талебе 3: САФИЕ Ватан сёзю В-нен башлай,

Сиз Ватаннынъ ишанчы.

Мектеп сизге бильги ашлай,

Окъув, аят къуванчы.

Талебе 4: АРСЕН О-нен башлай оджа сёзю,

Сай, севинъиз оджаны.

О, огретир сизге озю

Эр арифни, эджаны.

Талебе 5: ЛЮТФИЕ Я-нен башлай яхшы, яман,

Яманлыкъ бильменъиз.

Эвде, ёлда сиз эр заман

Яхшы олып юринъиз.

Талебе 6: АСКЕР Башы- сонъу элифбенинъ

Отуз еди арифтир,

Оны окъуп бильмегеннинъ

Омрю, куню гъариптир.


Джадана №1: -Йырламагъада билесизми?

Талебелер «Кунешчик» йырыны йырлайлар.


Джадана №2: - Шимди исе аналаргъа вазифе. Сизнинъ дикъкъаттынъызны тешкирейик! Суаллерге джеваплар беринъиз.

Вазифе 3:

  1. Къач басамакътан мектепке киргенде кечтинъиз? (8)

  2. Сыныфымызда къач талебелер бар? (6)

  3. Къач къыз талебе? (3)

  4. Къач огълан талебе? (3)

  5. Къач рале бар? (8)

  6. Къач масса бар? (1)

  7. Къач долап бар? (2)

Джадана №1: - Машалла аналаргъа!

Балалар, мумкюн биз сизнинъ байрамынъызда къалайыкъ? Оюн бакъайыкъ.

Талебелер оюн иджра этелер.(Баарь нагъмеси)

Визирь№1:Балалар, бизлер насыл тильде лаф этемиз? Элифбе китабы насыл тильде язылгъан?(къырымтатар тилинде)

Визирь№2:-эр бир инсан озь ана тилини огренмеге керек, озь ана тилини урьмет этмеге ве севмек керек.

ЭЛИФБЕ:

Эр бир халкънынъ озь тили бар,

Яресинен сырдашкъан

Балдан татлы о тиль онъа

О бир вакъыт унутылмай.

Меним тувгъан халкъымнынъ да

Озь тили бар йырлашкъан

Бинъ бир йылдыз арасында

Бу тиль манъа тувгъан ай.

ЭЛИФБЕ: Ана тили акъ-да йырлар билесинъизми ?

Талебелер «Мен лаф этем» йырыны йырлайлар.

Визирлер:

Чокъ тиллерни огренинъиз,

Тильде буюк кучь,

Ана тильге урьметинъиз

Эксильмесин ич.


Талебелер: ШИИР “ САГЪ ОЛ, ЭЛИФБЕ!”

АРСЕН

Элифбени огрендик,

Ресимлерни бегендик.

Бильги алдыкъ оджадан,

Сезлер тиздик эджадан.


САФИЕ

Меракълы сезлер таптыкъ,

Олардан джумле тиздик.

Манасыны анъладыкъ,

Бир адым огге аттыкъ.


АСКЕР

Оджамыз деди бизге:

-Машалла, эпинъизге!

Даим яхшы окъуныз.

Бильги, унер алынъыз!

Хан Элифбе: Вакъытны шенъ кечирдик

Элифбе байрамымда.

Амма энди вакъыт кельди

«Сагълыкънен къалынъ» айтмагъа!

Берабер: «Сагъ ол» айтамыз оджаларгъа!

«Сагъ ол» ана-бабаларгъа!

«Сагъ ол» мудир, муавинге!

«Сагъ ол» Элифбе санъа!

ОДЖА:

Бугуньки байрамда сизлер бильгили олгъанынъызны косьтердинъиз ве бизлерни къувандырдынъыз.

Шунынъ ичюн “Бильги анахтарларыны” сизлерге багъышлайыкь. Бу “Бильги анахтарлары” сизге “Бильги алемине( дюньясына) ел ачаджакь ве экинджи сыныфкьа кечиреджек.

ЁЛУНЪЫЗ АЧЫКЪ ОЛСУН, АЗИЗ ТАЛЕБЕЛЕР!


Екюнлев: Хоран оюны.











САНАЛАШТЫРУВ

Муэллиф:

ЛЕЙЛЯ - Новопавловка коюнде ЛЮТФИЕЧИК деген къызчыкъ яшай экен. Миллий мектепке биринджи сыныф талебеси олып, пек яхшы окъуй экен.

Бир куню Джанкойде яшагъан къартанасына мусафирликке азырлана.


Анасы:

САФИЕ - ЛЮТФИЕ, мен чиберек, къатлама ве татар аш пиширдим. Оларны къартананъа бер де, сагълыгъыны сора, эвини йыгъыштыр, савутларны юв да, сонъ келирсин.


ЛЮТФИЕЧИК: - Яхшы, ана! Мен айткъанларынънынъ эписини япарып.


Муэллиф:

ЛЕЙЛЯ - ЛЮТФИЕЧИК анасы пиширген ашларыны ала да, дагъ ичинден ёлчыкънен ДЖАНКОЙГЕ ёл ала.

Ёлда онъа тавшанчыкъ расткеле.


Тавшан:

АРСЕН - Селям алейкум, ЛЮТФИЕЧИК! Сен къайда кетесинъ?


ЛЮТФИЕЧИК: - Алейкум селям, Тавшанчыкъ! Мен къартанама аш алып кетем.


Тавшан:

АРСЕН - Мен пек ач олдым. Бер, ашчыгъындан манъа бир шейчик!

ЛЮТФИЕЧИК: - Мына санъа къатлама, аша, той ве агълама!


Тавшан:

АРСЕН - Сагъ ол, ЛЮТФИЕЧИК! Алла сагълыгъынъны берсин!


Муэллиф: - ЛЮТФИЕЧИК ёл бою кете, йыр йырлай. Къаршысына къашкъыр расткеле.


Къашкъыр:

АСАН - ЛЮТФИЕЧИК, сен къайда кетесинъ?


ЛЮТФИЕЧИК: - Къартанама аш алып кетем.

Ма, къашкъыр, чиберек – санъа да ярдым керек!


Къашкъыр:

АСАН - Сагъ ол, ЛЮТФИЕЧИК!


Муэллиф:

ЛЕЙЛЯ - ЛЮТФИЕЧИК кете, кете. Къаршысына аюв келе.


Аюв:

АСКЕР - Мераба, ЛЮТФИЕЧИК!


ЛЮТФИЕЧИК: - Къартанама ал – хатыр сорамагъа кетем.


Аюв:

АСКЕР - Бир де лезетли къокъулар келе. Пек ач олдым!


ЛЮТФИЕЧИК: - Ма санъа, аюв, татар аш – олсун гонълюнъ сенинъ хош!

Аюв:

АСКЕР - Сагъ ол, ЛЮТФИЕЧИК! Ишинъ онъ кельсинъ! Сагълыкънен бар!


ЛЮТФИЕЧИК: - Сагълыкънен къал!


Муэллиф

ЛЕЙЛЯ: - Мына ЛЮТФИЕЧИК энди къартанасынынъ эвине ойнап – ойнап келе (къапуны къакъа, къартанасы эвинден чыкъа, ЛЮТФИЕЧИК онынъ элини опе).

Къартана:

САФИЕ- Хош кельдинъ, торуным!

ЛЮТФИЕЧИК: - Къартана, мен санъа бир шей кетирмедим, чюнки ёлда ач айванларны ашаттым.

Къартана

САФИЕ: - Къасевет этме, ЛЮТФИЕЧИК! Машалла! Сен пек мераметли баласын.



Самые низкие цены на курсы переподготовки

Специально для учителей, воспитателей и других работников системы образования действуют 50% скидки при обучении на курсах профессиональной переподготовки.

После окончания обучения выдаётся диплом о профессиональной переподготовке установленного образца с присвоением квалификации (признаётся при прохождении аттестации по всей России).

Обучение проходит заочно прямо на сайте проекта "Инфоурок", но в дипломе форма обучения не указывается.

Начало обучения ближайшей группы: 27 сентября. Оплата возможна в беспроцентную рассрочку (10% в начале обучения и 90% в конце обучения)!

Подайте заявку на интересующий Вас курс сейчас: https://infourok.ru

Краткое описание документа:

Макъсад: элифбени текрарламакъ; сёз байлыкъларыны зенгинлештирмек; ифадели окъув алышкъанлыкъларыны инкишаф эттирмек; талебелернинъ иджадий ве коммуникатив къабиетлерини арттырмакъ; китапкъа ве окъувгъа, ана тиилине ве Ватангъа меракъ, севги ве урьмет ашламакъ.

Донатув: элифбе китабы акъкъында ресимлер, оюнджыларнынъ урбалары, арифлернинъ ве китапларнынъ макетлери, кягъытта язылгъан вазифелер, шарчыкълар, Ханнынъ ве Везирлернинъ курсюлери, магнитафон, масалгъа декорациялар (тереклер, эВ, сепет, ашлар кягъыттан, урбалар)

Оюнджылар: Хан Элифбе, Везири №1, Везири № 2, битайлар, Аначыкъ, Тавшан, Къашкъыр, Аюв, Муэллиф, Лютфиечик, Къартана.

Общая информация

Номер материала: 582781

Похожие материалы

2017 год объявлен годом экологии и особо охраняемых природных территорий в Российской Федерации. Министерство образования и науки рекомендует в 2017/2018 учебном году включать в программы воспитания и социализации образовательные события, приуроченные к году экологии.

Учителям 1-11 классов и воспитателям дошкольных ОУ вместе с ребятами рекомендуем принять участие в международном конкурсе «Законы экологии», приуроченном к году экологии. Участники конкурса проверят свои знания правил поведения на природе, узнают интересные факты о животных и растениях, занесённых в Красную книгу России. Все ученики будут награждены красочными наградными материалами, а учителя получат бесплатные свидетельства о подготовке участников и призёров международного конкурса.

Конкурс "Законы экологии"