"Елін сүйген Елбасы" ертеңгілігі

Тақырыбы: Елін сүйген елбасы.

Мақсаты:
1. Қазақ халқының тұңғыш президенті Нұрсұлтан Әбішұлы

Назарбаевтың өмір жолы, туып - өскен, оқып білім алған,

қызмет еткен жерлері туралы мағлұмат беру;
2. Елбасының өмір жолынан үлгі ала отырып Отанын, халқын

сүюге, ержүректілікке азаматтыққа, патриоттық сезімге

тәрбиелеу;
3. Шәкірт жүрегінде елбасына деген сүйіспеншілік сезімін ояту,

құрметтеу

Көрнекілігі: суреттер, шарлар,

Барысы: I.Ұйымдастыру бөлімі

II.Негізгі бөлім.
Кіріспе.

-Құрметті оқушылар! Бүгінгі тәрбие сағатымыз «Елін сүйген елбасы» деп аталады.Өйткені тәрбие сағатымыз әділеттің ақ жолын ту етіп, елінің егемендігін , ынтымағын, тұтастығын, бірлігін ойлаған елбасымыз

Н.Ә.Назарбаевқа арналады.

Сұрақтар.

-Біздің Отанымыз қалай аталады?

-Ұлттық тіліміз?

-Еліміздің тұңғыш президенті кім?

- Тәуелсіздігімізді алғаннан соң халықтың басын біріктіріп Н. Ә. Назарбаев тұңғыш елбасы болды. Елбасының бастауымен менің Отаным әлемге танылды. Елім елдігін көрсетті, ерлігін танытты. Қазақ халқы егемендігін алып, Тәуелсіздікке қол жеткізгенде өз алдымызға ел бола алатындығымызға күмәнданған жандар да болған екен. Бірақ ар - намысты ту еткен Елбасымыз бен үкімет басындағы ел үшін еңбек еткен ағаларымыздың аянбай еңбек етуі осы нұрлы күндерге жеткізді.

Қазақстан дейтін менің бар елім.
Жатыр алып жарты дүние әлемін!
Бұл даланы анам жаспен суарған,
Бұл далада атам қолға ту алған,
Бұл далада жылап келіп, уанған
Бұл даланы көріп алғаш қуанған
Бұл далада өскен жанда жоқ арман!

ІІІ.Әдеби-музыкалық монтаж.

1-жүргізуші:
Нұрсұлтан Әбішұлы Назарбаев 6 - шілде 1940 жылы Алматы облысы Қаскелең ауданындағы Шамалған ауылында туған. Балалық шағы кейде айта беретініміздей таршылық жағдайда өтті. Үлкендердің мал бағуына, бау –

бақша өсіруіне көмек көрсету керек болды, шөпшек теріп, отын жарды. Мектепті жақсы оқып, жақсы білім алды. Ата - анасын қатты құрмет тұтты.

2-жүргізуші:

Ол ерте есейді, орта мектепті бітіре салысымен Кеңес Одағындағы аса ірі Қарағанды металлургия комбинатының көлемді құрылысына аттанды. Құрылыста біраз еңбек еткеннен кейін бір топ қазақстандықтармен Украинаның Днепродзержинск қаласына барып металлург – жұмысшы мамандығын меңгерді. Бұл шойын құюшы, домна пешінің көмекшісі жұмыстарын атқарды, ал кейінірек инженер дәрежесіне көтерілді.

1-жүргізуші:

Сол жылдары оның басшылық қасиеттері жарқырап көрінді. Қалалық, облыстық және республикалық көлемде басшы органдарда жауапты қызметтер атқарды. Металлургиялық комбинатында партком хатшысы, Теміртау қалалық, Қарағанды облыстық және республикалық партия ұйымдарында экономикалық салаға жауап беретін хатшы болды.

2-жүргізуші:

Ол Қазақстан Үкіметін басқарғанда 44 жаста болды. Осылайша оның саяси өмірбаяны басталады.

1 оқушы:

Нұрсұлтан ата, құтты болсын мерейтойың,

Сомданып, тұлғаланып, өскен бойың.

Жер шары әлемдегі барлық елдер,

Біледі Президентіміздің ақыл-ойын.

Арманын орындадың бабалардың,

Көтердің көкшіл туын даналардың.

Қазақтың асқақтаттың өр рухын,

Ақтадың аппақ сүтін аналардың.

Ұл едің қатарынан артық туған,

Еңбекке жастайынан белін буған.

Танытып әрбір елге қазақ атын,

Жастарға жалын бердің білім қуған.

2 оқушы:

Сіз – әке, барша қазақ бәрімізге,

Жас сәби, үлкен-кіші, кәрімізге.

Сіз – басшы, халқың – қосшы бола бергей,

Жарасып келе жатыр сәніміз де.

3 оқушы:

Отан деген – әр адамның жүрегі,

Оған ел де, жер де , су да кіреді.

Отанымды бар әлемге паш еткен,

Президентім – мақтанышым , тірегім.

4 оқушы:

Алаулаған алабынан нұр тамып,

Қазақ елін бүкіл дүние жүр танып.

Көк байрағың желбірейді төріңде,

Әнұраның тұр көгіңде шырқалып.

Ән: «Қазағым»

5 оқушы:

Бейбіт таңдар арайланып атады,

Туған жерді аймалайды шапағы.

Байтақ елім – ұлы Қазақстаным,

Ең бақытты балалардың Отаны.

Сәулесі күн шатырлы аспан,

Кең дала төсі толқыған егін.

Көлдері көкке күмістер шашқан,

Қазақстан – Республикам менің.

6 оқушы:

Атамекен туған жердің төсінде,

Болған жайлар, бәрі де ұрпақтың есінде.

Сан ғасырлар елін, жерін қорғаған,

Ерлер өткен Қабанбайдай не сынды.

Ұрпағына үлгі болған сол заман.

Алтыбақан алауыздық болмаған.

Бір жеңнен қол, бір жағадан бас шығып,

Үлкен сөзін кіші тыңдап қолдаған.

Қазақ жеке мемлекет болғалы,

Алла жар боп тәуелсіздік алғалы.

Сол баяғы әз бабалар жолымен,

Жақсы жандар ұлы көшті жалғады.

1-жүргізуші:

1991 жылы 1 - желтоқсанда республика жұртшылығы тұңғыш рет Нұрсұлтан Әбішұлы Назарбаевты Республикамыздың Президенті етіп сайланды.

2-жүргізуші:

1991 жылдың 16 желтоқсанында Қазақстан Республикасы Жоғарғы сессиясы «Тәуелсіз демократиялық және құқылық мемлекет» деп жариялады.

1-жүргізуші:

1992 жылы 4 - маусымда жаңа мемлекеттік рәміздер Елтаңба, Ту, Әнұран бекітілді. Елтаңба авторлары: Жандарбек Мәлібекұлы, Шотаман Уәлиханов.

2-жүргізуші:

Шаңырақ – Отан отбасынан басталады. Ортақ шаңырақ биік, босаға берік болсын деген мағынаны, ал уықтар – үлкен үйдің уықтарын шын ниеттерімен қосыла танытқан елшілес ел жұртқа да бай, қуатты тілеймін дегенді білдіреді. Ай мүйізді, алтын қанатты қос пырақ - арыстанның жүректілігін, қыранның қырағылығын, өгіздің қара күшін, еліктің шапшаңдығын, қырмызы қызыл түлкінің жауын жер соқтырар айлакерлігін білдіреді. Бес бұрышты жұлдыз «Бағымыз ашылып, жұлдызымыз жарқырай берсін» деген асыл арманды арқалап тұр.

1-жүргізуші:

Мемлекеттік Ту - 1992 жылы 4 - маусымда қабылданып, 6 - маусымда күшіне енді. Тудың ортасында шұғылалы күн, оның астында қалықтап ұшқан қыран бейнеленген, тік бұрышты көгілдір матаның сол жағында қызыл өрнегі бар. Жалаудың ұзындығы - 2 метр, ені - 1метр. Жалаудың жобасын жасаған – суретші Шәкен Ниязбеков.

Ән: “Көк тудың желбірегені”

2-жүргізуші:

1993 жылы 15 - қарашада Қазақстан Республикасының Ұлттық ақшасы – Теңге айналымға енді.
Ақшам шықты өзімнің тұңғыш рет,
Білдім дербес елімнің үлгісі деп.
Бейнеленген хан, ақын, ғалымдарым,
Беттерінен көз тартып тұрды сурет.
Теңдікті айтып тұр аты теңге деген,
Құт - береке болшы бір елге келген.
Өз туы, елтаңба, әнұраны бар
Айтыңдаршы, енді елім кем де неден?

1-жүргізуші:

1995 жылы 28 - қаңтарында тәуелсіз ҚР – ның тұңғыш «Ата Заңы» қабылданды.
Ермек Өтетілеуұлы. «Ата Заң»
Азат елдің басталған айқын жолы тәрізді,
Ата Заң деп аталған Конституциямыз бар біздің.
Ата Заңмен бекіткен дербестігін еліміз,
Ата - баба мұра еткен, тұтастығын жеріміз.
Халық сенген заңымыз әділдікті қолдайды,

2-жүргізуші:
Жақсарсын деп халіміз адам құқын қорғайды.
Дейді заңы мемлекет үлкенге де, балаға:
“Оқу оқы, еңбек ет, кәсіп жаса қалаған!”
Әрбір бабы маңызды, әр көңілдің жыры бір,

Бізде 30 тамыз – Ата Заңның күні бұл.

1-жүргізуші:

Астана - Қазақстан Республикасының саяси, әкімшілік және мәдени орталығы. Елбасы - Нұрсұлтан Назарбаевтың жарлығына сәйкес 1997 жылы мұнда бұрынғы астанамыз Алматыдан Республиканың басшы орындары Президент кеңесі, Қазақстан Республикасының Үкіметі және Парламент көшіп келді. Еліміздің басқару жұмыстары осы жерден жүзеге асырылады.

2-жүргізуші:

1998 жылы 10 - маусымда жаңа астананың ресми тұсау кесері болды. Қала Есіл өзенінің оң жағалауында Сарыарқаның солтүстік бөлігінде орналасқан.

Ән: «Қазақстан»

IV. Сөзжұмбақ шешу.

1.«Қазақстан»

Қ

А

З

А

Қ

С

Т

А

Н

Сұрақтары:

1.БҚО-дағы үлкен өзен. (Жайық)

2.ҚР-ның астанасы.(Астана)

3.ҚР-сы қандай ел?(Тәуелсіздік)

4.Ең ардақты жан.(Ана)

5.ҚР-ның мемлекеттік тілі.(Қазақ)

6.Жақсы баға.(Бес)

7.Ұлттық валюта.(Теңге)

8.Бұрынғы астанамыз қай қала?(Алматы)

9.Ата Заң деген не?(Конституция)

2. «Отан»

О

Т

А

Н

Сұрақтары:

1.БҚО қаласы. (Орал)

2.Астана символы. (Бәйтерек)

3.Н.Ә.Назарбаевтың туған ауылы.(Шамалған)

4.Ас атасы.(Нан)

V.Қорытындылау.

«Топтастыру»

Алғыр басшы Тұңғыш Президент

Әнұранның авторы Нұрсұлтан Құрылысшы

Назарбаев

Металлург Инженер

Көтереді шаңырақ Астанам асқақ,
Жаңарып қалам, жасарып далам!
Басыңнан серпі бодандық жүгін,
Кетпейді ойдан Отандық ұғым.
Арыстан жүрек, айбынды елім,
Таниды сені бар әлем бүгін.