«Ерлікке тағзым ету-Ұрпақ парызы» тақырыбында мақала

АЛМАТЫ ТЕХНОЛОГИЯЛЫҚ УНИВЕРСИТЕТІ

ТЕХНОЛОГИЯ-ЭКОНОМИКАЛЫҚ КОЛЛЕДЖІ

«Ерлікке тағзым ету-Ұрпақ парызы»

Биылғы оқу жылында колледжімізде Ұлы Жеңіске 71-жыл, 7-мамыр Отан қоғаушылар күніне орай «Дене шынықтыру және Алғашқы әскери дайындық» цикл оқытушыларының арасында жоспарланған «Ерлікке тағзым ету-Ұрпақ парызы» атты әскери спорттық айлық өтті.

Біз үшін сәуір айы мерекеге толы болды. 1 курстан 10 топ қатысты. Әр топ білім алушыларды жақсы дайындықпен келіп, өз Отанының патриоты, қорғаушысы екенін көрсете білді. Байқауға Алмалы ауданы Қорғаныс істер бөлімінің бастығы, полковник Айдар Зарлыханұлы Мүсірепов және Ауған соғысының ардагері, полковник Бақытжан Ибрагимов және полковник Серікбай Баймолдинов және Маликов Болат Ахметханұлы құрметті қонақ болып, өз бағаларын берді. Ауған соғысының ардагері Маликов Болат Ахметханұлы 1 минут үнсіздікпен басталған саптық ән байқауында сөз сөйледі. Өз сөзінде Отанды сүю отбасынан басталатынын, қазіргі жастар Тәуелсіз Қазақстанымыздың болашағы және Отанды қорғайтын да сендер деп үлкен сенім білдірді. Байқауда өз өнерлерімен көзге түсіп, I орынды ОП(9)-15-2 тобының білім алушылары жеңіп алды. II орынға ПМиМП(9)-15-1 топ білім алушылары, III орынға ППП(9)-15-1 тобы ие болды

Сонымен қоса сәуір айы бойы колледжімізде коптеген спорт түрлерінен жарыстар ұйымдастырылды. Атап айтсақ футбол, волейбол, шахмат, дойбы, тоғызқұмалақ, қол күрес, гір тасын көтеру, стол теннисі.

Алматы қаласының колледждер арасындағы әскери-спорттық II спортакиадаға колледж намысын қорғау үшінколледж білім алушылары қатысты. Оны колледжіміздің оқытушы-ұйымдастырушысы, алғашқы әскери дайындық пәнінің оқытушысы,аға лейтенант Д.Оразовтың жетекшілігімен дайындалған колледж білім алушылары өз деңгейінде өнер көсетіп, колледжіміздің абыройын асқақтатып, ІІ орынды жеңіп алды.

Колледжіміздің «дене шынықтыру және алғашқы әскери дайындық цикыл айлығының жабылу кеші Университетіміздің кіші акт залында өтті. Бұл кешке танымал жас спорт шеберлері, армян ұлтының өкілі Погосян Альберт Захарұлы қонаққа келді. Ашылу сөзі колледжіміздің директоры, т.ғ.к. Увакасова Гүльшат Татымқожақызына берілді. Өз сөзінде Гүльшат Татымқожақызы 2015-2016 оқу жылында колледжімізде әскери спорттық патриоттық іс-шаралар жоғарғы деңгейде өткізілгенін атап көрсетті және қалалық әскери-спорттық жарыста II-орынды жеңіп алған білім алушыларды жеңісімен құттықтап алғыс қағаздарымен марапаттады. Келесі оқу жылында да осындай жоғарғы көсеткішке жетулеріне тілектес екенін білдірді. Сонымен қатар, жеңімпаздарды марапаттау сөзі директордың оқу ісі жөніндегі орынбасары Орманов Сәрсебай Ермекбайұлына берілді. Өз сөзінде ата-бабаларымыз қасық қаны қалғанша шайқасқанын айта кете отырып, Бауыржан Момышұлының, Талғат Бегелдиновтың, Мәншүк пен Әлия апаларымыздың ерліктерін ұмытпауымыз керек дей отырып, жеңімпаздарды марапаттау рәсіміне кірісті. Айлықтың жабылу кешіне танымал жас спортшылар шақырылған болатын. Еркін күрестен спорт шебері, Азия чемпионы Голцман Александр және спорттық гимнастикадан спорт шебері Павлов Дмитрий мен көркем гимнастикадан спорт шебері Мушкетова Алена колледж білім алушыларына қазіргі уақытта өмірдің мәні білім мен спортта екендерін айта кете, спортпен айналысуға шақырып, өз өнерлерін сахнада көрсетті. Спортшылардың өнеріне таң болған колледж білім алушылары қол соғумен өз ризашылықтарын білдірді.

Спорттық ойындардан колледж біріншілігінде жеңіске жеткен жеңімпаздары да мақтау грамоталарымен марапатталды. Колледжіміздің дене шынықтыру және алғашқы әскери дайындық цикл оқытушылары Егеменді еліміздің жарқын болашағы үшін дені сау, салауатты өмір салтын ұстанатын білім алушыларды тәрбиелеуде ерінбей еңбек ететінін көрсете білді. Біз жарқын болашақ осы жастардың қолында екеніне сенеміз.

Технология-экономикалық колледжінің алғашқы

әсери дайындық пәнінің оқытушылары

Оразов Даулет Оралович

Жұмаділов Нұрболат Тазабекұлы