Ертегі "Ақылды Ақтөс" 2 сынып

Ақылды Ақтөс

   Ерте, ерте, ертеде  еңсесі биік  тәуелсіз елде, ел – жұрт аманда, бейбіт бір заманда,  табиғаты әсем көз тартар нулы орманды жерде ата мен әжей өмір сүріпті. Атай мен әжейдің Әли және Назерке атты екі кішкене немересі болыпты. Әли мен Назеркенің  Ақтөс атты кішкентай күшігі, он тауығы және бір ақ қоразы болыпты. Әли мен Назерке өздерінің достарын өте қатты жақсы көреді. Оларды күтіп, уақытында тамақтандырып отырады. Ақтөс тауықтармен дос болғысы, ойнағысы келеді, ал тауықтар мен ақ қораз оны түсінбей шошып шоқып маңдарына жолатпайды. Осылай  күндер өтіп жатады. Ақтөс үлкен ит болып өседі. Тауықтар мен ақ қораз Ақтөстен одан бетер қорқады.                                                                                                                 Бір күні орманда қарны ашып тамақ іздеп жүрген түлкі кішкене қора алдында жем шоқып жүрген тауықтарды көріп қарнын тойғызуға қамданады. Кеш бата әлгі түлкі жемтігін аулауға қораға түспекші болып жортып келе  жатады. Аулаға кіре бергенде түлкіні көрген Ақтөс оны  қуа жөнеледі. Түлкі қашып кетеді. Өздерін бір ажалдан құтқарған тауықтар мен ақ қораз Ақтөске ризашылығын білдіреді. Содан бері олар тату-тәтті өмір сүреді.