Ертеңгілік "Ұлы Жеңіс күні"

МКҚК « Айжан » балалар бақшасының «Балапан» тобының

ұйымдастырылған  оқу   іс-әрекетінің технологиялық картасы

 Күні: 04.05.2016

 Білім беру саласы: Қатынас

 Оқу іс-әрекеті:  Тіл дамыту

Тақырыбы: «Жеңіс күні-ұлы күн!»

Мақсаты:

1.      Білімділік: Балаларға Ұлы Отан соғысы, жеңіс, ерлік, батырлық туралы түсінік, ұғым беру, білімдерін жетілдіру. 

2.      Дамытушылық: Балалардың ақыл-ойын, қиялын,тілін, сөз байлығын, ән айту қабілетін дамыту

3.      Тәрбиелілік: Отанды қорғауға, сүйіспеншілікпен қарауға, сүюге, үлкенді құрметтеуге, отан үшін шайқасқа түскен аға- апаларымыздың рухына бас июге, үлкенге – ізет, кішіге-қызмет етуге, адамгершілікке тәрбиелеу. 

Көрнекіліктер:Ұлы Отан соғысы туралы кітаптар, батырлар суреттері.

Іс-әрекет бөлімдері	Тәрбиешінің іс-әрекеті	Балалардың іс-әрекеттері
Мотивациялық қозғаушы (Ынталандыру, сезімді ояту)	Шаттық шенбері Армысың, Әлем! Армысың, Жарық күн!  Армысың, абзал Адам!  Армысың, менің досым! Сұрақтар қою: -Балалар, қазір жылдың қай мезгілі? -Балалар, бүгінгі ауа-райы қандай? -Балалар, қазір қай ай?  -Көктемде  қанша ай бар?	Балалар шенберге тұрып қимыл-қозғалыспен өлең жолдарын қайталап айтады. -Көктем -Күн жылы -Сәуір -3ай бар
Ізденістер      ұйымдастыру	1941 жылы 22 - маусымда таң шапағы жаңа ғана арайланып келе жатқан кезде елімізге қауіп төнді. Ат ауыздығымен су ішкен, ер етегімен су кешкен сұрапыл соғыста ерлермен бірге қолдарына қару алып, Отанын қорғауға біздің батыр апаларымыз Шығыс жұлдыздары Әлия Молдағұлова мен Мәншүк Маметова ерлік көрсетіп, батырлықпен қаза тапты. Момышұлы Бауыржан (1910 - 1982) – екінші дүниежүзілік соғыстың даңқты жауынгері, халық қаһарманы, қазақтың көрнекті жазушысы. Туған жері - Жамбыл облысының Жуалы ауданындағы Көлбастау мекені. Бауыржан жеті жылдық мектепті бітіргеннен кейін біраз уақыт мұғалім болған. Сонда жүргенде кезекті әскери міндетін өтеуге шақырылып, онда бір жарым жыл жүріп, запастағы командир атағын алады. Туған ауылына қайтып оралған соң, ол біраз жыл қаржы мекемесінде қызмет істейді. Содан қайтадан Қызыл Армия қатарына шақырылып, түрлі әскери бөлімдерде взвод, рота, командирі болады. Ұлы Отан соғысына қатысқан: Бауыржан Момышұлы, Мәншүк Маметова, Әлия Молдағұлова, Мәлік Ғабдуллин, Талғат Бигелдинов т. б. Ол кісілерге құрметпен бас иеміз. Ал осы бейбіт өмірге жете алмаған, ерлікпен қаза тапқан ағаларымыз бен апаларымыздың рухына бас иіп, еске алайық. 1 минут еске алу. Ел алдындағы борыштарын өтеп, еліміздің амандығын, жеріміздің тұтастығын қорғап қалған ерлерге тағзым етеміз. Олар еліміздің жарқын болашағын, жас ұрпақтың өмірін, халықтың бақыты мен қуанышын сақтап қалды. Әлемді дүр сілкіндірген оқиға 1941жылы маусымның 22 - де болған еді. Бірақ сол кездегі Кеңес елінің бірлігі мен достығының арқасында 1945 жылы 9 - мамырда бұға Ұлы Жеңіспен аяқталды. Міне, содан бері 71  жыл мерзім уақыт өтті. Биыл Ұлы Жеңістің 71  жылдығы.. Сергіту сәті: Қырғауыл боп ұшамыз, ұшамыз Түлкi болып қашамыз, қашамыз  Қырғауылдай тапқыр боп, тапқыр боп, Орнымызға қонамыз Дидақтикалық ойын: «Қане, қане» ойыны Ойынның шарты: -Қане, қане басын? -Қане, қане көзін? -Қане, қане мұрнын? -Қане, қане  құлағын? -Қане, қане аузын? -Қане, қане қолын?	Балалар мұқият тыңдайды Әуен ойнайды 1 минут үнсіздік (Екi қолымен қанат жасап ұшады)  (Бiр орындарында тұрып жүгiредi)
Рефлексивті (қортындылау, өзін-өзі бағалау)	Қорытындылау: -Балалар біздің бүгінгі оқу іс-әрекетімізден  не үйрендік? -Ұлы Отан соғысына кімдер қатысыпты? -Ұлы Жеңіс күнін қай күні тойлайды екен? -Жарайсыңдар балалар. -Балаларды мақтап,мадақтау.	Балалар сұрақтарға жауап береді.

Күтілетін  нәтиже:

Білуі тиіс: 9 мамыр Жеңістің ұлы күні екенін.

Көрсете білуі: Балалар Жеңіс күнінің мереке екенін сонымен қатар, ойын ойнауға деген құлшынысын. 

Түсінігі: Мерекенің тойлануын

Технологиялық картаны толтырған тәрбиеші: Каримова З.А.