«Ана
- өмір гүлі»
Тәрбиеші: Қош
келдіңіздер! Аяулы әжелер, аналар, қызғалдақ қыздар, қадірлі ұстаздар!
Көңілдеріңізге көктем шуағындай сезім мен нұр құйып сегізінші наурыз
Халықаралық әйелдер мерекесі де келіп жетті. Осындай көркем мерекенің қай кезде
де орны бөлек. Олай болатыны аналарға ыстық сезім, алғыс пен құрмет ешқашан
сөнген емес. Олар өмірдің гүлі, көңілдің жыры, әр отбасының алтын діңгегі.
Бүгінгі «Ана – өмір гүлі» атты ертеңгілігіміз сіздерге арналады.
Ән: «Нұрын төккен маған»
Тәрбиеші:
- Бала, бала, бала деп
Түнде шошып оянған
Түн ұйқысын төрт бөліп,
Түнде бесік таянған.
Аялы қолда талпынтқан
Қаймақты сүттей қалқытқан
Суық болса жөргегі,
Қорғасындай балқытқан.
Айналасына тас қойып,
Өзенді көлдей шалқытқан,
Қолын қатты тигізбей
Кірлі көйлек кигізбей,
Иісін жұпар аңқытқан,
Бұл кім, балалар?
Балалар: Ана! Ана! Ана!
- Иә, бұл әрине ана! Құрметті аналар,
қадамдарыңызға гүл бітсін, сіздерге арналған мерекемізді бастаймыз! «Айгөлек»
ортаңғы топ балалары өз құттықтауларын білдірмекші ( балалар аналарына
сыйлықтарын табыстайды).
1.Мәдижан
Бүгін Наурыздың сегізі
Сұлулықтың егізі
Әдемі сөз адамның
Анаға айтар лебізі.
2. Айсана
Мәпелейсің мені анам
Қолыңдағы құсыңдай
Құлпыра өсіп дем алам.
Құшағында қысылмай.
3.Әлихан
Жүре берсем қасымда
Әйбат анам, әй анам
«Ботам» деген дауысыңнан
Мен мәз болып оянам.
4.Бекназар
Еркелесем күнім дейтін
Ұрысқаны білінбейтін
Маңдайымнан искеп менің
Құлыншағым күнім дейтін.
5. Эльмира
Сенен өскен балалар,
Батырлар мен даналар.
Құттықтаймыз мейраммен,
Құрметті, жан аналар!
6.Адилет
Ана біздің күніміз,
Ана біздің гүліміз
Бізді ана қуантып
Ұзақ өмір сүріңіз.
7. Ерсұлтан
Әжем менің әйбат.
Ешкім оған жетпейді.
Күні бойы бірге ойнап,
Жанымнан бір кетпейді.
8. Ақсезім
Ақ жүректі анашым,
Күн сәулелі анашым.
Әлпештеген баласын,
Айналайын анашым.
9. Алмат
Бөбегіңнің сыйлығын,
Қабыл алшы анашым.
Ұзақ өмір жүр жасап.
Ауырмашы анашым.
10. Санжар
Анамды мен жақсы көрем
Айтқан тілін алып жүрем
Қасымда апам жүргенде
Шаттанып ойнап күлем
11. Ильмира
Айтсаң болды тіл алам.
Әйбат мамам әй мамам.
Сені көрсем қуанам.
Сен керексің қашанда.
12. Әділет
Аялаған баптаған,
Асыраған сақтаған
Сақтандырып күнде еппен
Айтып бәрін үйреткен
Анамызға мың алғыс
13. Ерасыл
Адал бол деп балдырған
Әділдікке баулыған
Жүрегінде махаббат тілегінде мархабат
Анамызға мың алғыс.
14. Назым
Шалқып, тасып әніміз
Жадырасын жанымыз,
Ана, сені құттықтап,
Әндетеміз бәріміз.
Сайыс: «Өнегелі ана, өнерлі қыз»
Тәрбиеші: - Құрметті ұстаздар, ата-аналар 8 – наурыз аналар
мерекесіне орай екінші кіші «Балапан» тобы ана мен қызы арасындағы «Өнегелі
ана, өнерлі қыз» сайысын ұйымдастырып отыр. Бұл сайыста қыздар мен Аналар өз
өнері, білімі, тапқырлығы және шеберліктерін көрсетіп сынға түседі. Ендеше сайысымызға қатысушы сайыскерлерді ортаға
шақырайық:
- №1- отбасы: Анасы-Бақытгүл; қызы
– Назира;
- №2 – отбасы: Анасы – ; қызы –
Арайлым;
- №3 – отбасы: Анасы – ; қызы –
Томирис;
- №4 – отбасы: Анасы – ; қызы –
Медина
- №5
Тәрбиеші:
-
Әділ қазылармен таныстыру:-
Алдымен сайыскер ару, аналарымыздың ішінен білімі мен
білігі, бағы мен бабы қатар жанған жандарды дәл анықтап беретін әділ - қазы
алқасымен таныстырып алайық:
1. Мектеп директоры – Досжанова М.Б.
2. Тәрбие ісінің меңгерушісі -
3. Ата – ана – Қаханова Л.
- Енді көрермендерге сайыстың шарттарымен таныстырып
өтейік. Сайыс 5 бөлімнен тұрады.
1. «Сәлем – сөздің атасы» яғни өз - өзін таныстыру (өз тобын таныстыру)
2. «Сәнді шаш үлгілері» сайысы (аналар қыздарының шаштарын сәндейді).
3. Өнер сайысы (ана мен қызы өз өнерлерін көрсетеді).
4. Сән сайысы яғни көктемгі сән үлгілері.
5. Үй тапсырмасы
(тағам әзірлеу)
Тәрбиеші: 1.«Сәлем – сөздің атасы» - деп басталатын бірінші кезеңімізді бастаймыз.
Әр топ бір ерекшеліктерін көрсете отырып тақпақ ретінде ма, қимыл ретінде ма
таныстырып өтеді.(таныстыру)
Тәрбиеші: 2. Аналарымыздың, Әжелеріміздің қолынан келмейтін өнер
жоқ. Олар тігеді, пішеді,түрлі шаш үлгілерін жасайды. Енді өнегелі анамыздың
өнерін тағы бір қырынан қарайық. Аналарымыз өздерінің ханшайымдарына осындай
ертеңгіліктерге арналған сәнді шаш үлгілерін жасауы қажет. Ең әдемі , сәнді
және жылдам жасалынған шаш үлгісіне ұпай беріледі.
- Тамаша, міне ханшайымдарымыздың әдемі шаш үлгілері де
дайын болды. Нағыз шаштаразшылар осыннан табылып жатыр. Енді біздің әділ -
қазыларымыз өз бағаларын береді.
Тәрбиеші:
қатысушылар келесі сайысқа дайын болғанша Айгөлек тобының балалары дайындаған
биді тамашалайық: «Кір жуу»
Тәрбиеші: 3.
Сайысымыздың келесі бөлімі «Өнер сайысы». Бұл сайыста әр сайыскерлерге үй
тапсырмасы берілетін болатын, ендеше өнерлерін тамашалайық.
- Тамаша, өнерлеріңізге тәнті болдық. Әділ қазылар алқасының бағаларын
қарайық.
Тәрбиеші:
қатысушылар келесі сайысқа дайын болғанша Айгөлек тобының балалары дайындаған
биді тамашалайық: «Аспазшы»
Тәрбиеші: 4.
Сайысымыздың соңғы бөліміне келіп жеттік, «Сән» үлгілерін көрсету сайысы.
Ендеше қошеметпен ортамызға сән үлгісін көрсетуге Аналарымыз бен кішкене
ханшайымдарымызды шақырайық.
Тәрбиеші:
Жарыс заңы ежелден -
Жеңімпазды анықтау
Жеңімпаз болу шарты сол -
Еңбектену, жалықпау
Біреу озса сайыста,
Біреу артта қалады
Жеңілгендер ренжімей
Тараса бізге жарады
- дегендей сайыстың аты сайыс, мұнда біреу жеңеді, енді біреу жеңіледі.
Жеңімпаздарымызды анықтау үшін сөз қазылар алқасына беріледі.
Марапаттау атаулары:
1.
«Өнегелі ана, өнерлі қыз» сайысының жеңімпазы
2.
«Үздік таныстыру»
3.
«Үздік сәнді шаш үлгісі»
4.
«Үздік өнерлі топ»
5. «Үздік сән үлгісі»
- Әділ -
қазылар және мектеп директорына сөз беріледі.
- Міне,
құрметті абзал жанды әжелер, аналар, кішкене ханшайымдар
мерекелеріңіз құтты болсын! Осыменен сіздерге арналған ертеңгілігіміз аяқталды.
Сау - саламатта болыңыздар!
Ән жырдан көңілдерді қуантыңдар,
Барымен шат-шадыман болыңыздар.
Қоштасайық, келесі кездескенше,
Әрдайым сау - саламат болыңыздар!
Оставьте свой комментарий
Авторизуйтесь, чтобы задавать вопросы.