«Есірткі, ішімдік, темекіні қолдану - заң алдындағы жауапкершілік»

Подстепный қазақ жалпы орта білім беретін мектебі

«Есірткі, ішімдік, темекіні қолдану - заң алдындағы жауапкершілік»

Ұйымдастырғандар: 9 «ә» сынып жетекшісі А.Ж.Хансултанова,

                     Педагог-психолог Ж.Қ.Хамзина

18.11.2015ж.

Тақырыбы: «Есірткі, ішімдік, темекіні қолдану - заң алдындағы жауапкершілік»

Мақсаты:• Салауатты өмір салтын қалыптастыру;

       •Адам денсаулығының маңыздылығын  ұғындыру;

       •Наша, арақ, темекінің зияндылығын көрсету;

       •Денсаулыққа пайдалы кеңестер беру;

       •Дені сау, шығармашыл, сымбатты, ел жанды болуға тәрбиелеу.

              Армысыздар! Құрметті ұстаздар, Салауатты өмір салтын қолдайтын, жастар!

           Бүгінгі «Есірткі, ішімдік, темекіні қолдану - заң алдындағы жауапкершілік» тақырыбындағы сыныптан тыс шараға қош келдіңіздер.

         Кішкентай кезінде баласы анасынан қайшы сұрап болмай қойыпты. Анасы қайшыны бермей қойған, баласы жылап қоймаған соң ақыры береді. Баласы сол қайшымен ойнап жүріп, көзіне кіргізіп алады екен.
Кейін бір көзсіз қалған бала есейіп, әбден қорлық көрген өміріне қатты налиды. Анасынан барып көзімен болған оқиға жайлы сұрайды. Анасы сен жылап, қайшы сұрап қоймаған соң, бере салғам деп ақталады. Баласы сол кезде анасына “Неге сонда бере қойдың қайшыны? Көп болса бір күн жылайтын едім ғой. Ал қазір өмір бойы жылап келемін” деп күйінген екен.

          Осындай оқиғадан кейін талшыбықтай жайқалып өсіп келе жатқан денсаулығымызды қазірден бастап есірткі, ішімдік, темекі  т.б жаман әдеттерден аулақ ұстап олардың зияны туралы достарымызға, туыстарымызға оның дұрыс емес екендігін, шынымен де сенің қарсы екендігіңді айта жүру керек сияқты.

       Міне осы мақсатта бүгінгі оздырғалы тұрған шарамызға «Есірткі», «ішімдік», «темекі» болып 3 топқа бөлініп зиянын әртүрлі бағытта азірлеп дайындалып келген 9 ә сынып оқушыларын ортаға шақырамыз.

                                               Сыныптан тыс шараның жоспары

Өтілу күні	18 қараша 2015 ж		Мастер - класс
Тақырыбы	Есірткіні, ішімдікті, темекіні қолдану – заң алдында жауапкершілік
Сынып	9ә
Ұйымдастырушылар	Сынып жетекшісі А.Ж.Хансұлтанова,                                                                                                 Педагог-психолог Ж.Қ.Хамзина
Ортақ мақсат	Салауатты өмір салтын қалыптастыру; Адам денсаулығының маңыздылығын  ұғындыру; Наша, арақ, темекінің зияндылығын көрсету; Денсаулыққа пайдалы кеңестер беру; Дені сау, шығармашыл, сымбатты, ел жанды болуға тәрбиелеу.
Нәтижесі	Дені сау, салауатты өмір салтын қолдайтын  ұрпақты дамыту.
Жаңа идеялар	Ақпараттық компьютерлік технологиялар арқылы тақырыпты ашу        Оқушылардың өз ойларын еркін жеткізуі
Тапсырмалар	Тренинг «Сәттілік тілеу» 5 мин. Топқа бөлу                            (есірткі,ішімдік, темекі)                      Тапсырма № 1 Ұй тапсырмасы  Презентация (тақырыпты слайд,бейнеролик,интервью,    баяндама арқылы ашу) 5-7 мин.	Жағдаяттар 1-топ: Сенің сыныптас досыңның әкесі есірткі қолданатынын байқап қалдың, досың сабағын жақсы оқитын, сыныптағы беделді, алдыңғы қатарлы балалардың бірі еді. Сен оның соңғы кездері көңіл күйінің түсіңкі екенін байқап, сөйлесу барысында отбасындағы жағдайды естідің дос ретінде сен оған қандай қолдау жасар едің?  2-топ: Екі жақсы дос. Біреуі жасырып ішімдік ішеді. Ал оған досы үнемі қарсылығын білдіреді. Бұдан қорытынды шықпаған соң, “егер сен ішімдік ішуіңді қоймасаң, мен сенімен дос болудан бас тартамын” деген шарт қояды. Досыңның  қойған шарты дұрыс па? Егер сіздің досыңыз ішімдік ішетін болса, мейлі ұл не қыз болсын оның ішімдік ішпеуіне қандай ықпал жасайсыз?                                                                         3-топ:   Саған 11-сынып оқушысы «Маған күніне бір қорап темекі алып бер. Екеуіміз бірлесіп шегеміз. Мұны тек сен екеуіміз ғана білетін болайық. Әйтпесе ...» деп жұдырығын көрсетіп шарт қойды. Өзіңді қандай жолмен құтқарасың?
	Тапсырма 2. Постер құру  5-7 мин. ( әр топқа беріледі)                                                 Қорғау-  4 мин 1-топ «Есірткі» «Сіз мемлекет басшысы болсаңыз есірткіге қарсы қандай шара қолданасыз?»  2-топ «Ішімдік» «Баспасөз ақпарат құралдары арқылы ішімдікке  қандай қарсы тұру шараларын қолданар едіңіз?» 3-топ «Темекі» «Отбасы мүшесі ретінде темекіге деген тәуелділікті қалай жояр едіңіз?»	Бейнеролик (Ойтолғау) Мектебіміздің әлеуметтік педагогы Б.К.Бадашов тақырыптың негізгі бөлімі заң аясында ашық толығырақ баяндады. Қорытынды: «Екі жұлдыз, бір тілек» стикер арқылы өз ойларын білдіру Флешмоб

Шарамызға  мектебіміздің әлеуметтік педагогы Б.К.Бадашов қатысып отыр. Бүгінгі тақырыбымызды әрмен қарай ашып зиянды заттарды қолданған кезде қандай заң алдындағы жауапкершілікке тартылатындығы туралы сіздерге баяндау үшін ортамызға шақырамыз.

Бүгінгі кешімізді

Көк түтінге жас өкпеңді ыстама,

Ащы суға өзіңді-өзің қыстама.

Ер  жетудің белгісі деп бұл да бір

Әуес көріп ұстамасты ұстама!

Жігерің бар, талабың бар, қайратың,

Мақсат тұтсаң қанатың бар талмайтын.

Өз-өзіңді ұстай білсең тартынып,

Өмірің бар алда әлі солмайтын

 деген өлең шумағымен қорытындылағым келіп отыр. Шарамызға келіп көңіл бөліп тыңдаған көрерменімізге және өз ойларын ортаға салған 9ә сынып оқушыларына рахметімізді айтамыз!

Анықтама

           «Есірткі, ішімдік, темекіні қолдану - заң алдындағы жауапкершілік» тақырыбындағы топшық шараға сынып жетешісі А.Ж.Хансұлтанова мен Ж.Қ.Хамзина  9ә сыныбы оқушыларымен ұйымдастырылды. Шараға 9а,б сыныптары да көрермен ретінде қатысып қойылған сұрақтарға, ой толғауларға өз ойларын бөлісті.

Мектебіміздің әлеуметтік педагогы Б.К.Бадашев тақырыптың негізгі бөлімі заң аясында ашық толығырақ баяндады. Шара қорытындысында ойтолғаумен, «Екі жұлдыз, бір тілек» стикер арқылы өз ойларын білдірумен,  флешмобпен жалғасын тапты.

Орындаған: педагог-психолог Ж.Қ.Хамзина          18.11.2015жыл