Эссе "Менің өмірлік баспалдағым"

Менің өмірлік баспалдағым

        Осынау қамшының сабындай қысқа  ғұмырда адам өмірі бір сырға толы болады екен.Әр адам осы өмірден өз орнын тапқысы келеді.Алға мақсат қойып соған ұмтылу белгілі бір өзінің ойлағанына қолы жеткенше асық болып еңбек етеді.Өмірге келген соң адамдық борышынды өтеу міндет деп санаймын.Менің бала кезгі арманым ұстаз болу еді. Міне қазір сол арманыма қол жеткіздім. Дегенмен оңай болған жоқ. Көп еңбекпен қажымас қайраттың арқасында деп ойлаймын. Әрине ұстазы жақсының ұстамы жақсы демекші менде өз ұстаздарымнан үйренгенімді өз шәкірттеріме үйретсем деген арманым мені жетелеп  РӘГК оқу орнына оқуға түстім. 4 – жыл оқып бітіріп өз білімімді әрі қарай жетілдіру үшін ең алғаш    Абай ауылына «Абай негізгі мектебіне »  жұмысқа тұрдым , сөйтіп ұстаздық деген ұлы жолға қадам бастым.
     Ұстаздық қызметтегі алғашқы қадамым да осы мектепте басталды.Мектеп өте ұйымшыл.Мұнда көңілі көлдей кең,жаны жайсаң кісілер жұмыс істейді екен.Олармен араласу маған онша қиын болған жоқ.Құшақ жая өз орталарына қосты.2 жылдың көлемінде ұстаздық қызметімді атқарудамын.

Сол екі жыл ішінде маған берген алғашқы сыныбы 3-ші сынып оқушылры. Сынып есігі ашылғанда мені мейірімді де сүйкімді балалар қарсы алды.

Ұстаз болу – жүректің батырлығы,
Ұстаз болу – сезімнің ақындығы,
Ұстаз болу – мінездің күн шуағы,
Азбайтұғын адамның алтындығы –дегендей  бірінші бойымда әрине қорқыныш сезімдері  болды. Жұмысымның да мәнді де қызықты болуына бауланысты уақыт өте келе  қорқыныш сезімі басылды. Қиялымдағы арманым орындалып енді сол арманымды мақсаттарым жалғай түсті.Ұстаздық педагогикалық жолыма қойған мақсатым: үлгілі маман болып , Қазақстанның  білімді азаматтары мен азаматшаларын тәрбиелеу.Жоғары жетістіктерден көріну.

    Бір ай уақыт өтер-өтпес аралықта өз сыныбымен «Ас атасы нан » тақырыбында ашық сабақ өткіздім. Сабағыма куә болған ұстаздардың пікірі бойынша жоғары деңгейде өтті.

«»  курс. Оқу кезінде практикалық және теориялық жұмыстар жасадық. Сонын нәтижесінде мумкіндігі шектеулі балалармен жұмыс істеуді үйрендім.  Оқу оң нәтижесін берді.  Осы тәжірибемді сабақта қолдандым.

    Менің ұстаздық сара жолым өз балаларымның білімін ары қарай жетілдірумен жалғасты. «Тәрбиесіз берілген білім адамзаттың қас жауы »- деп Әбу Нәсір Әл-фараби атамыз айтқандай  ең бірінші баланың бойына адамгершілік қасиеттерін сіңдіре білу ұстаздың міндеті деп ойлаймын. тәрбие мен тәртіп болу керек,ал білім беруге келсек ол әрине мұғалімнің жаңа технологияны меңгеруі мен әдіс-тәсілдеін тиімді пайдалануға байланысты болмақ. Сол себепті ұстаздың бойында жігерлік , адамгершілік,қамқорлық,шыдамдылық,сабырлық,ұқыптылық,имандылық болу керек.

      Биылғы оқу жылы 1 сынып  бүлдіршіндерін құшақ жайа қарсы алдым. «Баланы ең әуелі мейір-шапағатқа, содан соң ақыл-парасатқа, ақырында пайдалы ғылымға,еңбекке баулы», деп  ұлы ғұлама Абай атамыз  айтқандай,баланын ең бірінші өз-өзіне деген сенімділігін,білімге деген құштарлығын арттыру қажет.Менің шәкірттерім сабақ жағынан да шығармашылық жақтан да көптеген жетістіктерге қол жеткізді. Тоқтала кететін болсақ: еліміздің тәуелсіздік күніне арналған   «Әнім саған Қазақстан » ән байқауында 1-орынға ие  болдық. Бұдан да басқа мерекелік іс-шараларға оқушыларым үзбей атсалысып қатысып отырды. Нәтижесінде жүлделі орындар алып,мақтау қағаздарымен марапатталды.

Фото

  Еліміздің ертеңі бүгінгі жас болашақ балғын,бүлдіршіндеріміз.Сол себепті шәкірттеріме ұлтжандылық пен кішіпейілділік бойларына сіңіп өссе екен деймін.Осы жолда көп еңбек етпесемде қазірден бастап алға жоспарлар құрып жаңа бір заманауи талапқа  сай оқу үрдісімен өзімді жас маман ретінде әрі қарай жетілдірсем деген ойым бар. «Шәкіртсіз ұстаз- тұл» –деп бекер айтпаған.Мен үшін шәкірт тәрбиелеу үлкен бақыт.

   Бұл жолда аянбай еңбек етіп ,ұстаздық жолын ары қарай жетілдіріп қана қоймай ,асу белестерден көрінем деген үміттемін.