Эссе.
«Менин педагогикалык
једимдерим».
«Тазылы
јок агаш болбос,
Угы јок кижи болбос».
Ӱредӱчи … Бу улу сӧстӧ муҥдар тоолу јажыт, канча
ӱйелердиҥ келерлиги учун каруулу болоры ла јӱрӱмде кандый кижи таскадып салары
деген эҥ учурлу керек…
Кажы ла урок- ол јаҥы чалыган кӱн, ӱренчиктерим- ол
кӱннин јылу ла эрке чокторы…
Кӱн јогынаҥ агаш ӧспӧс. Агаш тазылданып, ӧрӧ ӧзӧт, кӱнге
чӧйилет, јылу чокторго тартылат.
Баштамы класстардыҥ болчомдоры- ол агаштын тазылыла
тӱҥей. Олорды канайда тазыктырып, таскатканымнаҥ келер ӧйдӧ кандый улус болуп
ӧзӧри, кӧп јандай, байла, менеҥ камаанду.
Јаҥы тазылданып јаткан јаш корбо, бӱгӱнги некелтелерле, јетирӱлерле
таҥынаҥ иштеп билер, не- немени аҥылап тӱҥдештирер, керектӱ јетируни бойы
бедиреп табар, најыларын лаптап угуп билер болор учурлу. Оныҥ ончозын ФГОС- тыҥ
ӱлекерин белетеп тура, тоого алганы сӱреен јаан учур берет.
Онын учун кичинек ӱлекерлер тургузып билгени кажы ла
балага керекту јетирӱни тереҥжиде ле элбеде шиҥдеер арга берет. Ӱренчиктер
ӱлекерлер тургузарында, тууразынаҥ шиҥдеп кӧргӧжин, јӱстеринде кӱлӱмји, кӧстӧринде
јилбӱ ле јаркынду одычактар…Кӧп сабада олор тазылданып ӧскӧн барбак бӱрлӱ агаш
ла јаркынду кӱн јурагылайт.Ӧрӧ ӧзӧрине, јарык келерликке бӱткени- ол мениҥ
ижимниҥ једимдери деп бодойдым.Ол тазыл корболоп ӧзӧрине бир де алаҥзыбайдым, келер
ӧйдӧ угын улалтар, тилин чеберлеп апарар ӱйе таскап јатканы-мениҥ эҥ јаан ла
теҥистий тереҥ, теҥеридий бийик амадуум, јединген санаам…
Бу болчомдор- кунниҥ јаhкынду
чокторы, кажы ла ӧзӱп јаткан агашка јаркынын ла јылузын бир де карамдабас.
Окашева
А.М.
